Euskal Herriko Agintaritzaren Aldizkaria

78. zk., 2006ko apirilaren 25a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Xedapen Orokorrak

Gipuzkoako Batzar Nagusiak

2137

1/2006 FORU ARAUA, urtarrilaren 19koa, Gipuzkoako Lurralde Historikoko zerga-araudia irailaren 16ko 12/2005 Errege Dekretu Legeak jasotako hainbat xedapenetara egokitzen duen urriaren 25eko zerga alorreko Presazko 1/2005 Foru Dekretu Araua balioztatzeko dena.

Gipuzkoako Lurralde Historikoko zerga-araudia irailaren 16ko 12/2005 Errege Dekretu Legeak jasotako hainbat xedapenetara egokitzen duen urriaren 25eko zerga alorreko Presazko 1/2005 Foru Dekretu Araua balioztatzeko urtarrilaren 19ko 1/2006 Foru Araua.

Gipuzkoako Diputatu Nagusiak.

Jakinarazten dut Gipuzkoako Batzar Nagusiek onartu dutela "Gipuzkoako Lurralde Historikoko zerga-araudia irailaren 16ko 12/2005 Errege Dekretu Legeak jasotako hainbat xedapenetara egokitzen duen urriaren 25eko zerga alorreko Presazko 1/2005 Foru Dekretu Araua balioztatzeko urtarrilaren 19ko 1/2006 Foru Araua", eta nik aldarrikatu eta argitara dadin agintzen dut, aplikagarria zaien herritar guztiek, partikularrek nahiz agintariek, bete eta betearazi dezaten.

Donostia-San Sebastián, 2006ko urtarrilaren 19a.

Diputatu nagusia,

JOXE JOAN GONZÁLEZ DE TXABARRI MIRANDA.

HITZAURREA

Martxoaren 8ko 2/2005 Foru Arauak -Gipuzkoako Zergen Foru Arau Orokorrak- 8. artikuluan baimendutakoarekin bat etorriz, Diputatuen Kontseiluak onartu du, presazko arrazoiak direla-eta, Zerga Alorreko Presazko 1/2005 Foru Dekretu Araua, urriaren 25ekoa, hain zuzen ere Gipuzkoako Lurralde Historikoko zerga-araudia irailaren 16ko 12/2005 Errege Dekretu Legeak jasotako hainbat xedapenetara egokitzen duena. Hauxe izan da horren helburua: Gipuzkoako zerga-araudia zerga bereziek erregimen komuneko araudian izan dituzten aldaketetara moldatzea, indarrean dagoen Ekonomia Itunean ezarritako eran.

Aipaturiko 8 artikuluak 2 apartatuan ezartzen duenez, artikulu horren babesean onartzen diren xedapenen berri Batzar Nagusiei eman behar zaie balioztatu ditzaten.

Tramite hori bete denez, orain foru araua onartu behar da esandako foru dekretua balioztatzeko.

Artikulu bakarra.– Balioztatuta geratu da Zerga Alorreko Presazko 1/2005 Foru Dekretu Araua, urriaren 25ekoa, Gipuzkoako Lurralde Historikoko zerga-araudia irailaren 16ko 12/2005 Errege Dekretu Legeak jasotako hainbat xedapenetara egokitzen duena.

AMAIERAKO XEDAPENA

Foru arau hau Gipuzkoako Aldizkari Ofizialean argitaratu ondorengo egunean jarriko da indarrean.