RSS
213. zk., 2007ko azaroaren 6a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Ingurumen eta Lurralde Antolamendu Saila
6055
LEHIAKETA. Iragarkia, "hiri-hondakin solidoen kudeaketa-instalazioetan dagoen materia organikoaren zenbait frakzio animalien elikadurarekin lotutako erabileretan eta animalia-subproduktuen erabilera teknikoetan baliatzeko bideragarritasun sanitarioaren azterlana" egiteko aholkularitza- eta sorospen-kontratu administratiboa esleitzeko dena (077A/ 2007/ espedientea).
1.– Entitate esleitzailea.
a) Erakundea: Zerbitzu zuzendaria. Ingurumen eta Lurralde Antolamendu Saila.
b) Espedientea izapidetzen duen bulegoa: Kontratazio Mahaia (Zerbitzu Zuzendaritza).
c) Espedientearen zenbakia: 077A/2007/.
2.– Kontratuaren ezaugarriak.
a) Helburua: hiri-hondakin solidoen kudeaketa-instalazioetan dagoen materia organikoaren zenbait frakzio animalien elikadurarekin lotutako erabileretan eta animalia-subproduktuen erabilera teknikoetan baliatzeko bideragarritasun sanitarioaren azterlana.
b) Loteak eta kopurua: ez.
c) Gauzatzeko lekua: enpresa esleipendunaren instalazioetan.
d) Gauzatzeko epea: 2008ko ekainaren 30a da kontratua burutzeko azken eguna.
Epe partzialak:
– Bideragarritasun sanitarioaren ebaluazioa: 2008ko martxoaren 31.
– Bideragarritasun teknikoaren ebaluazioa: 2008ko maiatzaren 31.
– Bideragarritasun ekonomikoaren ebaluazioa: 2008ko ekainaren 30a.
3.– Izapideak, prozedura eta esleitzeko era.
a) Izapideak: ohikoak.
b) Prozedura: irekia.
c) Esleitzeko era: lehiaketa.
4.– Lizitaziorako oinarrizko aurrekontua.
Guztira: ehun eta hamar mila (110.000) euro.
5.– Behin-behineko fidantza: ez.
6.– Agiriak eta argibideak.
a) Entitatea: Ingurumenaren Kalitatearen Zuzendaritza (Ingurumen eta Lurralde Antolamendu Saila).
b) Helbidea: Donostia kalea 1, Lakua.
c) Herria eta posta-kodea: Vitoria-Gasteiz 01010 (Araba).
d) Telefonoa: 945 01 99 05.
e) Faxa: 945 01 99 11.
f) Agiriak eta argibideak eskuratzeko azken eguna: 2007ko azaroaren 15a.
7.– Kontratistaren betebeharrak.
a) Sailkapena: (taldea, azpitaldeak eta kategoria).
b) Ekonomia- eta finantza-kaudimena eta gaitasun teknikoa eta profesionala:
– Enpresek azken hiru urteetan lehiaketa honen helburuarekin lotutako lanetan izandako fakturazio-bolumenak lizitazio-aurrekontuaren adinakoa izan beharko du, gutxienez. Hori egiaztatzeko, azken hiru ekonomia-ekitaldiotan burututako negozio guztien nahiz lehiaketa honen helburuarekin lotutako lanen kopuruari buruzko aitorpena aurkeztuko dute.
1) Baliabide teknikoak eta giza baliabideak:
Lizitatzaile bakoitzak lan hau egiteko erabiliko duen giza taldearen eta talde teknikoaren zerrenda zehatza aurkeztu beharko du agirien artean, lehiaketa honetan jasotako egiteko guztiak burutzeko aipagarriak diren xehetasun guztiak adieraziz.
Talde idazlariak diziplinartekoa izan beharko du, eta bertan gutxienez goi-mailako tituludun bat egongo da honako arlo hauetako batean: Elikagaien Zientzia eta Teknologia, Biologia Zientziak, Albaitaritza, Farmazia edo Nekazaritzako Ingeniaritza, betiere animalientzako elikagaien higienearekin lotuta. Hori egiaztatzeko, titulua edo, bestela, elkargoko ziurtagiria aurkeztu beharko du.
