Non jarriko didate txertoa? Hitzordua emango didate ala eskatu egin behar dut?

• Txertaketa irekita dago 5 urtetik gorakoentzat. 
• Hitzordua eskatzeko sakatu hemen: https://www.osakidetza.euskadi.eus/covid-19/-/covid-19-txertaketa/
• Hitzorduan, txertoa non jarriko dizuten adieraziko dizute. Zure bizilekutik hurbilen dagoen txertaketa-puntuan izango da.
• Hitzordua bertan behera utzi edo aldatu behar izanez gero, deitu telefonoz zure osasun-zentrora, eta sakatu 1. aukera (“Covid txertaketari” dagokiona).
• Hitzordua duten adingabeek heldu batekin joan beharko dute.

Covid-19aren txertorako zita

Erkidegoz kanpoko herrialdeetan baliozko ziurtagiria eskuratzeko txertaketa

Gaur egungo ziurtagiri digitalean, Europako herrialde bakoitzeko txertaketa-estrategiarekin bat etorriz pertsona bakoitzari eman zaion eta, gutxienez, Europar Batasunekoak diren herrialdeek eta inguruneko beste batzuek aitortu duten txertaketa-pauta ageri da.

Hala ere, beste herrialde batzuek (Estatu Batuak, Kanada eta Malta, besteak beste) erabiltzen ditugun txertoen bi dosi dituen pauta (Jansen izan ezik) baino ez dute onartzen “Txertaketa-pasaporte” gisa; alegia, ez da baliozkoa Pfizer, Moderna edo Astra Zenecaren dosi bakarra izatea.

• Justifikatutako motiboak tarteko –besteak beste lanagatik, ikasketengatik edo ezinbesteko arrazoiengatik, joan-etorriak egiteko bide emateko, txertoaren bigarren dosia ematea gomendatuko da, herritarrak pauta osoa duen ziurtagiri digitala eskuratu ahal izateko (kasu honetan, 2/2).

Horretarako:

• Joan-etorria justifikatu beharko da: lana, ikasketak edo ezinbesteko arrazoiak, eta, horretarako, hala egiaztatzen duen dokumentua aurkeztu beharko da, edo bidaia justifikatzen duen deskribapen argia, egiaztatzeko moduko datu zehatzekin.
• Txertaketa osagarriaren eskabidea (PDF, 172 KB)  sinatu beharko da.

Eskabidea honela egin ahalko da:

• Erreklamazioa osasun-zentroan
• Erreklamazioa Osakidetzaren Paziente eta Erabiltzaileen Arreta Zerbitzuaren bidez
• Mezu elektronikoa honako helbide elektroniko honetara: VACUNACIONCOVID19.OSAKIDETZA@OSAKIDETZA.EUS

Kasu guztietan, bidaiaren justifikazioaz gainera, honako datu hauek eman beharko dira:

• Izena eta bi abizen
• NANa
• Harremanetarako telefonoa
• Udalerria
• Erreferentziako osasun-zentroa
• Posta elektronikoa

Herritarrak sinatutako eskabide-agiria (PDF, 172 KB) aurkeztu beharko du txertaketaren unean.

Ziurtagiri digitala txertoa hartu eta 24 ordutara egongo da eskuragarri.