Eusko Jaurlaritzaren Kirol Zuzendaritzak EUSKADIKO XXVII. ESKOLARTEKO KIROL JOKOEN ekitaldia antolatuko du, Euskadiko Igeriketa Federazioekin lankidetzan, 2008ko ekainaren 7an Donostiako Altza kiroldegiko igerilekuan. Hauxe duzue jokoen araudia:
1- PARTAIDETZA
Mutiletan 1995.urtean jaiotakoak hartuko dute parte eta nesketan 1996an jaiotakoak.
Kirolariek lurralde historiko bakoitzean osatutako taldeetan hartuko dute parte. Denboraldirako lizentzia indarrean duten igerilariak bakarrik izan daitezke partaide.
Selekzio bakoitzak errelebo-talde bakarra aurkeztu dezake.
Lurralde historiko bakoitzak nahi beste igerilari aurkeztu ahal izango ditu banakako saio bakoitzean, beti ere bi honenen partaidetza ziurtatuta izango delarik, selekzio zein banakako frogetan. Hauetaz gain, izena emate garaian denbora hobeak dituzten igerilariek parte hartuko dute froga bakoitzeko 12 igerilari osatu arte (bi serie)
Igerilari bakoitzak banakako bi saiotan parte hartuko du jardunaldi bakoitzean proba bat eta baita erreleboetan ere.
Euskadiko Igeriketa Federazioak serieen behin-behineko zerrenda argitaratuko du ekainak 4ean asteazkena, bere web orrian (www.eif-fvn.org ). Akatsen bat antzemanez gero, ekainak 5 osteguna, 12:00ak baino lehen adierazi beharko zaio aipatutako Federazioari. Web orrian argitaratutako zerrenda ez da eraldatuko, erreklamaziorik onartu edo onartuko ez den kontuan hartu gabe.
Lurraldeetako Federazioek posta elektronikoz bidali beharko dituzte Euskadiko Igeriketa Federaziora bakoitzaren selekzioko partaideen izen-emateak, beranduenez 2008ko ekainak 3an 13:00etarako. Une horretatik aurrea jasotakoak ez dira onartuko.
Federazioek izen-zerrenda indibidualetan sartu beharko dituzte errelebo-probetan bakarrik parte hartuko duten igerilariak.
Aurretik, Euskadiko Igeriketa Federazioak “Pcnat” programaren lehiaketa-fitxategia igorriko die Lurraldeetako Federazioei, izen-ematea osatu dezaten.
4- LEHIAKETA FORMULA
Serieak marken arabera osatuko dira.
Erlojuaren aurkako sistema erabiliko da.
5- BAJAK
Bajak idatziz eta inprimaki ofizialean adieraziko dira lehiaketako idazkaritzan, gutxienez jardunaldia hasi baino ordu erdi lehenago.
Ordezkariak edo taldeko entrenatzaileak aurkeztu beharko ditu bajak (lehiaketa honetarako kreditatuta egon beharko dute), eta bertan seriearen zenbakia, igerilariaren izena eta kalea adierazi beharko dira.
Baja aurkeztu gabe aurreikusitako probara etortzen ez den igerilariak ezingo du jardunaldiko beste probetan parte hartu (errelebozkoetan ere ez) eta ez du ordezkorik izango.
6- SAILKAPENAK ETA PUNTUAZIOAK
Proba bakoitzean MUTILEN eta NESKEN banakako sailkapenak egingo dira.
7- GARAIKURRAK ETA SARIAK
Domina bana jasoko dute proba eta kategoria bakoitzeko lehen hiru sailkatuek.
8- JANARIA
Igeriketako Euskal Federazioak eskatuta janariaren kudeaketaz federazioa bera arduratuko da. Berari beste edozein modalitateri dagokion kostua besteko dirulaguntza emango zaio.
9. EZBEHARREN AURREAN.
Lesio edo ezbeharrik sortu ezkero nahi eta nahi ez antolakuntzak kirol eremuan izango duen arduradunarengana jo beharko da. Honek eman beharreko gainontzeko pausuak bideratuko ditu.
10- AZKEN OHARRA
Euskadiko Igeriketa Federazioak Lehiaketa Zuzendaria izendatuko du lehiaketa honetarako. Bera izango da agintari gorena bai lehiaketaren antolaketan eta baita lehiaketako Epaile Arbitroaren eskumenari ez dagozkion erreklamazioak konpontzeko ere.
Araudi honetatik kanpo geratzen den gai oro, Euskadiko Igeriketa Federazioko txapelketa arautegiaren arabera gidatuko da (lehiaketa non egingo denaren arabera), eta haren lekuan, R.F.E.N.aren txapelketen arautegi orokorraren arabera.