Kultura eta Hizkuntza Politika Saila

Euskal Herriko Gazte Orkestra (EGO)

EGO - Logo

Euskal Herriko Gazte Orkestra (E.G.O.) 1997. urtearen hasieran Eusko Jaurlaritzako Kultura Sailak eratu eta sustatutako taldea da, herrialde honetako gazte instrumentistei prestakuntza musikal orkestralerako bidea eskaintzeko asmoz. Horretarako fundazio bat eratu zen, Eusko Jaurlaritzako Kultura Saila sortzaile izanik eta BBB Fundazioa, KUTXA fundazioa eta Caja Vital Fundazioa Atxikitako Babesle.

Ia erabat Euskal Herrian jaiotako edo bertan bizi diren gazteek osatutakoa, EGOk bi lan-denboraldi planteatzen ditu, udako eta neguko oporraldien inguruan garatzen direnak euskal geografiaren hainbat lekutan. Denbora-tarte honetan, EGOko kideek nazioarteko ospea duten irakasleekin lan egiteko aukera dute, esperientzia interesgarria eskuratuz orkestraren eta ganbara-musikaren arloan. Lan-denboraldi hauen amaieran EGOk hainbat kontzertu planifikatzen ditu gonbidatutako irakasleek eta bere zuzendari artistikoak, Juan José Ocónek, alegia, eginiko lanaren erakusgarri.

Web: www.egofundazioa.org

Juan José Ocón

Juan José Ocón

Donostian jaiotakoa 1968an, Juan José Ocónek Donostiako kontserbatorioan egin zituen bere ikasketa musikalak, eta kalifikazio gorenekin amaitu zuen bere Konposizio eta Orkestra Zuzendaritzako karrera Tomás Aragües maisuaren katedraren pean, Karrera Amaierako Lehen Saria lortuz 1993an.

Urte horretan bertan eta hurrengoan Txekiar Errepublikan parte hartu zuen Orkestra Zuzendarien nazioarteko lehiaketan eta bi urteetan zuzendari onenari saria eta Ohorezko domina lortu zituen, Moraviako Orkestraren irakasleek aho batez emandakoa.

Bere Orkestra Zuzendaritzako ikasketak Kalmar, Yuasa, Svaaronswsky, Vonsky, Thrlink eta abarrekin zabaldu zituen. Moraviako Orkestra Filarmonikoa eta Letoniako Orkestra Nazionala zuzendu ditu. Musika koralagatik duen interesak bultzatuta, Eric Ericson eta Pierre Cao-rekin ikasi ondoren, hainbat kororen zuzendaritza-lanetan aritu da, arrakastak lortuz opera, zartzuela eta polifoniaren arloan. Zallako banden lehiaketaren epai-mahai kalifikatzaileko kide izan da 1993 eta 1994an. Hans Graf maisuaren laguntzaile-lanetan aritu da Euskadiko orkestra Sinfonikoarekin.

Orkestra hau bera zuzendu zuen Donostiako Musika Hamabostaldian 1995 eta 1997an. Orfeón Donostiarra taldearekin batera lanean aritu zen Donostiako Artzain Onaren Katedralaren mendeurrenean. Urte horretan bertan Pablo Sorozabalen "Gernika" Eusko-Kantataren Fanfareen bertsioa estreinatu zuen izen bereko Bizkaiko herrian, 500 interpreteko talde batekin, kantariak, txistulariak, metalak eta perkusioa tarteko. 1998an Miguel de Oñateren Itziar eta Eduardo Mocoroaren Leidor operak estreinatu zituen. Haurrentzako zenbait hezkuntza-programa ere zuzendu ditu Euskadiko Orkestra Sinfonikoarekin, Tomás Aragüesen " Jimmy Potxolo" obra estreinatuz. Duela gutxi ARGIA saria jaso du bere CDengatik.

1999ko urtarrilean ¨Carmina Burana" lanaren piano eta perkusioko bertsioa zuzentzen du Madrilgo Teatro Real antzokian, kritika zoragarria izanez. Urte horretan bertan haurrentzako bi disko grabatu zituen EOSrekin. Gaur egun irakasle-lanetan aritzen da Donostiako musika-eskolan.

Beste zuzendariak: Juanjo Mena

Juanjo Mena

Hasiera batean Gasteizko Musika Kontserbatorio Nagusian prestatu zen orkestra-zuzendari gaztea; bertan ikasi zituen harmonia, konposizioa eta instrumentazioa C. Bernaolarekin. Orkestra-zuzendaritzako ikasketak Madrilen egin zituen, Erreal Musika Kontserbatorio Nagusian E. García Asensio maisuarekin, kalifikazio gorenak eta Ohore Saria irabaziz. "Guridi-Bernaola" bekaren bitartez orkestra-zuzendaritzako ikasketak egin zituen Alemanian S. Celibidache maisuarekin.

