Euskal Herriko Agintaritzaren Aldizkaria

12. zk., 2017ko urtarrilaren 18a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

IRUNGO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

287

EDIKTUA, ezkontzaz kanpoko seme-alabentzako neurrietarako 267/2015 prozeduraren ondoriozkoa.

Irungo Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 267/2015 ezkontzaz kanpoko seme-alabentzako neurriak.

Demandatzailea: Nahikari Huarte Caro.

Abokatua: Jose Manuel Sanz Rodriguez.

Prokuradorea: Elizabeth Vertiz Mallotti.

Demandatua: Mohad Bekkali.

Judizio horretan, epaia eman da 2016-09-07an. Hona hemen epaitza:

EPAITZA

Osorik baiesten dut guraso eta seme-alaben arteko neurrien demanda, Nahikari Huarte Caro-k eskatutakoa Mohad Bekkali-ren aurka. Horrenbestez, neurri pertsonal eta ondare-neurri hauek erabakitzen ditut:

XXXXX adingabearen gaineko guraso-ahala amari soilik esleitzen zaio.

Adingabearen zaintza eta jagoletza amari esleitzen zaizkio.

Ez da adingabearen eta aitaren arteko bisita- eta komunikazio-araubiderik ezartzen.

Aitak hileko 100 euroko mantenu-pentsioa ordainduko du adingabearentzat; pentsio hori hileko lehen bost eguen barruan sartu beharko du, zehazki, amak izendatutako kontuan. Zenbateko hori urtero eguneratuko da KPIaren arabera; eta adingabea adin-nagusitasunera heldu eta ekonomikoki burujabea denean ezeztatuko da pentsio hori.

Aparteko gastuak erdibana ordainduko dituzte aitak eta amak, baldin eta beharrezkoak badira.

Eragindako kostuak ez dizkiot berariaz inori ezartzen.

Mohad Bekkali demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Irun (Gipuzkoa), 2016ko abenduaren 14a.

JUSTIZIA ADMINISTRAZIOAREN LETRADUA.

Azterketa dokumentala