Martxoaren 2an eta 3an, Berrikuntza Klubak "Eraldaketa digitala pertsonen zerbitzuan" lemapean antolatu duen berrikuntza eta zerbitzu publikoen Estatuko Biltzarra egingo da Madrilen, Ogasun eta Administrazio Publikoen Ministerioa, Espainiako Udalerri eta Probintzien Federazioa, Monetaren Errege-Etxea eta Zentro Kriptologiko Nazionalaren babesaz. Topaketa horretan banatuko diren VI. CNIS sarietarako, Eusko Jaurlaritzak honako bi proiektu hauek aurkeztu ditu: "Balio publikoaren kosorkuntza: Euskadi parte-hartzaileago, irekiago eta gardenago baterantz", Berrikuntza Planaren kategorian, eta "TRAMITAGUNE, gobernu onerako tresna", Eraldaketa Digitalaren kategorian, eta batean zein bestean finalista geratu da.

[caption id="attachment_7557" align="alignnone" width="3840"] CNIS2016 kongresuaren inaugurazioa[/caption]

CNIS sarien bitartez, berrikuntza publikoan aitzindariak diren erakundeek egindako jardunbide egokiak eta esperientziak aldarrikatu nahi dira: interoperabilitatea; eraldaketa digitala; gardentasuna, partaidetza eta gobernu ona; sare sozialak; erosketa publiko berritzailea; lankidetza publiko-pribatua, eta zerbitzu publikoei balioa eransten dieten administrazioen beste garapen-esparru batzuk.

Jatorri eta gai desberdinetako laurogei hautagaitza baino gehiago aurkeztu dira, Administrazioa Eraldaketarantz behar bezala abiatzen ari den seinale, batez ere proiektuen arduradun publikoen ahaleginari esker, izan ere, 220 baino gehiago baitira izena emanda dauden erakundeak, 600 pertsonak parte hartzeko aurreikuspenaz. Sariak hilaren 3an banatuko dira, eta egun horretan bertan, gure lehen proiektu finalistari buruzko txosten bat aurkeztuko dugu.

Post honen bitartez, sariketan lehiatzeko aurkeztutako komunikazioak partekatu nahi ditugu, herritarrei nahiz beste administrazioei gure jardunbide egokien berri emateko asmoz. (Erdaraz daude)

• Comunicacion VI Premios CNIS_Tramitagune
• Comunicacion VI Premios CNIS_ Co-generacion de valor publico - Hacia una Euskadi participativa, abierta y transparente

 

Jarraian duzue Demokrazia eta Herritarren Partaidetzari buruzko Liburu Zuria ezagutzera emateko erabili zen aurkezpena.