RSS
57. zk., 2014ko martxoaren 24a, astelehena
- Bestelako formatuak:
- PDF (205 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 4. ZENBAKIKO EPAITEGIA
1402
EDIKTUA, ezkontzaz kanpoko seme-alabentzako neurrietarako bideratutako 256/12 prozeduraren ondoriozkoa.
JAKINARAZPEN-ZEDULA
Durangoko Lehen Auzialdiko 4 zenbakiko Epaitegian (Bizkaia) ezkontzaz kanpoko seme-alabenganako neurrien gaineko 256/12 prozedura bideratu da, Yolanda Montecinos Zolano andreak eskatuta, Leonardo Vicente Bautista jaunaren aurka, ezkontzaz kanpoko seme-alabentzako neurriak direla-eta. Prozedura horren gainean, epaia eman da. Hona hemen idazpurua eta epaitza, hitzez hitz:
88/13 EPAIA
Epailea: Leticia Badiola Perez andrea.
Lekua: Durango (Bizkaia).
Data: bi mila eta hamahiruko uztailaren hamarra.
Alderdi demandatzailea: Yolanda Montecinos Zolano.
Abokatua: Josune Escota Bisbal.
Prokuradorea: Fco. Javier Aguirreurreta Bilbao.
Alderdi demandatua: Leonardo Vicente Bautista.
Abokatua.
Prokuradorea.
Judizioaren gaia: guraso eta seme-alabentzako neurriak hartzea.
EPAITZA
Baietsi egiten dut Yolanda Montecinos Zola andreak Leonardo Vicente Bautista jaunaren aurka jarritako demanda, guraso eta seme-alabentzako neurriak direla-eta, eta, horrenbestez, honakoa erabaki dut:
1.– Bi gurasoei esleitzen diet guraso-ahala, 156. artikuluaren arabera. Dena den, XXXXX alaba adingabearen zaintza eta jagoletza amari ematen dizkiot, zeinekin haurra biziko baita.
2.– Demandatzaileari esleitzen diot familia-etxebizitza izan zen etxebizitzaren erabilera, alabarekin bizitzeko. Etxebizitzaren helbidea honako hau da: Antso Estegiz kalea 16, 2.a esk., Durango.
3.– Honako bisita-eskubidea ezartzen dut: adingabea bisitatu eta berarkin egon ahalko da aita, gaua igaro gabe, asteartetan eta ostegunetan 16:00etaik 19:00etara. Bi aldeek izendatzen duten konfiantzazko pertsonaren batek edo senitarteko batek jasoko du adingabea familiaren etxebizitzan.
4.– 300 euroko pentsioa ezartzen dut alaba adingabearentzako. Zenbateko hori urtero eguneratuko da, KPIaren arabera. Era berean, bi gurasoek erdibana ordainduko dituzte alabaren ezohiko gastuak.
5.– Prozedura-mota kontuan hartuta, ez da hartu kostuen gaineko erabakirik.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4850 0000 00 025612. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori kontsignan utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Argitaratzea: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Durangon (Bizkaia), bi mila eta hamahiruko uztailaren hamarrean.
Eta Leonardo Vicente Bautista demandatuari jakinarazpena legez jarritako moduan egiteko ematen eta sinatzen dut ediktu hau, Durangon (Bizkaia), bi mila eta hamahiruko uztailaren hamarrean.
IDAZKARIA.
