Euskal Herriko Agintaritzaren Aldizkaria

52. zk., 2025eko martxoaren 17a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ONGIZATE, GAZTERIA ETA ERRONKA DEMOGRAFIKOAREN SAILA

1219

AGINDUA, 2025eko otsailaren 20koa, Ongizate, Gazteria eta Erronka Demografikoaren sailburuarena, 2025ean Euskal Autonomia Erkidegoko Administrazioaren «Auzolandegiak» programaren plazen deialdia egiten duena.

Euskal Herriko Autonomia Estatutuaren 10.39 artikuluak xedatzen duenez, Euskal Autonomia Erkidegoak eskumen esklusiboa du gazte-politikaren arloan.

Halaber, Gazteriaren martxoaren 10eko 2/2022 Legearen 40. artikuluaren arabera, gazteek boluntariotza-jardueretan parte har dezaten sustatzea euskal administrazio publikoei dagokie, bakoitzak bere eskumenen esparruan.

Euskal Autonomia Erkidegoko Administrazio Orokorreko sailak sortu, ezabatu eta aldatzen dituen eta horien egitekoak eta jardun-arloak finkatzen dituen Lehendakariaren ekainaren 23ko 18/2024 Dekretuaren 2. artikuluan zehaztutakoarekin bat etorriz, Ongizate, Gazteria eta Erronka Demografikoaren Saila da Administrazio Orokorraren egituran sartutako sailetako bat.

Ekainaren 23ko 18/2024 Dekretuaren 15. artikuluan ezarritakoaren arabera, Ongizate, Gazteria eta Erronka Demografikoaren Sailari dagozkio, besteak beste, gazteriari eta emantzipazioari buruzko egitekoak eta jardun-arloak.

Ekainaren 23ko 18/2024 Dekretuaren zortzigarren xedapen gehigarriak xedatzen duenez, ezabatutako Berdintasun, Justizia eta Gizarte Gaietako Saileko Gizarte Politiketako Sailburuordetzako organo eta unitateek eta Lehendakaritzako aurreko egiturako Gazteria Zuzendaritzak osatuko dute lehen aipatutako saila.

Bestalde, Ongizate, Gazteria eta Erronka Demografikoaren Sailaren egitura organikoa eta funtzionala ezartzen duen urriaren 29ko 320/2024 Dekretuaren 14.2 artikuluak ezartzen duenez, Gazteria eta Emantzipazio Zuzendaritza, Gazteria eta Erronka Demografikoaren Sailburuordetzaren mende dago.

Gazte Boluntariotzako Esparruen «Auzolandegiak» programa bi deialdik osatzen dute. Lehenengoak Euskadin egingo diren gazte-boluntariotzako esparruetako proiektuak hautatzeko oinarriak arautzen ditu eta deialdia egiten du; bigarrenak, berriz, izena emateko oinarriak arautzen ditu, eta deialdia egiten du Euskadiko gazteek hainbat lurralde-eremutan eskaintzen diren boluntariotza-esparruetan parte hartzeko aukera izan dezaten.

Arau-esparru horretatik abiatuta, eta jardun-arlo horretan inplikatuta dauden erakundeen eskumenak errespetatuz, Eusko Jaurlaritzak gazte-boluntariotzako esparruen programa kudeatzen du Gazteria eta Emantzipazio Zuzendaritzaren bitartez.

Horrenbestez, honako hau

EBAZTEN DUT:

Artikulu bakarra.– Euskal Autonomia Erkidegoko Administrazio Orokorraren «Auzolandegiak» programa arautzea eta 2025erako deialdia egitea, agindu honen I. eranskinean aurreikusitakoaren arabera.

AZKEN XEDAPENETAKO LEHENENGOA

Ongizate, Gazteria eta Erronka Demografikoaren sailburuaren agindu honen aurka aukerako berraztertzeko errekurtsoa aurkez dakioke organo horri, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

AZKEN XEDAPENETAKO BIGARRENA

Agindu honek Euskal Herriko Agintaritzaren Aldizkarian argitaratu eta hurrengo egunetik aurrera izango ditu ondorioak.

