Turismo, Merkataritza eta Kontsumo Sailak hiriko merkataritzagunea programa jarri du abian (Gobernu Bilera 2017-12-05)
2017.eko abenduak 05
Hiriko Merkataritzagunea programaren azken helburua da hiriguneak indartzea hainbat arlo barne hartuta: merkataritza- eta turismo-sustapena, segurtasuna, hirigintza, trafikoa, bide publikoa, mantentzea eta garbiketa. Guztiek dagokien hiriguneen merkataritza-banaketako sektorean dute eragina eta erakunde publikoen zein pribatuen laguntza behar dute.
Helburu horretarako, Turismo, Merkataritza eta Kontsumo Sailak Euskal Autonomia Erkidegoko hiriburuetako hiriko merkataritzako plataforma bakoitzerako kudeaketa-taldeak kontratatzeko gastuen % 90 finantzatzen du.
Helburu nagusiak:
- Hiriko merkataritzagune sendoa eta indartsua lortzea, hiria sustatzeko jardueraren eta merkataritza-jardueraren oinarrizko elementu gisa.
- Hiriko merkataritzaguneak merkataritza-erreferentzien abangoardian ezartzeko estrategiak garatzea.
- Merkataritza Plataforma epe laburrera autofinantzatzeko plan ekonomiko bat finkatzea.
- Hiriko merkataritzagunea etengabe dinamizatzea eta sustatzea.
- Gerentzia globalizatzailea.