RSS
180. zk., 2019ko irailaren 23a, astelehena
- Bestelako formatuak:
- PDF (310 KB - 6 orri.)
- EPUB (311 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSAKIDETZA-EUSKAL OSASUN ZERBITZUA
4294
562/2019 EBAZPENA, uztailaren 1ekoa, Osakidetza-Euskal osasun zerbitzuko zuzendari nagusiarena. Horren bidez, azaroaren 23ko 1231/2018 Ebazpenaren, urtarrilaren 14ko 37/2019 Ebazpenaren (ekainaren 17ko 503/2019 Ebazpenak aldatutakoaren) eta maiatzaren 27ko 433/2019 Ebazpenaren (ekainaren 17ko 503/2019 Ebazpenak aldatutakoaren) I. eranskinean jasotako esleipendunen estatutupeko langile finkoaren izendapena Ofizialen kategorian (Gidarien lanpostu funtzionalak) argitaratzen da.
Euskal Autonomia Erkidegoko Auzitegi Nagusiaren 382/2017, 451/2017 eta 582/2017 epai judizialen ondorioz eta Giza Baliabideen apirilaren 18ko 33/2018 Ebazpenean eta 34/2018 Ebazpenean, Osakidetza-Euskal osasun zerbitzuko Giza Baliabideen zuzendariaren 2018ko urriaren 31ko 750/2018 Ebazpenak berretsitakoetan, Ofizial Gidariaren kategoriari (2011ko EPE) eragiten dioten Euskal Autonomia Erkidegoko Auzitegi Nagusiaren erabaki judizialen betearazpena ezartzen duten horiekin bat etorriz, Ebazpen hauek eman ziren:
1231/2018 Ebazpena, azaroaren 23koa, Osakidetza-Euskal osasun zerbitzuko zuzendari nagusiarena. Honen bidez, hautatutako izangaien behin betiko zerrenda eta barne-sustapeneko destino-esleipena argitaratzen dira web orrian.
37/2019 Ebazpena, urtarrilaren 14koa, Osakidetza-Euskal osasun zerbitzuko zuzendari nagusiarena. Honen bidez, hautatutako izangaien behin betiko zerrenda eta txanda askeko destino-esleipena argitaratzen dira web orrian (ekainaren 17ko 503/2019 Ebazpenak aldatutakoa).
Eta 433/2019 Ebazpena, maiatzaren 21ekoa, Osakidetza-Euskal osasun zerbitzuko zuzendari nagusiarena. Honen bidez, hautatutako izangaien behin betiko zerrenda eta ondoriozko fasearen destino-esleipena argitaratzen dira (ekainaren 17ko 503/2019 Ebazpenak aldatutakoa.
Era berean, Osakidetza-Euskal osasun zerbitzuko Giza Baliabideen zuzendariaren 2018ko apirilaren 18ko 34/2018 Ebazpenean jasotakoarekin bat etorriz, Ebazpenaren lehenengo atalean aipatutako kautelazko neurriak hartu ziren. Bigarren atalean ezartzen da aipatutako neurriak baliorik gabe geldituko direla, edonola ere, Administrazio Publikoen Administrazio Prozedura Erkidearen urriaren 1eko 39/2015 Legeko 56.5 artikuluarekin bat etorriz, prozedura amaitzeko administrazio-ebazpena eraginkorra den unean bertan.
Horiek guztiak horrela, eta indarrean dagoen legedian pertsonaleko gaietan aitortuta ditudan eskumenez baliatuta, honakoa
EBAZTEN DUT:
Lehenengoa.– Osakidetza-Euskal osasun zerbitzuko Giza Baliabideen zuzendariaren 2019ko apirilaren 18ko 34/2018 Ebazpenaren bigarren atalean hartutako kautelazko neurriak baliogabetzea, uztailaren 1eko 527/2019 ebazpenaren ezarritakoaren arabera.
Bigarrena.– Azaroaren 23ko 1231/2018 Ebazpenaren, urtarrilaren 14ko 37/2019 Ebazpenaren (ekainaren 17ko 503/2019 Ebazpenak aldatutakoaren) eta maiatzaren 27ko 433/2019 Ebazpenaren (ekainaren 17ko 503/2019 Ebazpenak aldatutakoaren) I. eranskinean jasotako esleipendunen estatutupeko langile finkoaren izendapena EHAAn argitara dadin agintzea.
Hirugarrena.– Esleipendunak esleitutako destinoaz jabetuko dira 2019ko irailaren 24ean.
Lehiatzaileak Osakidetza-Euskal osasun zerbitzuko Erakunde Zentralean jabetuko dira destinoez. Horretarako, izangaiek aldez aurretik hitzordua eskatu beharko dute, eta ekitaldi horretan agiri hauek aurkeztu beharko dituzte:
– NAN, pasaportea edo gidabaimena edo dokumentu baliokidea Europar Batasuneko edo Europako Esparru Ekonomikoko beste estatu kideren bateko nazionalentzat, eta dokumentu mota bera langileak estatu batetik beste batera libre ibiltzeko aukera aplikatzen zaien estatuetako nazionalitatea dutenen kasuan (Europar Batasuneko Itunaren, Espainiak berretsitako bestelako itunen edo legeen arabera).