Vitoria-Gasteiz, 2025eko otsailaren 20a.

Ongizate, Gazteria eta Erronka Demografikoaren sailburua,

NEREA MELGOSA VEGA.

I. ERANSKINA

2025EAN EUSKAL AUTONOMIA ERKIDEGOKO ADMINISTRAZIOAREN «AUZOLANDEGIAK» PROGRAMAREN PLAZEN DEIALDIA.

OINARRIAK

Lehenengoa.– Xedea.

Agindu honen helburua da: Euskal Autonomia Erkidegoko Administrazioaren 2025eko «Auzolandegiak» programaren plazen deialdiaren arauak ezartzea.

Bigarrena.– Definizioak.

1.– Auzolandegietan, hainbat jatorritako gazteen talde batek konpromisoa hartzen du, borondatez eta eskuzabalki, gizarte-hedadurako eta jarduera osagarrietarako lan-proiektu bat garatzeko, denbora-tarte jakin batean. Proiektua bitarteko bat da honako balio hauek sustatzeko: bizikidetza, tolerantzia, elkartasuna, parte-hartzea, edo kulturarteko ikaskuntza, besteak beste.

2.– Auzolandegietan parte hartzen duten pertsonek ostatua eta mantenu osoa izango dute.

3.– Deialdi honetan eskaini diren auzolandegietan parte hartzen duten pertsonek asegurua izango dute Euskal Autonomia Erkidegoko Administrazioak adostutako istripu-aseguruen eta erantzukizun zibileko aseguruen kontratuetan erabakitako baldintzetan.

4.– Euskadiko auzolandegietan, parte-hartzaileek auzolandegi bakoitzeko arauak eta protokoloak bete beharko dituzte.

5.– Gazteria eta Emantzipazio Zuzendaritza gazteen eta autonomia-erkidegoen arteko edo erakunde antolatzailearen arteko bitartekaria izango da, beste autonomia-erkidego batzuek edo Nazioarteko Boluntariotza Zerbitzuak antolatutako auzolandegietan (autonomia-erkidegoek eta Nazioarteko Boluntariotza Zerbitzuak beren arauak dituzte). Gainera, honako hauek ez dira izango Gazteria eta Emantzipazio Zuzendaritzaren erantzukizuna: behin betiko onarpena, data-aldaketa, txandak bertan behera uztea, ostatua, janaria, lan-orduak, denbora librearen antolaketa edo kuota itzultzea. Beste autonomia-erkidego batzuetako edo atzerriko auzolandegietara joaten diren pertsonek auzolandegietara sartzeko eta bertan egoteko baldintzak, arauak eta protokoloak bete beharko dituzte. Horrek gastu gehigarria ekar badezake eta harrera-erakundeak gastu hori bere gain hartzen ez badu, interesdunaren kontura izango da.

6.– Auzolandegiaren tokiraino lekualdatzea parte-hartzaileen kontura izango da. Halaber, parte-hartzaileen erantzukizuna izango da, nazionalitatea kontuan hartuta, auzolandegiaren atzerriko herrialdean sartzeko behar diren agiri guztiak eskuratzea.

7.– Deialdi honen parte-hartzaileek auzolandegi batean baino gehiagotan parte hartu ahal izango dute, beti ere plaza bat edo gehiago Euskal Autonomia Erkidegoko auzolandegietan hautatzen bada. Horretarako, agindu honetan ezarritako prozedura beteko da, eta eskatutako agiriak bitarteko elektronikoen bidez bidali beharko zaizkio Gazteria eta Emantzipazio Zuzendaritzari, kuota ordaindu eta gero.

Hirugarrena.– Eskainitako plazei buruzko informazioa.

1.– Deialdian eskainitako auzolandegiak Euskal Autonomia Erkidegoan, estatuko beste autonomia-erkidego batzuetan eta, ahal izanez gero, beste herrialde batzuetan egingo dira.

