Euskal Herriko Agintaritzaren Aldizkaria

105. zk., 2021eko maiatzaren 31, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

3120

EDIKTUA, 81/2020 prozedura arruntaren ondoriozkoa.

Vitoria-Gasteizko Merkataritza arloko 1 zenbakiko Epaitegia, Zuzeneko Laguntza emateko Merkataritza Unitate Prozesala.

Judizioa: 81/2020 prozedura arrunta.

Demandatzailea: AGEDI Eskubide Intelektualak Kudeatzeko Elkartea, AIE Artista, Interprete eta Exekutatzaileen Espainiako Kudeaketa-sozietatea eta SGAE Egile eta Editoreen Elkartea.

Abokatua: Diego Zaballos Garcia, Diego Zaballos Garcia eta Diego Zaballos Garcia.

Prokuradorea: Carmen Carrasco Arana, Carmen Carrasco Arana eta Carmen Carrasco Arana.

Demandatua: Bolera-Vitoria Pagazuri S.L.U. eta Sunset Discoteca.

Gaia: judizio arrunta egiteko demanda.

Judizio horretan, epaia eman da 2021-04-16an. Hona hemen epaitza:

EPAITZA

Osorik baiestea SGAE Egile eta Editoreen Elkarteak, AGEDI Eskubide Intelektualak Kudeatzeko Elkarteak eta AIE Artista, Interprete eta Exekutatzaileen Espainiako Kudeaketa-sozietateak, Carmen Carrasco prokuradoreak ordezkatuta, aurkeztu duten demanda auzi-ihesean dagoen «Bolera-Vitoria Pagazuri, S.L.U» sozietatearen aurka. Horrenbestez,

Deklaratzen dut 2019ko maiatzetik 2020ko urtarrilera bitartean, biak barne, demandatuak SGAEk administratzen dituen lanak erabili dituela, bai eta AGEDI eta AIE erakundeen eskubideak dituzten fonogramak ere, Sunset Discoteca izeneko bere lokala girotzeko asmoz, baina horretarako ez dituela eskatu SGAEren nahitaezko baimena eta AGEDIren erreprodukzio instrumentalerako baimena, eta ez diela AGEDIri eta AIEri ordaindu Legeak fonograma-ekoizleen eta artista interpretatzaile edo exekutatzaileen alde ezartzen duen ordainsari ekitatibo eta bakarra. Ondorioz,

«Bolera-Vitoria Pagazuri, S.L.U» kondenatzen dut:

A) Aurreko deklarazioa onartzera.

B) SGAEk administratzen dituen lanen errepertorioa erabiltzeari uztera, eta berehala bertan behera uztera, errepertorio hori erabili ahal izateko baimena lortzen ez duen bitartean; erabilitako aparatuak kentzea aginduko da, lokaletik bereiz daitezkeenetan, eta beste guztietan zigilua ezarriko da.

C) SGAEri 4.788,85 euroko kalte-ordaina ematera, Jabetza Intelektualaren Legeko Testu Bateginaren 140. artikuluan ezarritakoaren arabera, Sunset Discoteca izeneko establezimenduan baimenik gabe erakusteagatik eta erreproduzitzeagatik lan horiek, 2019ko maiatzetik 2020ko urtarrilera bitartean, biak barne.

D) AIE eta AGEDI erakundeei 1.540,87 euro ordaintzera, ordainsari ekitatibo eta bakar gisa, demandatuaren establezimenduan fonogramak jendaurrean erakusteagatik establezimendua girotzeko asmoz, eta azken erakunde horren kasuan, gainera, erreprodukzio-eskubidea urratzeagatik 2019ko maiatzetik 2020ko urtarrilera bitartean, biak barne. Erakunde horien tarifa orokorren arabera ezarri da zenbatekoa.

Zenbateko horiei diruaren legezko interesa gehituko zaie 2020-10-05etik aurrera, eta interes horri bi puntu gehituko zaizkio epai honen egunetik aurrera, nahitaezko betearazpena egin behar bada.

Kostuak demandatuari ezartzen zaizkio.

Epai honen aurka apelazio-errekurtsoa aurkez daiteke (PZLren 455. artikulua).

Aurkaratzeko modua: Arabako Probintzia Auzitegian apelazio-errekurtsoa aurkeztuz (PZL, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZL, 458.2 artikulua).

Errekurtsoa jarri ahal izateko, 50 euroko gordailua eratu beharko da; baldintza hori bete ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (0844 1111 04 008120). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-zenbateko hori kontsignatu izana egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenean salbuetsi deklaratzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

«Bolera-Vitoria Pagazuri S.L.U.» eta «Sunset Discoteca» demandatuaren gaur egungo helbidea ezezaguna denez, ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen (PZL) 497.2 artikuluan xedatutakoari jarraituz.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Interesdunak jakinarazten den ebazpenaren testu osoa eskura dezake epaitegi honetako bulego judizialean.

Vitoria-Gasteiz, 2021eko apirilaren 16a.

JUSTIZIA ADMINISTRAZIOAREN LETRADUA.

Azterketa dokumentala