Turismoaren arloko ikastaroak, jardunaldiak eta mintegiak antolatzeko diru-laguntzak 2010

Eskabidearen eta inprimakien ereduak urteko deialdi publikoan izango dira eta interneteko helbide honetan jaso daitezke Merkataritza eta Turismo sailburuordeak dagokion ebazpena egin eta gero.

Erakunde eskatzailea ordezkatzeko legezko gaitasuna duen pertsonak sinatuko du eskaria.

4. Erakunde eskatzaileak proiektuaren datu orokorrak jasoko dituzten eskabidea eta formularioak bete beharko ditu, eta baita eskabide honetan jasota agertzen den informazioaren egiazkotasunari buruzko zinpeko aitorpen bat eta ondoren aipatuko den dokumentazioa ere:

a) Jardueraren memoria, bertan honako hauek zehaztuta:

1.- 4.1 artikuluan aurreikusitako jardunei dagokienez:

- Jardunaren justifikazioa: jardunaren helburuena, aukeratutako gaiarena, metodologikoa didaktikoarena, pertsonena, eta baita aukeratutako egunarena ere. Arrazoirik ezak diru-laguntza ukatzea ekar dezake.

- Zer jenderentzako den.

- Programa, bertan saio bakoitza, iraupena eta ordutegia, ponentziak edo ikastaroak emango dituzten pertsonak, eta ponentzia edo ikastaro horiek non eta noiz emango diren zehaztuta.

- Material globala, pertsona edo kolektibo hartzaileak, helburuak eta metodologia didaktikoa.

- Matrikularen kostuari buruzko informazioa edo, hala badagokio, matrikula doan dela.

2.- Bisita teknikoak antolatzeko, 4.2 artikulua:

- Bisitaren justifikazioa: bisitaren helburu orokorrena, berariazko helburuena (balizko aplikazio praktikoen identifikazioa) aurreikusitako programarena, aukeratutako lekuarena, eta baita aukeratutako egunena ere. Arrazoirik ezak diru-laguntza ukatzea ekar dezake.

- Bisita teknikoaren programa zehaztua.

- Parte-hartzaileen zerrenda eta pertsona bakoitzak bisitaren helburuarekin duen lan- edo okupazio-harremana.

- Helmugako turismo-agenteen eta/edo -arduradunen izena.

- Bisita teknikoa egin dela egiaztatzen duen agiria.

b) Honako hau biltzen duen zinpeko aitorpena:

- Erakunde eskatzailearen organo eskudunak Agindu arautzaile honetako onurei helduko diela, diruz lagundu ezin den aurrekontua finantzatzeko konpromisoa onartzen duela eta jarduna edo jardunak laguntza-programa honetako deialdian aurkezten diren baldintzen arabera egingo d(it)uela adierazten duen ziurtagiria.

- Aitorpena, erakunde eskatzailea zigor- eta administrazio-arloan diru-laguntza edo laguntza publikoak lortzeko aukera galtzearekin zigortuta ez dagoela adierazten duena, eta hartarako ezgaitzen duen legezko debekuaren eraginpean ere ez dagoela, sexu-diskriminazioaren ondoriozko debekuak barne, 4/2005 Legearen (otsailaren 18koa, Emakumeen eta Gizonen arteko Berdintasunerakoa) Azken Xedapenen arteko seigarrenean xedaturikoari jarraiki.

- Aitorpena, laguntza horien xede diren jardunak egiteko beste erakunde publiko edo pribatu batzuei eskatutako eta, hala badagokio, lortutako laguntzei buruzkoa.

Enpresa eskatzaileak zinpeko adierazpenean gezurrezko daturen bat jartzen badu, administrazio-zigorrak eta zigor penalak ezarri ahal izango zaizkio, indarrean dagoen zigor-araubideari jarraituz.

c) Jarduera antolatzeko aurreikusitako gastuen eta diru-sarreren aurrekontu zehaztua eta banandua, eskatzen den diru-laguntzarekin ordaindu nahi diren partidak identifikatuta.

d) Euskal Autonomia Erkidegoko Aurrekontu Orokorren kargurako edo haren ordezko araudiko diru-laguntzen onuradunen zerga-betebeharrak egiaztatzeari buruzko Ogasun eta Finantza sailburuaren 1991ko urriaren 7ko Aginduan ezarritako kasuetan, Euskal Autonomia Erkidegoaren Administrazioak, betiere erakunde eskatzailearen esanbidezko baimena badu, laguntzen eta diru-laguntzen erakunde eskatzaileen zerga-betebeharrak bete izanaren egiaztagiria eskatuko die zuzenean zerga-alorreko organo eskudunei. Erakunde interesdunen esanbidezko baimen hori espedientean jasota ez badago, dagokion ziurtagiria aurkeztu beharko dute.

e) Gizarte Segurantzarekiko betebeharrak egunean dituela adierazten duen egiaztagiria.

f) Hala badagokio, Identifikazio Fiskaleko Txartelaren fotokopia.

g) Eskatzailearen ordezkatze-ahalordearen fotokopia, Industria, Berrikuntza, Merkataritza eta Turismo Sailak ahalorde hori eskura ez badu, eta, baldin badu, pertsona ahalordetuaren aldaketarik izan bada.

5.- Artikulu honen 3. idatz-zatian bildutako oinarrizko dokumentazioaz gain, honako dokumentazio osagarri hau aurkeztu beharko dute:

a) Irabazi-asmorik gabeko erakunde edo elkarte pribatuek: estatutuen eta Elkarteen Erregistroko erregistroaren ziurtagiriaren fotokopia.

b) Tokiko Korporazioek sustatutako Garapen Erakundeek: Erakundea egiaztatzeko dokumentazioa (eratze-eskrituraren, estatutuen eta erregistroan erregistratu izanaren ziurtagiriaren kopiak).

6.- Dagoeneko Industria, Berrikuntza, Merkataritza eta Turismo Sailaren eskura dauden indarreko dokumentuak ez dira nahitaez zertan aurkeztu. Kasu horretan, noiz eta zein organo edo bulegotan aurkeztu ziren adierazi beharko da eskabidean, azaroaren 26ko 30/1992 Legearen 35. artikuluko f) idatz-zatian ezarritako baldintzak beteta. Lege hori urtarrilaren 13ko 4/1999 Legeak aldatu zuen.

7.- Erakunde eskatzaileek laguntza jasotzeko eskaera aurkeztu ahal izango dute horrekin batera aurkezten den dokumentazioarekin, haiek aukeratu duten hizkuntza ofizialean. Gainera, laguntza-eskabidetik eratorritako jardueretan eta prozedura osoan, erakunde eskatzaileak aukeraturiko hizkuntza baliatuko da, Euskararen erabilera normalizatzeko azaroaren 24ko 10/1982 oinarrizko Legean ezarritakoaren arabera.