Adingabeei plazak eskainiko zaizkie Euskal Autonomia Erkidegoko eta beste erkidego batzuetako auzolandegietan, azken horrek plazak eskaintzen baditu.

Eskainitako plazak https://www.gazteaukera.euskadi.eus atarian kontsultatu daitezke, baita Gazteria eta Emantzipazio Zuzendaritzan ere (Donostia-San Sebastian kalea 1, 01010 Vitoria-Gasteiz).

2.– Euskal Autonomia Erkidegoan nazioartekoak ez diren auzolandegietan eskainitako plazen % 10 aniztasun funtzionala duten pertsonentzat gordeko dira, auzolandegiaren jarduera motaren arabera.

3.– Aniztasun funtzionala duten pertsonek laguntzaile bat izango dute auzolandegian dauden bitartean.

4.– Eskainitako plazen zerrenda aldatu ahal izango da eskaerak aurkezteko epea hasten denetik aurrera, plazak erreserbatu ahala kenduko direlako eta plaza gehiago eskain daitezkeelako.

5.– «Auzolandegiak» programari buruzko informazioa https://www.gazteaukera.euskadi.eus atarian kontsultatu ahal izango da, baita Euskal Autonomia Erkidegoko Gazte Informazio Zerbitzuetan eta Gazteria eta Emantzipazio Zuzendaritzan ere (Donostia-San Sebastian kalea 1, 01010 Vitoria-Gasteiz).

Laugarrena.– Plaza lortzeko baldintzak.

Deialdi honen arabera, honako hauek dira auzolandegiko plaza lortzeko baldintzak:

a) Euskal Autonomia Erkidegoko udalerri batean erroldatuta egotea agindu hau EHAAn argitaratu baino lehen.

b) Europar Batasunekoak ez diren atzerritarren kasuan, dagokien bizileku-baimena izatea eta Euskal Autonomia Erkidegoko udalerri batean erroldatuta egotea agindu hau EHAAn argitaratu baino lehen.

c) Eskatutako auzolandegia egiteko adierazitako adina izatea auzolandegia hasten den egunean eta auzolandegi guztian zehar.

d) Guraso-ahala edo tutoretza duen pertsonaren adostasuna izatea, eskaera egiteko orduan emantzipatu gabeko gazteen kasuan; edo guraso-ahala edo tutoretza duenaren berariazko baimena izatea, 16 urtetik beherakoen kasuan.

Adingabearen gurasoak epai judizial irmo baten bidez bananduta edo dibortziatuta badaude, horren berri jasoko da inskripzioan, eta epai irmoa beteko da, inskribatzeko prozedura osoan eta adingabea auzolandegian dagoen bitartean. Epai irmorik gabeko banantze- edo dibortzio-prozesuen kasuan, behin-behineko akordioa bete beharko da.

e) Eskaera adierazitako garaian eta moduan egin izana.

f) «Auzolandegiak» programan izena emateko kuota ordaindu izana.

g) VII. eranskinean agertzen den osasun fitxa bete izana.

h) Aniztasun funtzionala duten pertsonen kasuan, desgaitasun-ziurtagiria aurkeztu izana eta VIII. eranskinean agertzen den informazio pertsonaleko fitxa bete izana.

i) Adingabeekiko harremana izatea eskatzen duten ekintzak dituzten auzolandegien kasuan, sexu-delituengatiko kondenarik ez izatea. Sexu-delitugileen Erregistro Zentralaren ziurtagiri bat aurkeztu beharko dute, delitu horiengatiko zigorrik jaso ez dutela egiaztatzeko; eta, atzerritarren kasuan, jatorrizko herrialdeak ziurtatutako antzeko irismena duen dokumentua. Halakorik ez badago, herrialdeak igorritako zigor-aurrekarien egiaztagiri baliokidea aurkeztu beharko dute, non ez dagoen sexu-delitugileei dagokien aipamenik.

j) Ezin izango dute izena eman azken hiru deialdietako batean plaza bat esleitu eta auzolandegira joan ez diren pertsonek, aldez aurretik Eusko Jaurlaritzaren Gazteria eta Emantzipazio Zuzendaritzari uko egin diotela jakinarazi dioten pertsonen kasuan izan ezik. Era berean, ezingo dute Euskadiko auzolandegietan parte hartu 2024ko edizioan kanporatuak izan ziren pertsonek.

k) Aniztasun funtzionala duten pertsonek betetzeko plazak Euskal Autonomia Erkidegoan erroldatuta dauden gazteentzat gordetzen dira.