Parte hartzeko eskubidea izanik, Espainiako nazionalitatea ez duten izangaiek nazionalitatea egiaztatzen dien dokumentua aurkeztu behar dute eta, beste Estatu bateko nazionalitatea duen batekiko ahaidetasun-lotura izan edo haren kontura biziz gero, lotura hori dutela egiaztatzen duten dokumentuak ere bai. Era berean, ezkontidearen zinpeko aitorpen bat edo hitzemate bat aurkeztu behar dute beste ezkontideagandik eskubidez bananduta ez dagoela adierazteko eta, hala badagokio, izangaia haren kontura edo kargura dagoela adierazteko.
– Elkargoko kide izatearen egiaztagiria, deialdiko oinarri espezifikoetan hala eskatzen denean.
– Diziplina-espediente bidez, izangaia administrazio publikoetako zerbitzuetatik ez dagoela kanporatuta eta eginkizun publikoetarako ez dagoela ezgaitua adierazten duen zinpeko aitorpena edo hitzematea.
Espainiako nazionalitatea ez duten izangaiek, Espainiako Estatuari buruzko aitorpenaz gain, zinpeko aitorpena edo hitzematea aurkeztu behar dute, esanez ez daudela eginkizun publikoetarako gaitasunez gabetuta edo antzeko egoera batean, eta orobat haien Estatuan, baldintza beretan, funtzio publikora sartzea eragozteko moduko diziplina-zehapen edo baliokiderik ez dutela.
– Destinoa normaltasunez betetzeko behar den gaitasun psikofisikoa egiaztatzen duen azterketa medikoa, Osakidetza-Euskal osasun zerbitzuko Prebentzio Zerbitzuak emana.
– Adingabearen Babes Juridikorako urtarrilaren 15eko 1/1996 Lege Organikoaren 13.5 artikulua betetzeari buruzko ardura-aitorpena, eta Sexu-delitugileen Erregistro Zentralaren Egiaztagiria lortzeko baimena, Osakidetza-Euskal osasun zerbitzuan adingabeekin ohiko harremana izatea inplikatzen duten lanpostuak eskuratzeko eta horietan lan egiteko eskakizunak buruzko instrukzioak onartzen duen 1314/2016 ebazpenak ezarritakoarekin bat etorriz.
Laugarrena.– Emandako epe horretan aipatutako agiriekin bertaratzen ez direnak edo agiri horiek aztertuta antzematen bada betebeharren bat betetzen ez dutela, ezingo dira jabetu esleitu zaien langile estatutarioaren destinoaz. Ondorioz, deuseztatuta geratuko dira jarduerak, eta hori ez da eragozpena izango hasierako eskabidean faltsukeriaren bat jartzeagatik izan dezaketen erantzukizuna eskatzeko.
Era berean, interesatuei jakinarazten zaie lanpostuaz jabetzeko ekitaldira dagokien epearen barruan edo, hala badagokio, emandako luzapenean, aurkeztu ezean, galdu egingo dituztela hautaketa-probei buruzko ebazpenetan aitortu zitzaizkien eskubideak.
Aurrekoarekin lotuta, lanpostuaz jabetzen diren izangaiak dagokien zerbitzu sanitarioetako erakundean lanean hasi beharko dira beharrezko diligentzia bete eta hurrengo egunean, baldin eta ez badute eszedentzia eskatuko dutela adierazi, bosgarren ebazpen-zatian adierazitakoarekin bat etorriz.
Bosgarrena.– Osakidetza-Euskal osasun zerbitzuaren zuzendari nagusiaren azaroaren 23ko 1231/2018 Ebazpenaren eta urtarrilaren 14ko 37/2019 Ebazpenaren I. eranskinean jasotako esleipendunek, eta aipatutako ebazpenen hirugarren atalarekin bat etorriz izaera loteslearekin idatzia aurkeztu badute eszedentzia eskatu nahi dutela esanez, hirugarren atalean aipatutako dokumentazioaz gain, sektore publikoan zerbitzuak emateagatik eszedentzia-egoera aitortua ahal izateko eskatzen diren baldintzak betetzen dituztela egiaztatzen duen dokumentazioa aurkeztu beharko dute.
Seigarrena.– Hautaketa-prozesuko oinarri orokorretako 21. atalean ezarritakoan oinarrituta, ebazpen honen aurka gora jotzeko errekurtsoa ezar dakioke Osakidetza-Euskal osasun zerbitzuko Administrazio Kontseiluari, hilabeteko epean, Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2019ko uztailaren 1a.
Osakidetza-Euskal osasun zerbitzuko zuzendari nagusia,
JUAN LUIS DIEGO CASALS.
