Euskal Herriko Agintaritzaren Aldizkaria

209. zk., 2014ko azaroaren 3a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 1 ZENBAKIKO EPAITEGIA

4672

EDIKTUA, 64/10 prozedura arruntaren ondoriozkoa.

JAKINARAZPEN-ZEDULA

Bilboko (Bzikaia) Lehen Auzialdiko 1 zenbakiko Epaitegian, 64/10 prozedura arrunta bideratu da Esther Elorza Garciak eskatuta, Promociones Santiurde, S.L.ren aurka. Prozedura horretan, epaia eman da, zeinaren idazpurua eta epaitza honako hauek baitira:

152/14 EPAIA

Epailea: Ana Garcia Orruño.

Lekua: Bilbao (Bizkaia).

Eguna: bi mila eta hamalauko irailaren hamaseia.

Alderdi demandatzailea: Esther Plaza Garcia.

Abokatua: Jon Arana Rey.

Prokuradorea: Patricia Lanzagorta Mayor.

Alderdi demandatua: Promociones Santiurde, S.L.

Abokatua.

Prokuradorea.

Judizioko gaia: judizio arrunta.

EPAITZA

Epaitegietako prokuradore Patricia Lanzagortak, Esther Elorza Garcíaren izenean eta ordez, Promociones Santiurde, S.L.ren aurka aurkeztutako demanda baiestea, eta:

a) Parteek, 2006ko urriaren 31n, egindako salerosketa-kontratuak suntsituak direla deklaratzea, kontatua ez betetzegatik.

b) Deklaratzea ezen Elorza Garcíak eskubidea duela prezioaren aurrerakin gisa entregatu zituen kopuruak berreskuratzeko, eta, halaber, entrega egin zenetik hara sortutako interes legezkoa.

c) Elorza Garcíari ondoko zenbatekoak pagatzera kondenatzea Promociones Santiurde, S.L. 43.000 euro, tronkoarenak; 2010eko maiatzaren 21etik aurrera jada sortutako interesak, eta entrega egin zenetik gaurko egunera arte sortutako legezko interesak, bi puntutan gehitutakoak.

D) Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4705. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Promociones Santiurde, S.L. demandatuari behar bezalako jakinarazpena egiteko balio dezan ematen eta sinatzen dut hau, Bilbon (Bizkaia), bi mila eta hamalauko irailaren hamaseian.

IDAZKARI JUDIZIALA.

Azterketa dokumentala