25. zk., 2021eko otsailaren 4a, osteguna
- Bestelako formatuak:
- PDF (207 KB - 1 orri.)
- EPUB (215 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
EUSKO LEGEBILTZARRA
620
ERABAKIA, Eusko Legebiltzarreko Lehendakaritzarena, zeinaren bidez adierazten baita amaitu direla Ararteko erakundearen titularraren egitekoak.
Gaur, 2021eko otsailaren 3an, «Arartekoa» Erakundea sortu eta arautzeko otsailaren 27ko 3/1985 Legearen 5.3 artikuluan xedatutakoaren arabera, amaitu egin da Manuel Lezertua Rodríguez Ararteko erakundearen titularraren jarduneko agintaldiaren luzapena, eta Eusko Legebiltzarrak ez du titular berria izendatu.
Ondorioz, «Ararteko» erakundea sortu eta arautzeko otsailaren 27ko 3/1985 Legearen 7.5 artikuluan aurreikusten denari jarraituz, Lehendakaritza honek honako erabaki hau hartu du:
Lehenengo artikulua.– «Ararteko» erakundea sortu eta arautzeko otsailaren 27ko 3/1985 Legearen 7.1.b artikuluan eta harekin loturik dagoen 5.3 artikuluan xedatzen denari jarraituz, Manuel Lezertua Rodríguez jaunak utzi egingo dio arartekoaren egitekoak betetzeari.
Bigarren artikulua.– Aipatutako legearen 8. artikuluan aurreikusitakoa betez, arartekoaren ondoko Julia Hernández Valles andreak hartuko ditu bere gain arartekoaren egitekoak harik eta Eusko Legebiltzarrak titular berria izendatu arte.
Vitoria-Gasteiz, 2021eko otsailaren 3a.
Eusko Legebiltzarreko lehendakaria,
BAKARTXO TEJERIA OTERMIN.