1993an harreman estua hasi zuen Bilbao Orkestra Sinfonikoarekin, azken bost abonu-denboraldietan zuzentzera gonbidatu zutelarik, baita aparteko kontzertu ugaritan ere. 1994an "Jesús Guridi" Ganbera-Orkestraren zuzendaritza hartu zuen bere gain eta Irungo Ganbera-Orkestra, Georgiako Orkestra Sinfonikoa ere zuzendu zituen eta irarlanean Bartzelonako Orkestra Sinfonikoa-Kataluniako Nazionala.

1995ean lan-egitarau bat baino gehiago burutu zituen eta kontzertu batzuk Euskadiko Orkestra Sinfonikoarekin; Donostiako "Aita Donostia" Ganbera-Orkestraren zuzendaritza artistikoa bere esku hartu zuen.

1996an gonbidatu gisa Espainiako Orkestra Nazionala zuzendu zuen Madrilgo Entzutoki Nazionalean eta lankidetza estuan sartzen da Euskadiko Orkestra Sinfonikoarekin, 96/97 denboraldian abonu-egitarau bat baino gehiago eginez. Valentziako Gazte Orkestra ere gidatu zuen, eta behin baino gehiagotan gonbidatu zuten Granada Hiriko Orkestrara ere.

1997an sortu zenetik eta 1999 urtera arte Euskal Herriko Gazte Orkestraren (EGO) Zuzendari Titular eta Artistikoa izan da, eta euskal gazte instrumentistak prestatzeko egitasmo interesgarri bati ekin zion.

Euskadiko Orkestra Sinfonikoko Zuzendari Asoziatua 97/98 eta 98/99 denboraldietan. Brasoveko Orkestra Filarmonikoa, Bacauko Orkestra Sinfonikoa, Vallésko Orkestra Sinfonikoa eta Madril Komunitateko Orkestra zuzentzera gonbidatu izan dute.

Oraingo 1999/2000 denboraldian Bilbao Orkestra Sinfonikoko (BOS) Zuzendari Titular eta Artistiko izendatu dute.

Zuzendari gonbidatu gisa etorkizunerako dituen konpromisoak hauek dira: Asturiasko Printzipatuko Orkestra Sinfonikoa, Bucaresteko Orkestra Filarmonikoa, Espainiako Orkestra Gazte Nazionala, Vallésko Orkestra Sinfonikoa, Euskadiko Orkestra Sinfonikoa, Espainiar Irrati-Telebistako Orkestra, Espainiako Orkestra Nazionala, Málaga Hiriko Orkestra eta abar.

Espainiako Irrati Nazionala (RNE), Espainiar Irrati-Telebista (RTVE), Euskal Irrati-Telebista (EITB) eta Irrati-Hedakuntzako Europar Batasuna (UER) eta abarrentzat egin ditu irarketak.

Beste zuzendariak: Enrique Ugarte

Enrique Ugarte

Tolosan (Gipuzkoa) jaio zen. Lau urte eskusoinua jotzen hasi zen eta 7 urterekin jo zuen lehenengoz jendaurrean.

Oboe, Eskusoinu, Harmonia eta Konposaketa-ikasketak burutu zituen Donostiako Goi Kontserbatorioan. Gero, Dieter Acker irakaslearekin Konposaketa ikasi zuen Municheko Musikhochschulen. Hainbat bekari esker-Alexander von Humbold Stiftung (Alemania), Eusko Jaurlaritza eta Kultura Ministerioa (Madril)-, Musikaren Fenomenologia eta Orkestra Zuzendaritza ikasi zituen Sergiu Celibidache maisuarekin: Johannes-Gutenberg Universität Mainz-en, Munich-en eta Cluny-n (Frantzia). Halaber, Aidimus Akademiaren Orkestra Zuzendaritza buruzko ikastaro magistral bat eginzuen Erns Scheile maisuarekin: Saintes (Frantzia).

Nazioko eta nazioarteko hainbat sari eskuratu zituen (Tilburg Holanda, Recanati Italia).

Ondorengo orkestra sinfonikoak zuzendu ditu: English Chamber Orchestra, Orkestra Filarmoniko Txekiarra, nazioetako Filarmonikoa, Deutsches Filmorchester Berlín, Euskadiko Orkestra, Brno-ko Orkestra Filarmonikoa, Kammerensemble Münich, Radio Sinfonie Orchester Pilsen eta Granada Hiriko Orkestra.