Euskal Herriko Agintaritzaren Aldizkaria

99. zk., 2019ko maiatzaren 28a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

AZPEITIKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2553

EDIKTUA, epaia argitzeko auto bati buruz bideratutako 60/2018 prozeduraren ondoriozkoa.

Epailea: Maider Imaz Mendizabal.

Lekua: Azpeitia (Gipuzkoa).

Eguna: 2018ko abenduaren 4a.

1.– Prozedura honetan 2018-10-09an emandako epaia argitzea erabaki da, jarraian adierazten den moduan: xedapenak:

«Baiesten dut prokuradoreak Yina Rosmery Fuentes Floresen izenean eta hura ordezkatuz aurkeztutako demanda, guraso eta seme-alaben arteko harremanei buruzkoa, Alan Farid Flores Colindresen aurka, eta behin betiko neurri hauek hartzen ditut:

1.– Yina Rosemry Fuentes Flores amari ematen diot XXXXX eta XXXXX adingabeen zaintza eta jagoletza.

2.– Esklusiboki Yina Rosemry Fuentes Flores amari ematen diot XXXXX eta XXXXX adingabeen gaineko guraso-ahala.

3.– Ez da inolako bisita- eta komunikazio-erregimenik ezartzen jagoletzarik ez duen gurasoaren alde.

4.– Alan Farid Flores Colindresek 150 euroko mantenu-pentsio bat ordaindu beharko du hilero XXXXX eta XXXXX seme-alaba adingabeen alde. Kopuru hori hilabete bakoitzeko lehenengo bost egunetan ordaindu beharko du, demandatzaileak xede horretarako adierazitako banku-kontuan. Zenbateko hori urtero eguneratuko da Estatistikako Institutu Nazionalak edo haren ordezko erakundeak argitaratzen duen KPI Kontsumorako Prezioen Indizean izandako aldakuntzen arabera.

Aparteko gastuak, bi gurasoek ordainduko dituzte, erdibana. Aitak mantenu-pentsioarekin batera ordainduko du dagokion gastua, amak faktura aurkeztu eta gero. Aparteko gastutzat hartuko dira adingabeen osasunerako eta prestakuntzarako beharrezkoak direnak, baina ez ohikoak. Besteak beste:

– Gizarte Segurantzak bere gain hartzen ez dituen gastu medikoak, hala nola, tratamendu psikologikoa, ortodontzia, betaurrekoak, lentillak eta abar, eta, gainera, protesi ortopedikoak.

– Seme-alabek egiten dituzten erdi- edo goi-mailako ikasketen ondoriozko gastu guztiak, baita ordura arte behar dituzten liburuak ere –derrigorrezko irakaskuntzakoak barne–, salbu elikadura-gastuak, zentzu hertsian.

– Seme-alaben eskola-beharrizan eta beharrizan akademikoen ondoriozko gastuak, eta kirol- eta kultura-jarduerekin edo laguntza-klaseekin lotutakoak, gastua justifikatu eta gero. Horretarako, bi gurasoen adostasuna beharko da aurretik, betiere beharrizanaren larritasuna aintzat hartuta, hori lortzea posible den heinean.

– Udalekuak.

– Garraio-kostuak, adingabeek, familiaren egoitzan bizitzen jarraituta ere, beste herri batean ikasten badute derrigorrezko ikasketak amaitu eta gero.

– Etxebizitzaren alokairuaren kostua, eta mantenu- edo erresidentzia-gastuak, baldin eta, derrigorrezko ikasketak amaituta, familiaren egoitza dagoen herritik kanpo bizi behar badira ikasten jarraitzeko.

– Derrigorrezko ikasketak amaituta, ikasten jarraitzeko matrikularen kostua, liburuena eta behar den materialarena.

Kostuei dagokienez, ez da berariazko erabakirik hartzen.»

Alan Farid Flores Colindres demandatuaren egungo helbidea ezezaguna denez, erabaki da Euskal Herriko Agintaritzaren Aldizkarian ediktu bidez jakinaraztea aipatutako ebazpena, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baita.

Jakinarazten den ebazpenaren testu osoa eskuragarri du interesdunak, epaitegi honetako bulego judizialean.

Azpeitia (Gipuzkoa), 2019ko apirilaren 5a.

JUSTIZIA ADMINISTRAZIOAREN LETRADUA.

Azterketa dokumentala