Aurkibidea
Gaikako mapak (adierazleak)::
Helburua:
Udal adierazleak hedatu eta aztertzeko sistema da. Aukeratzen diren adierazleen emaitzak tauletan edo gaikako mapetan ematen dira. Era berean, adierazle bakoitzari lotutako fitxa metodologikoak ere bistaratu daitezke..
Adierazleen taula (gaikako mapak):
Adierazleen menua:
Adierazleak errazago bilatzeko menua aktibatzeko, ezkerretako menuan "Iraunkortasun Adierazleak" aukeratu behar da. Adierazleen taulak piramide-egitura dauka; oinarrian, bakoitzaren izaeraren arabera gaika taldekatzen diren adierazleak daude (guztira 23 gai), eta hauek, gainera, menuan agertzen diren hiru ardatzetan taldekatzen dira: Ekonomia/lehiakortasuna, Kohesio soziala/bizi-kalitatea eta Ingurumena.
Hasieran aipatutako hiru ardatzak ageri dira, eta horien gainean klik eginez gero aukeratutako ardatzak dituen arloak zabaltzen dira. Arlo bakoitzaren gainean klik eginez gero, horri lotutako adierazleak agertuko dira; hauek zuzenean aukera daitezke. Adierazle bat aukeratzean, aurretik zehaztutako gaikako mapa bat sortuko da; gero mapa hau aldatu ahal izango da.
Aukeratutako adierazleak ematen dituen aukerak:
Adierazle bat aukeratzean, legendaren azpian gune berri bat aktibatzen da (ikusi irudian). Bertan, honako aukerak erabili ahal izango dira:
- Adierazleak udalerri guztientzako dituen balioak ikusi. Taula pdf, html edo Excel formatuan hartu.
- Adierazlearen fitxa metodologikoa ikusi. Fitxak pdf, html edo Excel formatuan ere ikus daitezke.
- Aukeratu den adierazlearen datuen erreferentziako urtea aldatu. Horrela, balio berrienak agertuko dira. Hori gorabehera, aurreko urteetako datuak ere ikusi ahal izango dira.
Gaikako mapek ematen dituzten aukerak:
Taularen beheko aldean, gaiak sortzeko eta maila kopurua hautatzeko metodoaren kontrolerako tresnak daude. Hona hemen erabil daitezkeen metodoak:
- Tarte berdinak: metodo honen bidez, balioen espazioa nahi diren taldeetan zatitzen da eta horiei balio berdineko mailak ematen zaizkie. .
- Koantilak:metodoak, markatzen den talde kopuruaz zatitzen du balioen espazioa. Talde bakoitzak, gainera, balio kopuru bera dauka. Koantil batek biztanleen ehuneko jakin bat ordezkatzen du; adibidez, 5en koantil bat kintila izango litzateke eta honek elementuen %20 hartzen du
- Ebaketa naturalak: metodo honek balore-sekuentzian jauzi garrantzitsuak identifikatzen ditu klase edo mailak sortzeko, klase bakoitzaren aldaketa gutxitzen duen estatistika formula bat aplikatuz. Gainera, datuei atxikitako taldekatzeak eta banaketa-jarraibideak ikusi ahal dira.
- Desbiderapen estandarrar: metodo honek mailak sortzen ditu batez bestekoarekiko distantziaren arabera. Horretarako, batezbestekoa eta desbiderapen tipikoa kalkulatzen ditu, eta batezbestekoa oinarri hartuta, desbiderapen tipikoaren proportziozko mailak sortzen ditu pixkanaka, gorantz zein beherantz. Mailen tamaina aldatu egiten da aukeratu den zenbakiaren arabera. Adibidez 1en kasuan, mailen tamaina desbiderapen tipikoa da, 2rekin erdia da eta 3rekin herena. .
Beste aukera batzuk
- Gaikako mapa kentzeko: gaikako mapa kentzeko lehenbizi "Gairik ez" izeneko sortzeko metodoa aukeratu behar da
- Udalerri bateko adierazle guztiak ikusteko:bilaketa-taulan udalerri hori aukeratu behar da eta balioak erakusteko botoian klik egin.