Bosgarrena.– Aurreinskripzioa egiteko eta plaza eskatzeko eskaeren epea.

Auzolandegietan parte hartzeko interesa duten pertsona guztiek aurreinskripzioa egiteko eskaera egin beharko dute telematikoki. Eskabideak Euskal Autonomia Erkidegoko Administrazio Publikoaren egoitza elektronikoan onartutako identifikazio eta sinadura elektronikoko bitartekoekin egingo dira. Baliabide horiek eskuragarri daude hemen: https://www.euskadi.eus/identifikazio-elektronikorako-onartutako-bitartekoak/web01-sede/eu/

Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik aurrera.

Elektronikoki ere izapidetu ahal izango da, ordezkari baten bidez. Horretarako, ordezkaritzak Eusko Jaurlaritzaren Ahalordeen Erregistroan eman beharko du izena, eta helbide hauetan eskuratu ahal izango da: https://www.euskadi.eus/ordezkarien-erregistro-elektronikoa/web01-sede/eu/

Seigarrena.– Eskabideak izapidetzea.

Eskaerak hiru prozeduren arabera izapidetuko dira: Euskadiko eta Estatuko auzolandegietako txanda irekiari buruzkoa, atzerriko auzolandegietarako txanda irekiari buruzkoa eta aniztasun funtzionala duten pertsonei buruzkoa.

1.– Txanda irekia Euskadiko eta Estatuko auzolandegietarako.

1.1.– Aurreinskripzioa egiteko eskaera.

Auzolandegietan parte hartzeko interesa duten pertsonek aurreinskripzioa egiteko eskaera egin beharko dute, telematikoki, www.gazteaukera.euskadi.eus atarian eta https://www.euskadi.eus/zerbitzuak/0125608 atarian; horretarako, auzolandegiei buruzko helbideko formularioa bete beharko dute. Hori egin ostean, aurreinskripzio horren erreferentzia esleituko zaie. Interesdun bakoitzak behin baino ezin izango du aurreinskripzioa egin. Formularioa betetzean okerren bat egonen gero, harremanetan jarri beharko da Gazteria eta Emantzipazio Zuzendaritzarekin.

Aurreinskripzioa egiteko eskaerak baliogabetuko dira pertsona batek eskaera bat baino gehiago egin duela atzematen bada, eskaerak behar bezala beteta ez badaude edo eskatzaileek auzolandegietan plaza bat lortzeko baldintzak betetzen ez badituzte deialdi honen arabera.

Aurreinskripzio eskaera egiteko unean adin nagusikoak ez diren pertsonek eskatzailearen aitaren/amaren/tutorearen/tutorearen adostasuna edo baimena aurkeztu beharko dute (VI. eranskina), dagokionaren arabera.

1.2.– Zozketa.

Aurreinskripzioa egiteko jasotako eskaerak egiaztatu ondoren, Euskal Autonomia Erkidegoko Administrazio Publikoaren iragarki-taula elektronikoan (https://www.euskadi.eus/iragarki-taula-elektronikoa) argitaratuko da aurreinskripzioa egin dutenen zerrenda, zozketan esleitutako zenbakiarekin. Aurreinskripzioa egiten duten pertsonek iragarki-taularako sarbidea emango dien posta elektroniko bat jasoko dute, baita testu-mezu bat ere esleitutako zenbakiaren berri emateko.

Jasotako eta egiaztatutako aurreinskripzio guztien arteko zozketa egingo da notarioaren aurrean.

Zozketan zenbaki bat aterako da, eta zenbaki horretatik aurrera emango zaie eskatzaileei egun bat eta ordu bat, https://www.gazteaukera.euskadi.eus bidez aplikazioan sartu eta auzolandegia aukeratzeko.

Zozketan ateratako zenbakia lehena izango da aukeratzeko ordenan, eta, hurrenez hurren, horrela, deialdian eskaintzen diren plazen bikoitza osatu arte.

Eskainitako plazen bikoitza baino aurreinskripzio eskaera gehiago egonez gero, zozketan aplikazioan sartzeko txanda lortzen ez dutenek ezin izango dute deialdi honetan izena eman, artikulu honetako 1.3 eta 1.4 puntuetan aurreikusitako epealdietan izan ezik.

Deialdian eskainitako plazak aurreinskripzioa egiteko eskaerak baino gehiago izanez gero, aplikazioan sartzeko txanda esleituko zaie eskaera guztiei.

Zozketa egin ondoren, hitzordua lortu duten eskatzaile guztiek jasoko dute bai posta elektroniko bat bai testu-mezu bat. Horren bidez, lortutako hitzorduaren hurrenkeraren berri emango zaie, baita auzolandegian izena emateko eguna eta ordua ere. Informazio hori Nire karpeta izeneko atalean ere egongo da ikusgai. Informazio hori Euskal Autonomia Erkidegoko Administrazio Publikoaren egoitza elektronikoko Nire karpetan ere eskura daiteke: https://www.euskadi.eus/nire-karpeta/web01-sede/eu/

Zozketaren emaitza, esleitutako egunarekin eta orduarekin, Euskal Autonomia Erkidegoko Administrazio Publikoaren iragarki-taula elektronikoan argitaratuko da, eta Gazteria eta Emantzipazio Zuzendaritzan ere kontsultatu ahal izango da (Donostia-San Sebastian kalea 1, 01010 Vitoria-Gasteiz).

1.3.– Izen-ematea edo inskripzioa.

Esleitutako eguna eta ordua aintzat hartuta, aplikazioan sartu beharko da (https://www.gazteaukera.euskadi.eus bidez) une horretan eskuragarri dauden plazen artean bat aukeratzeko. Denbora-tarte nahikoa egongo da plaza hautatzeko eta horretan izena emateko. Denbora agortuta, plaza aukeratzen ez bada, txanda eta izena emateko aukera galduko da.

Auzolandegi bat hautatu aurretik, eskatzaileak aukerak lehenetsi beharko ditu, pertsona bakoitzari dagokion denbora-muga kontuan hartuta plazak agortu daitezkeelako.

Plaza hautatu ondoren, titularra inskribatuta geratuko da.

Plazaren eskaera egiten denean, eskuragarri dauden plazen eskaintzatik kenduko da, izena emateko kuota ordaintzeko epeak iraun bitartean.

Zozketan esleitutako egunean eta orduan izena ematen ez duten eskatzaileek txanda galduko dute.

Izena emateko epean Euskadiko gazteei esleitutako plaza libreak geratzen badira, izena emateko eguna eta ordua lortu ez duten aurreinskribatutako pertsonek epe gehigarri bat izango dute aplikazioan sartu eta plaza libre duten Auzolandegietan plaza bat lortzeko. Gazteaukeran jakinaraziko da noiz eta zer ordutan hasi eta amaituko den epe hori.

Plazak agortzen direnean, https://www.gazteaukera.euskadi.eus web-orrian jakinaraziko da, eta izena emateko prozesua itxiko da.

1.4 Bete gabeko plazak (bigarren aukerako fasea).

Izena emateko epea amaitutakoan, plaza hutsik geratuz gero, https://www.gazteaukera.euskadi.eus web-orrian jakinaraziko da, eta denbora-tarte bat utziko da interesdunek plaza erreserbatzeko, horretarako jakinaraziko den telefono-zenbakira deituta. Bigarren aukerako fase honetako plazak izango dira autonomia-erkidego guztien artean hutsik geratu direnak. Aurreinskripzioa egin arren, plazarik lortu ez duten guztiek izango dute parte hartzeko aukera. Halaber, Euskal Autonomia Erkidegoko auzolandegietan plaza hutsak geratzen badira, plaza bat bete duten interesdunek ere eskatu ahal izango dute plaza bat auzolandegi guztiak bete arte. Plazak erreserbatu ahala, zerrendatik kentzen joango dira.

Egokitutako epearen barruan aurreinskripzio-eskaera egin ez zutenek ere izena emateko aukera izango dute. Horretarako, aurreinskripzio-eskaera bete (https://www.gazteaukera.euskadi.eus bidez) eta dokumentazioa erantsi beharko dute (7. art.). Behin informazioa beteta, aurreko paragrafoan aipatutako telefonora deitu beharko dute plaza erreserbatzeko.

2.– Txanda irekia atzerriko auzolandegietarako.

Atzerriko auzolandegietan parte hartu nahi duten gazteek nazioarteko auzolandegiak hautatzeko aplikaziora sartu beharko dira Gazteaukeraren webgunearen bidez (https://www.gazteaukera.euskadi.eus). Interesdunek gehienez ere hiru auzolandegi aukeratuko dituzte, eta lehentasun-ordena zehaztuko dute.

Lehentasun-ordenaren arabera, nazioarteko erakundeei galdetuko zaie plazarik badagoen ala ez. Auzolandegi batean plaza hutsik ez badago, hurrengo aukerarako eskaera automatikoki egingo da.

Eskabidea bidaltzeak ez du esan nahi eremuan izena eman denik, eta nazioarteko entitateak hautagaia onartu duenean bakarrik geratuko da inskribatuta pertsona hori. Ondoren, Gazteria eta Emantzipazio Zuzendaritza gaztearekin harremanetan jarriko da ordainketa egiteko, agindu honen 7. artikuluan ezarritakoaren arabera.

Nazioarteko entitateak eskaera onartu dion pertsona Gazteaukeraren bidez erregistratu beharko da, Gazteria eta Emantzipazio Zuzendaritzak adierazten dien aplikazioan eta epean, 7.2. eta 7.3 artikuluetako datuak egiaztatzeko.

Nazioarteko auzolandegietan parte hartu ahal izango dute auzolandegiaren hasieran 18 urte baino gehiago dituzten pertsonek.

3.– Aniztasun funtzionala duten pertsonentzako txanda.

3.1.– Plaza-eskaera.

Auzolandegietan parte hartu nahi eta aniztasun funtzionala duten pertsonek aurreinskripzioa egiteko eskaera egin beharko dute, telematikoki, https://www.gazteaukera.euskadi.eus atarian eta https://www.euskadi.eus/zerbitzuak/0125608 atarian, auzolandegiei buruzko helbidean dagoen formularioaren bidez. Hori egin ostean, aurreinskripzio-eskaeraren erreferentzia emango zaie. Aniztasun funtzionala duten pertsonek plaza zehatzak dituzten auzolandegietako bat aukeratu beharko dute.

Interesdun bakoitzak behin baino ezin izango du aurreinskripzioa egin. Eskaera betetzean okerren bat egonez gero, harremanetan jarri beharko da Gazteria eta Emantzipazio Zuzendaritzarekin.

Aurreinskripzioa egiteko eskaerak baliogabetuko dira pertsona batek eskaera bat baino gehiago egin duela atzematen bada, eskaerak behar bezala beteta ez badaude edo eskatzaileek auzolandegietan plaza bat lortzeko baldintzak betetzen ez badituzte deialdi honen arabera.

Aurrez izena emateko eskaera egiteko unean adingabeak diren pertsonek eskatzailearen aitaren/amaren/tutorearen/tutorearen adostasuna edo baimena aurkeztu beharko dute (VI. eranskina), dagokionaren arabera.

3.2.– Zozketa eta plazaren erreserba.

Jasotako aurreinskripzio-eskaerak egiaztatu ondoren, auzolandegia eta txanda aniztasun funtzionala duen pertsona batek edo bik baino ez badute eskatzen, zuzenean gordeko zaie plaza, eskaerak egiteko epea amaitu ondoren.

Zozketa egingo da auzolandegiren batean plaza baino eskaera gehiago badago. Zozketaren bidez, aldez aurretik aurreinskripzio-eskaeran aukeratutako auzolandegian inskribatuta egotera pasatzeko ordena zehaztuko da. Zozketaren emaitza, esleitutako zenbakiarekin eta auzolandegiarekin batera, Euskal Autonomia Erkidegoko Administrazio Publikoaren iragarki-taula elektronikoan (https://www.euskadi.eus/iragarki-taula-elektronikoa) argitaratuko da. Aurreinskripzioa egin duten pertsonek iragarki-taularako sarbidea duen posta elektroniko bat jasoko dute, baita esleitutako zenbakia zein den informatzen duen testu-mezu bat ere.

Aniztasun funtzionala duten pertsonentzat erreserbatutako plazak hutsik geratuz gero, beste auzolandegietan inskribatu eta nahi zuten auzolandegian plazarik lortu ez dutenei eskainiko zaie. Plazak agortzen direnean edo eskatzaile guztiei aukeratzeko aukera ematen zaienean, www.gazteaukera.euskadi.eus web-orrian jakinaraziko da eta izena emateko prozesua itxiko da.

Bigarren aukerako fasean, aniztasun funtzionala duten eta horretarako gaitutako aldian aurrez izena eman ez duten pertsonak aurreinskribatu ahal izango dira, baldin eta aniztasun funtzionala duten pertsonentzako plazak dituzten Euskadiko auzolandegietan plaza hutsak badaude eta horietan parte hartu nahi badute. Horretarako, aurrez izena emateko eskaera bete beharko da (www.gazteaukera.euskadi.eus) eta dagokion dokumentazioa erantsi (7 art.). Eskatutako informazioa bete ondoren, telefono-zenbaki batera deitu beharko dute plaza erreserbatzeko. Estatu mailako auzolandegietan aniztasun funtzionala duten pertsonen kopurua ezingo da % 10 baino handiagoa izan.

Zazpigarrena.– Izen-emateak izapidetzea.

1.– Izena emateko kuota ordaintzea.

Eskaera txanda librean egin duten interesdunek izena emateko kuota ordaindu eta ordainagiria Euskal Autonomia Erkidegoko Administrazio Publikoaren egoitza elektronikoko Nire karpetatik (https://www.euskadi.eus/nire-karpeta/web01-sede/eu/) erantsi beharko dute bi egun naturaleko epean, plaza aukeratu eta hurrengo egunetik hasita. Kuota ordaindu ondoren, plaza eskatzailearen izenean erreserbatuta egongo da.

Nazioarteko auzolandegien kasuan, bi egun naturaleko epean ordainduko da, plazaren erreserba berretsi ondoren, eta plaza gordeko da Gazteria eta Emantzipazio Zuzendaritzak adierazitako aplikazioan erregistratu ondoren.

Aniztasun funtzionala duten pertsonen kasuan, ordainketa bi egun naturaleko epean egin beharko da, plazaren erreserba jakinarazten zaienean eta eskatutako dokumentazioa Gazteria eta Emantzipazio Zuzendaritzari aurkezten zaionean, Nire karpeta atalaren bidez.

Euskadin, 110 euroko kuota ezarriko da. Hori xedatzen duen araua hau da: Hezkuntza, Hizkuntza Politika eta Kulturako sailburuaren 2015eko apirilaren 1eko Agindua, «Auzolandegiak» programan izena emateko kuotaren prezio publikoa ezartzen duena.

Gainerako autonomia-erkidegoetan, bakoitzean indarrean dagoen inskripzio-kuota ordaindu beharko da.

Atzerriko auzolandegi batzuek ordainketa gehigarria ezartzen dute (kuota gehigarria). Horiek ez dagozkio Euskadiko Autonomia Erkidegoaren Administrazioari, eta eskudirutan ordaindu beharko dute boluntarioek auzolandegira heltzen diren lehen jarduera-egunean.

