Lehendakaritza

Bizi Berri Plana

Bizi Berri Plana Eusko Jaurlaritzaren lan-tresna da pandemiaren bilakaeraren deskribapena eta jarraipena egiteko, baita gizarte osoari eragiten dioten prebentzio-neurriak prestatzeko ere. Dokumentu hori lau hilean behin eguneratzen da. LABIren (Larrialdiari aurre egiteko bidea, Euskadiko Babes Zibileko Plana) Aholku Batzordearen jarduera-esparru gisa balio izan du.

Lehenengo Bizi Berri Plana 2020ko maiatzaren 4koa da. Lehen olatuan etxean konfinatuta egon ondoren, deseskalatze-plangintza egiteko izan zen. Oso konfinamendu zorrotza gainditzeko eta gizarte-funtzionamenduaren oinarrizko jarduerak modu ordenatuan berreskuratzeko beharrari erantzun zion.

Urriaren 2an aurkeztu zen Bizi Berri II Plana, maiatzeko plana eguneratzeko. Erantzun komunitarioa egituratzean zentratu zen, Euskadin zein mundu osoan pandemiaren eboluzio zalantzagarriko eta goranzko egoera bati aurre egiteko, gero "bigarren olatua" deitu izan zaion horretan.

Bizi Berri II Planaren ekarpen nagusia Erreferentziazko Panel bat sortzea izan zen, une bakoitzean pandemiaren bilakaeraren aurrean erantzun komunitarioko neurrien erregulazioa aztertzeko. Panel hori LABIren lan-tresna bilakatu da.

Bizi Berri III Plana –2021eko otsailaren 12an aurkeztua– 2021eko otsaila eta ekaina bitartean estrategia bat kokatu eta orientatu nahi du. Gizarte-jardueren, erantzun komunitarioaren, konpromisoen eta erantzunkidetasunaren beharrezko egokitzapena artikulatzean oinarritzen da. Erantzunkidetasun hori, ohitura eta portaera sozial gisa, COVID-19k eskatzen duena herritar guztiengandik.

Azken aldaketako data: