• Proiektuak osasun-zentrorako sarbidea hobetuko du, eta bertako administrazio-eremua handitu eta berrituko du

Gaur Osakidetzaren Barakaldo-Sestao ESIko Zuazoko Osasun Zentroko obrak hasi dira. Proiektuaren helburu nagusia osasun-zentroaren irisgarritasuna hobetzea da, baita administrazio-arloa handitzea eta berritzea ere, Osakidetzaren estrategia korporatibora egokituz, arreta-eredu hurbilagoa, integralagoa eta pertsonalizatuagoa hedatzeko.Administrazio-arloa berritzeak eta modernizatzeak Osakidetzaren estrategia korporatiboari erantzuten dio, arreta-eredu hurbilagoa, integralagoa eta pertsonalizatuagoa hedatzeko. Helburu horrekin, ohiko mostradoreen ordez mahaian arreta emateko puntuak jarriko dira, erabiltzaileari aukera ematen diotenak esertzeko eta arreta gizatiarragoa eta pertsonalizatuagoa jasotzeko

Obra 387.060 euroan esleitu da, eta espero da hamar hilabeteetan amaituta egotea. Oraingoz, sarrera betiko lekutik izango da etorkizuneko sarbiderako obrak egiten diren bitartean. Ekainaren 30etik aurrera, sarrera behin betiko aldatuko da zentroaren ondoko oinezkoentzako kalera, eta horrek erabiltzaileen segurtasuna erraztu eta hobetuko du. Oraingo sarrera, Lurkizaga kaleko arkupeetatik egiten dena, itxi egingo da, espazio hori aprobetxatuz osasun-zentroaren administrazio-eremua handitzeko.

Osakidetzak berresten du eskaintzen den osasun-arretaren kalitatea hobetzeko konpromisoa, osasun-zentro modernoagoa, irisgarriagoa eta erosoagoa eskainiz.

Informazio gehiago Irekia atarian (Leiho berrian irekiko da)