Euskal Herriko Agintaritzaren Aldizkaria

230. zk., 2021eko azaroaren 18a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LAN ETA ENPLEGU SAILA

5875

EBAZPENA, 2021eko irailaren 15ekoa, Laneko eta Gizarte Segurantzako zuzendariarena, zeinaren bidez agintzen den «Hirekin-Federación de Entidades de iniciativa e intervención social de Euskadi -Euskadiko gizarte ekimeneko eta esku hartzeko entitateen federazioa» erakundearen estatutuak aldatzeko erabakia eta aldatutako estatutuak gordailutzeko.

Sindikatu eta Enpresa Erakundeen Estatutuak Gordailutzeko Bulego Publiko honetan «Hirekin-Federación de Entidades de iniciativa e intervención social de Euskadi -Euskadiko gizarte ekimeneko eta esku hartzeko entitateen federazioa» enpresa-erakundearen estatutuak aldatzeko erabakia gordailutzeari buruz hasitako espedientea ikusi da, eta ebazpena ematen da, honako hauek oinarritzat hartuta:

AURREKARIAK

Lehenengoa.– 2021eko irailaren 8an aurkeztu da «Asociación Empresarial de Gestores de Centros Asistenciales del País Vasco «Hirekin-Federación de Entidades de iniciativa e intervención social de Euskadi -Euskadiko gizarte ekimeneko eta esku hartzeko entitateen federazioa» enpresa-erakundearen estatutuak aldatzeko erabakia eta aldatutako estatutuak gordailutzeko eskariaren dokumentazioa.

Bigarrena.– Gordailutzeko aurkeztutako dokumentazioan honako hauek sartu dira: gordailutzeko eskaera, estatutuak aldatzeko hartutako erabakiaren ziurtagiria eta aldatutako estatutuen zerrenda, eta estatutu berrien testu osoa, ordezkariek behar bezala sinatuta.

Egitate horiei honako hauek aplikatuko zaizkie:

ZUZENBIDEKO OINARRIAK

Lehenengoa.– Lan eta Enplegu Sailaren egitura organikoa eta funtzionala ezartzen duen Eusko Jaurlaritzaren urtarrilaren 19ko 7/2021 Dekretuaren 10.1.m) artikuluak ematen dio organo honi Sindikatu eta Enpresa Elkarteen Estatutuak.

Bigarrena.– Administrazio-prozedura honetan aplikatu beharreko funtsezko araudia Sindikatu Elkartea Arautzeari buruzko otsailaren 17ko 19/1977 Lege Organikoan eta Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuan (7. artikulua) jasotakoa da.

Hirugarrena.– Gordailutzeko aurkeztutako dokumentazioa aztertu da eta zuzenbidearen araberakoa dela egiaztatu da; beraz, bidezkoa da «Hirekin-Federación de Entidades de iniciativa e intervención social de Euskadi -Euskadiko gizarte ekimeneko eta esku hartzeko entitateen federazioa» enpresa-erakundearen estatutuak aldatzeko erabakia gordailutu dadin onartzea.

Aipatutako oinarriak eta oro har aplikatu beharreko gainerako xedapenak ikusita, honako hau

EBAZTEN DUT:

Lehenengoa.– «Hirekin-Federación de Entidades de iniciativa e intervención social de Euskadi -Euskadiko gizarte ekimeneko eta esku hartzeko entitateen federazioa» enpresa-erakundearen estatutuak aldatzeko erabakia eta aldatutako estatutuak gordailutzea agintzen da.

Bigarrena.– Gordailu hori Euskal Herriko Agintaritzaren Aldizkarian argitaratzeko agintzea, Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuaren 13. artikuluan aurreikusitako moduan.

Hirugarrena.– Ebazpen honek ematen den egunaren biharamunetik aurrera izango ditu ondorioak.

Laugarrena.– Ebazpen honen berri eman behar zaie interesdunei, urriaren 1eko 39/2015 Legeak (Administrazio Publikoen Administrazio Prozedura Erkidearenak) 40. artikuluan xedatutako moduan; halaber, ebazpena Euskal Autonomia Erkidegoko Auzitegi Nagusiko Lan Arloko Salan aurkaratu ahal izango da, Lan Arloko Jurisdikzioa arautzen duen urriaren 10eko 36/2011 Legean xedatutakoaren arabera.

Vitoria-Gasteiz, 2021eko irailaren 15a.

Laneko eta Gizarte Segurantzako zuzendaria,

ANGEL LAPUENTE MONTORO.

Azterketa dokumentala