Laneko Segurtasun eta Osasunerako prebentzioaren IV. Nazioarteko Kongresua: biharko lan erronkak aztertzea
Osalan-Laneko Segurtasun eta Osasunerako Euskal Erakundeak 25 urteko ibilbidea ospatu nahi du ezagutzak, esperientziak eta jardunbide egokiak elkartrukatzeko aukera paregabea den Nazioarteko Biltzarraren bidez.
Symposium, saio tekniko, tailer, bisitaldi eta erakusketen bitartez, laneko arriskuen prebentzioa sustatzeko ardura duten eragile guztien artean sareak eta aliantzak eraiki eta sendotzea ahalbidetuko duen agertokia izango da, lanpostu, prozesu eta lantoki seguruagoak eta osasuntsuagoak garatzeko.
Sektore eta diziplina guztiak landuko dituzten estatuko eta nazioarteko goi mailako hizlariek hartuko dute parte. Lau izango dira Biltzarraren oinarriak:
- Ebidentzia zientifikoa eta honen aplikazioa;
- Esperientzia, adituek balioetsia;
- Elkarrekintza, hitzaldi magistralen bidez;
- Sormena, hainbat eszenatokitan egin den abordatze praktikoaren bidez;
Kongresuko weborrialdera joan (gaztelaniaz)
Ekitaldira etortzeko, data hauek zure egutegian erreserbatzeko hiru arrazoi:
- Laneko Arriskuen Prebentziorako sektorean nazioartean erreferentea den Biltzarra delako.
- Biltzar honek eztabaida sustatzeko, ikerketa babesteko eta Laneko Arriskuen Prebentzioan sakontzeko lan egiten duelako.
- Kontaktu pertsonalak eta sektoreko enpresekin sinergiak eratzea ahalbidetzen duelako. Gainera, komunikazioa errazten du antolatzaile eta parte-hartzaileekin elkarren interesekoak diren etorkizuneko jardueretarako.
Ezagutzen, esperientzien, kezken eta ikuspuntuen elkartrukeak errazteko, gai desberdinak landuko dituzten zenbait inguru teoriko eta praktiko jarriko dira ekitaldian:
- Prebentziorako diziplina desberdinak: Segurtasuna, Higienea, Ergonomia, Psikosoziologia eta Laneko Medikuntza.
- Jarduera sektore desberdinak: eraikuntza, industria, zerbitzuak eta lehen sektorea.
Symposium eta Saio Tekniko desberdinak egongo dira eta posible izango da komunikazioak edo posterra aurkeztea; laneko arriskuen prebentzioaren arloan interesekoak diren material eta ekimenen inguruko tailerrak, erakusketak antolatzea aurreikusten da.
