2017ra luzatzen da Enplegu eta Gizarte Politiketako Sailaren 2016ko diru-laguntzen Plan Estrategikoa

Diru-laguntzei buruzko azaroaren 17ko 38/2003 Lege Orokorraren (aurrerantzean, DLO) 8. artikuluak oinarrizko legediaren izaerarekin xedatutakoaren arabera, herri-administrazioek diru-laguntzei buruzko plan estrategiko bat egin behar dute nahitaez. Bertan zehaztuko dituzte berau aplikatzean lortu nahi diren helburuak eta ondorioak, baita horiek lortzeko epea, aurreikusten diren kostuak eta haiek finantzatzeko iturriak ere; betiere, aurrekontu-egonkortasunaren helburuak beteko direla bermatuta.

Plan hau Sailaren politika antolatzeko tresna da, haren helburua erabilera publikoko edo gizarte-intereseko jarduera bat sustatzea, edo xede publiko bat lortzeko bultzada ematea baita, horretarako diru-laguntzak emanda.

Plan hau lantzeko lortu nahi diren interes publikoak aztertu dira eta planaren indarraldian horretarako eskuragarri diren baliabideekin alderatu dira; hala, eraginkortasun-mailak areagotuko direla eta gure jarduera-eremuko gardentasuna indartuko dela bermatuta. 

• 2016ko otsailaren 1eko agindua, Enplegu eta Gizarte Politiketako Sailburuarena, Enplegu eta Gizarte Politiketako Sailaren 2016ko diru-laguntzen Plan Estrategikoa onartzekoa (PDF, 57 KB)
• Eranskina (PDF, 1011 KB)
• 2016ko uztailaren 28ko agindua, Enplegu eta Gizarte Politiketako Sailburuarena, zeinaren bidez aldatzen baita 2016ko otsailaren 1eko agindua, Enplegu eta Gizarte Politiketako Sailburuarena, sail horren 2016ko diru-laguntzei buruzko Plan Estrategikoa onartzen duena (PDF, 781 KB)
• Diru-laguntzen Plan estrategikoaren luzapena (PDF, 134 KB)