Bihar hasiko da nagusienen txertaketa
2021-02-23
Nagusienei txertoa emateko 25 txertaketa-gune inguru identifikatu dira
Osakidetza bihar hasiko da nagusienei txertoa ematen, mailaz maila; dosiak eta zitazioak txandakatuko ditu. 25 txertaketa-gune inguru identifikatu dira, eta kopuru hori areagotzeko planteamendua ere badago, beharren eta txertoa hartuko duen xede-biztanleriaren arabera.
Helburua irisgarritasuna erraztea da, zentrora joan ahal izan daitezen; hala, txertaketa arratsaldeetan eta asteburuetan ere egingo da.
Gainera, Osakidetzak lurralde bakoitzeko gune bat finkatuko du; nagusiak beren ibilgailuan joango dira gune horretara, eta txertoa ibilgailutik irten gabe emango zaie. Donostia Ospitalean, Santiagoko Ospitalean eta Mungiako osasun-zentroan egongo dira gune horiek. Praktika hori eraginkorra bada, aurrerago gune gehiago ezartzea baloratuko da.
Sailburuak gogorarazi du Osakidetzak deituko duela hitzordua eskaintzeko eta txertoa non eta noiz hartu zehaztuko duela. Ahal dela, osasun-zentroan jarriko da txertoa. Mugitzea komeni ez den kasuetan, etxeetara bertaratuko dira profesionalak.
ARABA
ARABAKO ESI-a: AUO Santiago (*)
ARABAKO ERRIOXAKO ESI-a: Lezako ospitalea
BIZKAIA
BARAKALDO-SESTAOKO ESI-A: Sestaoko, Barakaldoko eta La Paz osasun-zentroak
BARRUALDE-GALDAKAOKO ESI-A: Gernikako ospitalea; Galdakaoko, Basauriko, Laudioko eta Durangoko osasun-zentroak.
URIBEKO ESI-A: Urdulizko ospitalea eta Mungiako osasun-zentroa (*)
BILBAO-BASURTOKO ESI-A: Begoñako osasun-zentroa.
EZKERRALDEA-ENKARTERRI-GURUTZETAKO ESI-A: Buenavistako eta Kabiezesko osasun-zentroak
GIPUZKOA
DONOSTIALDEKO ESI-A: Donostia ospitalea (*), Bengoetxea EAG eta Zarauzko DYA gela
GOIERRI-UROLA GARAIKO ESI-A: Zumarragako ospitalea eta Azkoitiko osasun-zentroa
TOLOSALDEKO ESI-A: Tolosako osasun-zentroa
DEBAGOIENEKO ESI-A: Arrasateko ospitalea
BIDASOAKO ESI-A: Irungo osasun-zentroa
DEBABARRENEKO ESI-A: Eibarko eta Mendaroko ospitaleak