Goi-mailako teknikari horrek lizitatzailearen ordezkari-lana egingo du, lanak egiteko arduradun teknikoa izango da eta enpresa esleipendunaren solaskidea izango da Administrazioarekiko harremanetan.
Lan-taldeko kideak pertsonal propioa zein kanpokoak izan daitezke. Lizitatzaileak proiektua gauzatzeko egitekoa izango duen pertsonalaren zerrenda aurkeztuko du, bai eta lan-talde hori baliatzeko egindako kontratua ere. Horrekin batera, lan-taldeko kideen onarpen-agiria eta, hala badagokio, lankidetzako akordioa ere aurkeztuko ditu.
2) Lan-taldea:
Taldeak azken hiru urteetan antzeko lanetan izandako esperientzia egiaztatu beharko du, lan-taldeak lizitazio honen helburu diren antzeko lanetan edo berdinetan garatutako lanen eta azterlanen aitorpenaren bidez. Aitorpen horretan esleipen-aurrekontuak eta ezaugarri tekniko nagusiak jasoko dira.
3) Egiaztatzea:
Plegu honen jarduerekin erlazionatuta dauden kreditatutako entitateek emandako egiaztagiriak aurkeztu beharko dituzte enpresa lizitatzaileek, indarrean dauden arau teknikoen eta legezko arauen arabera: kalitatea, laborategiko analitikak, eta abar.
Gainera, enpresa lizitatzaileek karatula honen eranskinean zehaztutako ingurumen-betekizunak egiaztatu beharko dituzte, I. eranskineko ingurumen-jardunbide egokiei buruzko adierazpena aurkeztuz.
Lanak hirugarrenekin partekatzea aurreikusita baldin badago, hirugarren horien izenak eta erreferentziak adierazi beharko dira, bai eta azpikontratatutako zatiak aurrekontu osoaren gainean hartzen duen ehunekoa ere.
8.– Eskaintzak edo parte hartzeko eskabideak aurkeztea.
a) Aurkezteko azken eguna: 2007ko azaroaren 22a, 12:00ak baino lehen.
b) Aurkeztu beharreko agiriak: administrazio-klausula zehatzen pleguan zehaztutakoak.
c) Aurkezteko lekua:
1) Entitatea: Ingurumen eta Lurralde Antolamendu Saileko Erregistro Orokorra (Zerbitzu Zuzendaritza).
2) Helbidea: Donostia kalea 1 (Lakua 2, 2. solairua).
3) Herria eta posta-kodea: Vitoria-Gasteiz 01010 (Araba).
d) Lizitatzaileak zenbat denbora eutsi behar dion bere eskaintzari: 3 hilabete, proposamenak irekitzen direnetik.
e) Aldaerak: ez.
f) Prozedura mugatua izanez gero, eskaintzak aurkezteko deia egingo zaien enpresen kopurua.
9.– Eskaintzak irekitzea.
a) Entitatea: Kontratazio Mahaia (Zerbitzu Zuzendaritza).
b) Helbidea: Donostia kalea 1, Lakua (Eusko Jaurlaritzaren egoitza nagusia).
c) Herria: Vitoria-Gasteiz 01010 (Araba).
d) Eguna: 2007ko azaroaren 29a.
e) Ordua: 11:30ak.
10.– Bestelako argibideak.
11.– Iragarkien gastuak: hirurehun eta laurogeita hiru euro eta bost zentimo (383,05).
12.– Iragarkia Europar Batasunaren Aldizkari Ofizialera bidali zen eguna.
13.– Deialdiari buruzko argibideak lortzeko edo pleguak eskuratzeko informatika-ataria edo web orria: www.euskadi.net.
Vitoria-Gasteiz, 2007ko urriaren 16a.
Zerbitzu zuzendaria,
IZASKUN IRIARTE IRURETA.
