Euskal Herriko Agintaritzaren Aldizkaria

239. zk., 2019ko abenduaren 17a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

5769

EDIKTUA, 89/2019 hitzezko judizioaren ondoriozkoa.

Donostiako Merkataritza arloko 1 zenbakiko Epaitegia, Zuzeneko Laguntza emateko Merkataritza Unitate Prozesala.

Judizioa: 89/2019 hitzezko judizioa.

Demandatzailea: Frila SL.

Abokatua: Ińigo Aparicio Barinaga.

Prokuradorea: Eskarne Ruiz de Arbulo Aizpuru.

Demandatuak: La Amońi 2016 SL, Manuel Garran Velazquez, Dionisia Miranda Sanchez de la Campa eta Manuel Pedro Riego de la Torre.

Gaia: administratzaileen erantzukizuna.

Judizio horretan, epaia eman da 2019-11-18an. Hona hemen epaitza:

EPAITZA

Baiesten da Ruiz de Arbulu prokuradoreak, Frila SLren izenean eta haren ordezkari gisa, jarri duen hitzezko judizioko demanda honako hauen aurka: La Amońi 2016 SL eta Manuel Garran Velazquez, Dionisia Miranda Sanchez de la Campa eta Manuel Pedro Riego de la Torre:

– La Amońi 2016 SL kondenatzen dut honako hauek ordaintzera demandatzaileari: 2.205,98 euro printzipal moduan, harreman komertzialen berankortasun legean ezartzen diren 40 euro finko, 213,98 euro arau horretan ezartzen diren eta gaur arte sortu diren interesengatik eta demandaren ostean sortzen direnak, eta kostuak.

– Baiesten dira sozietate horren administratzaileen aurka baliatu diren erantzukizun-akzioak (banakoen erantzukizuna, Kapital Sozietateen Legearen 241. artikuluan ezartzen dena, eta Kapital Sozietateen Legearen 367. artikuluko erantzukizuna), eta modu solidarioan kondenatzen dira, La Amońi 2016 SLrekin batera, erreklamatzen diren zenbateko horiek, interesak eta kostuak ordaintzera.

Kostuak demandatuei ezartzen zaizkie.

Ebazpen honen aurka ezin da errekurtsorik aurkeztu.

Eta epai honen bidez erabaki, agindu eta sinatzen dut.

Manuel Garran Velazquez eta Dionisia Miranda Sanchez de la Campa demandatuen egungo bizilekua ezezaguna denez, ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen (PZL) 497.2 artikuluan xedatutakoaren arabera.

Ebazpen horren aurka ezin da inolako errekurtsorik aurkeztu.

Interesdunak jakinarazten den ebazpenaren testu osoa eskura dezake epaitegi honetako bulego judizialean.

Donostia / San Sebastián, 2019ko azaroaren 18a.

JUSTIZIA ADMINISTRAZIOAREN LETRADUA.

Azterketa dokumentala