Euskal Herriko Agintaritzaren Aldizkaria

225. zk., 2021eko azaroaren 12a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

TURISMO, MERKATARITZA ETA KONTSUMO SAILA

5779

EBAZPENA, 2021eko azaroaren 3koa, Merkataritzako zuzendariarena, zeinaren bidez aldatzen baita Turismo, Merkataritza eta Kontsumoko sailburuaren 2012ko uztailaren 27ko Aginduan ezarritako ehuneko diruz lagungarria. Agindu horren bidez arautzen eta iragartzen da Hiri Merkataritzaren Lankidetza, Dinamizazio eta Lehiakortasuneko zonako estrategiak sustatzera bideratutako Hirigune proiektuaren 2021eko ekitaldirako laguntza-programa, COVID-19ari aurre egiteko.

Lehenengoa.– Turismo, Merkataritza eta Kontsumoko sailburuaren 2021eko uztailaren 27ko Aginduan arautzen eta iragartzen da 2021eko ekitaldirako Hiri Merkataritzaren Lankidetza, Dinamizazio eta Lehiakortasuneko zonako estrategiak sustatzera bideratutako Hirigune laguntza-programa (2021eko abuztuaren 6ko EHAA, 156. zk.).

Bigarrena.– Agindu horren xedea da merkataritza-elkarteen jarduera bultzatzeko 2021eko ekitaldirako laguntzak arautzea, COVID-19aren osasun-krisialdia arintzeko eta hiri-merkataritzaren lankidetza, dinamizazio eta lehiakortasuneko zonako estrategiak sustatzeko, modu horretan merkataritza-sektorea biziberritu dadin.

Deialdi horren helburua betetzeko, 2021eko ekitaldian 1.770.000 euroko baliabide ekonomikoak bideratutako dira. Eusko Jaurlaritzak COVID-19aren ondorio ekonomikoei aurre egiteko gaitutako aparteko funtsetatik dator diru hori.

Hirugarrena.– Deialdiaren 12.4 artikuluan xedatzen denez: «Jasotako eskaeren bolumen ekonomikoa handiagoa bada ezarrita dagoen aurrekontu-zuzkidura baino, eta hasierako zuzkidura ez bada handitzen 2. artikuluak xedatutakoaren arabera, 8. artikuluan ezarritako diruz lagundu daitekeen ehunekoa % 80 arte murriztuko da, gutxienez, ahalik eta eskaera kopuru handienari erantzuteko».

Eskabideak aurkezteko epea amaituta, ikusi da eskabideen kopuruak gainditu egiten duela haientzat aurreikusitako kreditua, eta, ondorioz, dirulaguntzarik gabe utzi beharko lirateke baldintzak bete dituzten onuradun zenbait, kontzeptu horretarako dagoen kreditua agortu delako. Horri dagokionez, aipatutako 12.4 artikuluak ehuneko diruz lagungarria murrizteko aukera jasotzen du. Horren berri behar bezala emango da Euskal Herriko Agintaritzaren Aldizkarian, Merkataritzako zuzendariaren ebazpen baten bidez.

Arestian azaldutako inguruabarrak kontuan hartuta, egokitzat jo da ehuneko diruz lagungarria % 80ra aldatzea, aurkeztu diren eskabide kopuru ahalik eta handierari erantzuteko.

Hori dela eta, hau

EBAZTEN DUT:

Lehenengoa.– Jakinaraztea proiektuaren gastu diruz lagungarriaren % 80 izango dela emandako laguntzen zenbatekoa, Turismo, Merkataritza eta Kontsumoko sailburuaren 2021eko uztailaren 27ko Aginduaren 12.4 artikulua aplikatuz. Agindu horren bidez arautzen eta iragartzen da 2021eko ekitaldirako Hiri Merkataritzaren Lankidetza, Dinamizazio eta Lehiakortasuneko zonako estrategiak sustatzera bideratutako Hirigune laguntza-programa.

Bigarrena.– Agindu honek Euskal Herriko Agintaritzaren Aldizkarian argitaratu hurrengo egunetik aurrera izango ditu ondorioak.

Hirugarrena.– Ebazpen honen aurka, gora jotzeko errekurtsoa jar dakioke Industriako sailburuordeari, ebazpena Euskal Herriko Agintaritzaren Aldizkarian argitaratu eta hurrengo egunetik aurrera, hilabeteko epean.

Vitoria-Gasteiz, 2021eko azaroaren 3a.

Merkataritzako zuzendaria,

MARÍA ELENA MORENO ZALDIBAR.

Azterketa dokumentala