Euskal Herriko Agintaritzaren Aldizkaria

32. zk., 2019ko otsailaren 14a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIKO ZUZENEKO LAGUNTZA EMATEKO UNITATE PROZESALA

804

EDIKTUA, ezkontzaz kanpoko seme-alabentzako neurrietarako 915/2017 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (familia), Zuzeneko Laguntza Zibila emateko Unitate Prozesala.

Judizioa: 915/2017 ezkontzaz kanpoko seme-alabentzako neurriak.

Demandatzailea: Ana Leticia Espinola Zalazar.

Abokatua: Jone Goirizelaia Ordorika.

Prokuradorea: Idoia Gutiérrez Lopez.

Demandatua: Ismael Ruiz Diaz-Rodriguez.

Ezkontzaz kanpoko seme-alabentzako neurriak.

Judizio horretan, epaia eman da 2019-01-31n. Hona hemen epaitza:

EPAITZA

Partez baiesten dut Idoia Gutiérrez López prokuradoreak Letizia Espinola Zalazarren izenean eta hura ordezkatuz aurkeztutako demanda, Ismael Ruiz Díaz-Rodríguezen aurkakoa. Horrenbestez, behin betiko neurri hauek hartzea erabakitzen dut:

1.– Amari ematen zaio bien alaba adingabearen zaintza eta jagoletza.

2.– Guraso-ahala amari bakarrik ematen zaio, bai eta, hortaz, hark berekin dakartzan betebehar eta ahalmenak ere.

3.– Zaintza ez duen gurasoak hilean 250 euro ordaindu beharko ditu alabaren aldeko elikagaietarako, hil bakoitzeko lehen bost egunetan, Caixaren kontu honetan: ES 74210022784901. Zenbateko hori urteroko urtarrilaren 1ean eguneratuko da, Kontsumoko Prezioen Indizearen arabera.

Aparteko gastuak erdibana ordainduko dituzte, halakoak gertatzen direnean, aurretik faktura edo ordainagiria erakutsita. Halako gastutzat joko dira Gizarte Segurantzak edo aseguru pribatu baten polizak estaltzen ez dituen gastu medikoak, kirurgikoak, oftalmologikoak, odontologikoak edo farmazeutikoak.

Aparteko gastutzat hartuko dira, halaber, goi-mailako ikasketetatik eratorritakoak, prestakuntza akademikoarekin eta atzerriko hizkuntzak ikastearekin lotutakoak –salbu eta adingabearen tutoreak aholkatutako ikasketak–, bi gurasoek ordaindu beharko dituztenak.

4.– Adingabeak astean arratsalde bat eman dezake aitarekin, lehenengo sei hilabeteetan, bisitaldiak hasten direnetik aurrera. Familia Elkargunean egingo dira bisitaldiak, hango profesionalek gainbegiratuta, zeinek txosten bat helarazi beharko baitiote epaitegiari, bisitaldien garapenari buruz. Txosten hori oinarri hartuta, eta aldekoa baldin bada, bisitaldiak ugarituko dira proportzioan, Elkarguneko profesionalek adierazten duten eran.

Ez zaizkio inori ezartzen auzialdi honetan sortutako prozesu-kostuak.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da:1. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Ismael Ruiz Diaz-Rodriguez demandatua non bizi den ez dakigunez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatu auzi-iheslariak.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean.

Barakaldo (Bizkaia), 2019ko otsailaren 1a.

JUSTIZIA ADMINISTRAZIOAREN LETRADUA.

Azterketa dokumentala