RSS
195. zk., 2013ko urriaren 11, ostirala
- Bestelako formatuak:
- PDF (168 KB - 2 orri.)
- EPUB (97 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
TOLOSAKO LEHEN AUZIALDIKO ETA INSTRUKZIOKO 4 ZENBAKIKO EPAITEGIA
4335
EDIKTUA, ezkontzaz kanpoko seme-alabentzako neurrietarako 142/12 prozeduraren ondoriozkoa.
JAKINARAZPEN-ZEDULA
Tolosako Lehen Auzialdiko 4 zenbakiko Epaitegian (Bizkaia) bideratutako ezkontzaz kanpoko seme-alabentzako neurrietarako 142/2012 prozeduran epaia eman da. Hilda Virginia Echeverria Carrion andreak sustatu du prozedura, Juan Estuardo Ruiz Beltran jaunaren aurka, guraso eta seme-alaben arteko neurriei buruz. Hona hemen idazpurua eta epaitza, kopiatuta:
56/13 EPAIA
Epailea: Marta Martin Iglesias andrea.
Lekua: Tolosa (Gipuzkoa).
Data: bi mila eta hamahiruko maiatzaren hogeita hamaika.
Alderdi demandatzailea: Hilda Virginia Echeverria Carrion.
Abokatua: Joaquin Pedro Zubillaga Bereciartua.
Prokuradorea: Iñigo Navajas Saiz.
Alderdi demandatua: Juan Estuardo Ruiz Beltran.
Abokatua.
Prokuradorea.
Judizioko gaia: ezkontzaz kanpoko seme-alabentzako neurriak eta garai bereko neurriak hartzea.
Nik, Marta Martín Iglesiasek, Tolosako eta haren barrutiko Lehen Auzialdiko eta Instrukzioko 4 zenbakiko epaile naizenak, ezkontzaz kanpoko seme-alabentzako neurriei buruz bideratu den 142/12 prozeduraren autoak ikusi ditut. Auto horiek epaitegi honetan bideratu dira, Hilda Virginia Echeverría Carrión andreak eskatuta -Iñigo Navajas Sáiz prokuradoreak ordezkatuta eta Joaquín Zubillaga Bereciartúa letraduak defendatuta–. Demandatua Juan Estuardo Ruíz Beltran jauna izan da, prozesuan auzi-iheslari deklaratu dutena. Judizio horretan, Ministerio Fiskalak parte hartu du.
EPAITZA
Partez baiesten dut guraso eta seme-alabentzako neurriak hartzeko eskaria, Hilda Virginia Echeverría Carrión andreak Juan Estuardo Ruíz Beltrán jaunaren aurka egindakoa. Hori dela eta, honako neurri hauek hartzen ditut:
a) XXXXX adingabeko alabaren zaintza eta jagoletza amari esleitzen zaizkio, eta guraso-ahala guraso biek partekatuko dute.
b) Adingabekoarentzako mantenu-pentsio gisa, hilean 200 euro ordaindu beharko ditu Juan Estuardo Ruíz Beltrán jaunak. Kopuru hori urtero eguneratuko da, INEk edo haren ordezko erakundeak argitaratutako KPIaren arabera, eta diru hori hilabeteko lehenengo 5 egunetan ordaindu beharko da, amak ematen duen kontuan.
c) Gurasoek erdibana ordainduko dituzte seme-alaba adingabekoen ohiz kanpoko gastuak. Halakotzat joko dira mediku-, farmazia-, optika-, odontologia-zerbitzuek sortutako gastuak, eta Gizarte Segurantzak edo mediku-aseguru pribatu batek bere gain hartzen ez dituen gainerako medikuntza-gastuak. Halakotzat joko dira, orobat, irakasle edo tutoreek gomendatuta, ikasketa-prozesuaren indargarri eta lagungarri seme-alabek jaso behar dituzten eskolak.
Gastu horiei dagokienez, bi gurasoek, ados jarrita, erabakiko dut zer premia dauden edo gastu horiek egin behar ote diren, bien alabaren interesa kontuan harturik. Ados jarri ezean, eta bien alabarentzat erabakiren bat hartu behar dela irizten badute, epaileak hartuko du erabakia, ohiz kanpoko gastua egin aurretik eta ondoren.
Gainerako gastuak -premiazkoak ez badira, aisialdiak edo eskolak sortuak badira, eta guraso biek erabakitakoak ez badira- egitea erabaki duenak berak ordaindu beharko ditu, gasturik egin bada behintzat.
d) Ez ezartzen bisita-erregimenik adingabekoaren eta zaintza ez duen gurasoaren artean.
Kostuei dagokienez berriz, ez da berariazko erabakirik hartzen.
Aurkaratzeko modua: Gipuzkoako Probintzia Auzitegian apelazio-errekurtsoa aurkeztuta (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailuan eta Zainpean uzteko kontuan utzi beharko da zainpean (kontuaren zenbakia). Dirua sartu izanaren agirian kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu beharko da kontsignazioa (BJLOko 15. xg.).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.
Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 artikulua).
Eta epai honen bidez erabaki, agindu eta sinatzen dut.
Eta Juan Estuardo Ruiz Beltran demandatuari behar bezalako jakinarazpena egiteko balio dezan ematen eta sinatzen dut hau, Tolosan (Gipuzkoa), bi mila eta hamahiruko irailaren bian.
IDAZKARIA.
