Euskal Herriko Agintaritzaren Aldizkaria

22. zk., 2018ko urtarrilaren 31, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN, LURRALDE PLANGINTZA ETA ETXEBIZITZA SAILA

563

IRAGARKIA, prentsan, irratian, telebistan, kanpoko euskarrietan eta on line publizitate-tarteak erosi eta planifikatzeko zerbitzuaren lizitaziorako dena (Espedientea: 001SV/2018).

1.– Entitate esleitzailea.

a) Erakundea: Ingurumen, Lurralde Plangintza eta Etxebizitza Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 001SV/2018.

2.– Kontratuaren ezaugarriak.

a) Helburua: prentsan, irratian, telebistan, kanpoko euskarrietan eta on line publizitate-tarteak erosi eta planifikatzea.

b) Multzotan zatitzea: ez da multzotan zatitu.

c) Burutzeko lekua: Euskal Autonomia Erkidegoa.

d) Burutzeko epea: 17 hilabete.

3.– Izapideak, prozedura eta esleitzeko modua.

a) Izapideak: arrunta.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: bostehun eta hirurogeita hemezortzi mila bostehun eta hamabi euro eta berrogei zentimo (578.512,40) gehi ehun eta hogeita bat mila laurehun eta laurogeita zazpi euro eta hirurogei zentimo (121.487,60) BEZarenak. Beraz, guztira, zazpiehun mila euro (700.000).

5.– Kontratuaren balio zenbatetsia: milioi bat hirurehun eta laurogeita zortzi mila laurehun eta hogeita bederatzi euro eta hirurogeita hamabost zentimo (1.388.429,75).

6.– Behin-behineko bermea: ez dago jarri beharrik.

7.– Agiriak eta argibideak lortzeko.

a) Entitatea: Eusko Jaurlaritza. Ingurumen, Lurralde Plangintza eta Etxebizitza Saila.

b) Helbidea: Donostia kalea, 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2018ko otsailaren 28a.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

8.– Kontratistaren betebeharrak.

Sailkapena: ez, aukerazkoa da, karatularen 29.2.3 klausulan eskatzen den kaudimena ordezkatzeko.

Lizitatzaileek a) puntuan azaltzen den edo b) puntuan azaltzen den klasifikazioren bidez egiaztatuko dute klasifikazioa:

a) 773/2015 Errege Dekretuaren bidez emandako klasifikazioa.

Taldea: T. Azpitaldea: 1. Kategoria: 3.

b) 773/2015 Errege Dekretuaren indarraldiaren aurretik eskuratutako klasifikazioa.

Taldea: T. Azpitaldea: 1. Kategoria: C.

Kaudimenari buruzko eskakizunak eta egiaztatzeko modua.

A) Ekonomia- eta finantza-kaudimena: urteko negozioen guztizkoaren gaineko adierazpena, azken hiru urteei dagokienez urte bakoitzean, gutxienez, 375.000 eurokoa izan behar dena.

B) Kaudimen teknikoa: azken bost urteetan egindako lan edo zerbitzu nagusien zerrenda aurkeztu beharko dute enpresek, lan horien zenbatekoa, datak eta onuradunak (publikoak nahiz pribatuak) zehaztuko dituena. Lanak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Enpresak, gutxienez, lizitazioaren objektuaren antzeko hiru lan egin behar izan ditu azken bost urteetan.

9.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2018ko martxoaren 1a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web-orri honen bidez egin daiteke aurkezpena: www.contratacion.info edo www.euskadi.eus/contratacion.

c.2.– Paperean lizitatuz gero, honako leku honetan:

1) Erakundea: Ingurumen, Lurralde Plangintza eta Etxebizitza Saila.

2) Helbidea: eskuan eraman beharko dira Ingurumen, Lurralde Plangintza eta Etxebizitza Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira, ez dira eskaintzak onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta-kodea: 01010 Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

10.– Esleitzeko irizpideak.

a) Formulak aplikatuz automatikoki balioestekoak diren irizpideak. Ponderazioa, guztira: 60 puntu.

Prezioa. Ponderazioa: 60 puntu. Formula: ikus karatularen 30.2.a) puntua.

b) Balio-iritzietan oinarrituta aplikatu behar diren irizpideak: Ponderazioa, guztira: 40 puntu.

b.1.– Antolakuntza-proposamena. Ponderazioa: 20 puntu. Azpirizpideak: Ikusi karatularen 30.2.b) puntua.

b.2.– Publizitate-kanpaina planifikatzea. Ponderazioa: 20 puntu. Azpirizpideak: Ikusi karatularen 30.2.b) puntua.

11.– C gutunazalak irekitzeko ekitaldi publikoa.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2018ko martxoaren 12a.

d) Ordua: 12:00ak.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– B gutunazalak (formulen bidez baloratu beharreko irizpideak) irekitzeko ekitaldi publikoa.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2018ko martxoaren 19a.

d) Ordua: 11:00ak.

e) Lekua: Lakua II-ko 1. aretoa, Donostia kalea, 1 (Eusko Jaurlaritzaren egoitza nagusia).

12.– Bestelako argibideak: ez.

13.– Iragarpen-gastuak: enpresa esleipendunaren kontura.

14.– Iragarkia Europako Batasunaren Aldizkari Ofizialera bidalitako eguna: 2018ko urtarrilaren 19a.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.eus/contratacion

Vitoria-Gasteiz, 2018ko urtarrilaren 24a.

Zerbitzu zuzendaria,

PALOMA USATORRE MINGO.

Azterketa dokumentala