Ekintzailetzako eta Gizarteberrikuntzako Programa. 2. Gizarte-enpresa edo gizarte-erakunde berritzaile berriak laguntzak. Bizkaia 2016

a) Proiektuaren memoria. b) Hartzekodunaren fitxa, Bizkaiko Foru Aldundian banku-helbideratzeari buruzko datuak ez badaude edo bertan dauden datuak aldatu nahi badira. Proiektuaren memoria eta hartzekodunaren fitxa Ekonomia eta Lurralde Garapeneko Sailaren webgunean dauden ereduen arabera aurkeztu behar dira (www.bizkaia. eus /Enpresak, Nazioartekotzea eta Enplegua/ Ekintzailetza/ Berrikuntza eta Sorkuntza/ Ekintzailetza eta Gizarte-berrikuntza). c) Entitate eskatzailearen eraketari buruzko eskritura edo estatutuak, behar bezala erregistratuta, eta, hala badagokio, kapital-gehikuntzari buruzko eskriturak. d) Eskabidea egiten denean sozietatearen kapitala edo ondare-ekarpena partez ordainduta badago edo aurrez ikusita badago sozietatearen kapitala gehitzea: d.1) Administrazio kontseilua edo antzeko organoaren erabakia, hau jasotzen duena: ordaintzeko dagoen sozietatearen kapitala 2017ko abenduaren 31 baino lehenago eskudirutan ordaintzeko konpromisoa. d.2) Administrazio kontseilua edo antzeko organoaren erabakia, hau jasotzen duena: sozietatearen kapitalaren gehikuntza 2017ko abenduaren 31 baino lehenago egiteko konpromisoa. Ondoren, 2018ko urtarrilaren 31 baino lehen, ordaindu gabe zegoen kapitala ordaindu dela egiaztatzen duen dokumentazioa eta/edo kapital-gehikuntzaren eskriturak aurkeztu beharko dira e) Plantillako pertsona guztien azken nominaren kopia. Nominarik ez duten langile autonomoei dagokienez, enpresak ordaindu duen autonomoen azken ordainagiria. f) Zinpeko deklarazioa, adierazten duena gizarte-enpresa edo -entitate berritzaile sortu berriak 2. artikuluko 4.b.2 eta 4.c paragrafoetan ezarritako baldintzak beteko dituela, egonkortasun ekonomikoa izanez gero. g) Marketin-plana, halakorik egonez gero. h) Errentamendu-kontratua, behar bezala beteta, hala badagokio. i) Negozioa garatu behar duen pertsonaren kontratazioen kasuan: i.1) Kontratua, nominak eta langileen zerrenda (TC2) agiria edo Gizarte Segurantzaren araubide orokorrean alta eman izanaren kopia. i.2) Lan-bizitza. i.3) Curriculum vitaea. i.4) Enpresa edo gizarte-entitate berritzaile berrian izango dituen eginkizunen deskribapen laburra. Ondoren, eta 2018ko urtarrilaren 31 baino lehen, eskabidea aurkeztu ondorengo hilabeteetako nominak eta langileen zerrenda (TC2) aurkeztu beharko dira. j) Diru-laguntza jaso dezaketen gastuen fakturak eta dagozkion ordainketa-ziurtagiriak; faktura horiek legezko baldintzak bete behar dituzte. Negozio-lokala errentan hartzen denean, orduan, 2018ko urtarrilaren 31 baino lehen, alogeraren fakturak eta hauen ordainagiriak aurkeztu beharko dira, baldin eta agiriok aurkeztu ez badira eskabidearekin. k) 50 euro baino gutxiagoko fakturak, dokumentu bakar batean aurkeztu beharko dira, hornitzaileka sailkatuta. l) 2017ko abenduaren 31a baino lehen eman behar dira Gizarte-berrikuntzako Programaren gizarte-eraginaren adierazle neurtzaileak, Ekonomi eta Lurralde Garapeneko departamentuko web orrian eskuragarri dagoen ereduaren arabera (www.bizkaia.eus/ Enpresak, Nazioartekotzea eta Enplegua/Ekintzailetza/Berrikuntza eta Sorkuntza/ Ekintzailetza eta Gizarte-berrikuntza).