2024an, Euskadi izango da Sormenaren Munduko Foroaren (CWF24) egoitza. DC Network sarearen konferentzia eta bilera enblematiko honek pertsonak biltzen eta inspiratzen ditu sormenari, berrikuntzari eta enpresa-espirituari buruz eztabaidatzeko. RIS3 Euskadi Sortzailea estrategiatik azken urteetan garatutako KSI politiken ildotik, Creativity World Forum 2024ren gai nagusia honako hau izango da: “Ekosistema Kulturalak eta Sortzaileak: Gobernantza eta berrikuntza ereduak” Forum-aren helburua KSIetako gobernantza- eta berrikuntza-joera berriak eguneratzea da, batetik, eta balio erantsiko proiektuak partekatzean oinarritutako tokiko eta nazioarteko lankidetza-inguruneak sortzea, bestetik.