2.– Izena emateko beharrezko agiriak.

Inskripzioa egin eta bi eguneko epean bidali beharko dira agiri hauek Gazteria eta Emantzipazio Zuzendaritzara Nire karpetaren bidez:

a) Izena emateko kuotaren ordainagiria.

b) Guraso-ahala edo tutoretza duen pertsonaren adostasuna edo baimena, eskaera egiteko orduan emantzipatu gabeko gazteen kasuan.

c) Parte-hartzailearen osasun fitxa.

d) Behar izanez gero, aniztasun funtzionalaren ziurtagiria.

e) Aniztasun funtzionala duten pertsonek, osasun-txartelaren kopia.

f) Aniztasun funtzionala duten pertsonen kasuan, informazio pertsonaleko fitxa beteta.

g) AIZik ez daukaten atzerritarren kasuan, pasaportearen kopia.

h) Europar Erkidegokoak ez diren atzerritarren kasuan, bizileku-baimenaren kopia.

i) Adingabeekiko harremana izatea eskatzen duten ekintzak dituzten auzolandegien kasuan, sexu-delituengatiko kondenarik ez izatea. Sexu-delitugileen Erregistro Zentralaren ziurtagiri bat aurkeztu beharko dute, delitu horiengatiko zigorrik jaso ez dutela egiaztatzeko; eta, atzerritarren kasuan, jatorrizko herrialdeak ziurtatutako antzeko irismena duen dokumentua. Halakorik ez badago, herrialdeak igorritako zigor-aurrekarien egiaztagiri baliokidea aurkeztu beharko dute, non ez dagoen sexu-delitugileei dagokien aipamenik.

3.– Instrukzio-organoak ofizioz kontsultatu ahal izango ditu nortasun-datuak (NAN, AIZ), salbu eta interesdunak edo haren ordezkariak, aurreinskripzioa egiteko unean adin txikikoen kasuan, horren aurka egiten badu modu arrazoituan. Aurka egonez gero, onuradunak dagozkion ziurtagiri eguneratuak aurkeztu beharko ditu. Historiko-errolda, bizileku-datuak eta Sexu Delitugileen Erregistro Zentralaren ziurtagiri negatiboa kontsultatzeko, hala badagokio, aldez aurreko baimena beharko da. Oposizioa gertatuz gero, Auzolandegiak 2025 programaren deialdia Euskal Herriko Agintaritzaren Aldizkarian argitaratu ondoren emandako dokumentazioa aurkeztu beharko da.

4.– Izen-emateak ezeztatzea.

Egindako eskaerak kasu hauetan baliogabetuko dira:

– Aurreinskripzioa egiteko eskaeraren eskaera-orrian emandako datuak identifikazio-datuekin bat ez badatoz.

– Izena emateko kuota ordaindu ez bada ordaintzeko epea igaro aurretik.

– Eskatutako agiriak aurkeztu ez badira aurkezteko epea igaro aurretik, edo interesdunak berariaz eta idatziz eskatzen badu.

– Ez da parte-hartzailearen osasun fitxa aurkeztu, edo, aniztasun funtzionala duten pertsonen kasuan, informazio pertsonalaren fitxa.

– Nazioarteko auzolandegietan, Gazteria eta Emantzipazio Zuzendaritzak aplikazioan izena emateko eskaera egin ondoren, izen-emate hori egiten ez bada edo, datuak egiaztatu ondoren, plazaren esleipenduna izateko baldintzak betetzen ez badira.

Zortzigarrena.– Eskaeretako akatsak zuzentzea.

Izena emateko eskaeraren izapideak onartzeko eskatzen diren dokumentu batzuk falta direla edo horietan forma-akatsak daudela ikusiz gero, hamar egun balioduneko epea emango zaio interesdunari, huts-egitea konpondu edo aginduzko dokumentuak aurkez ditzan, Euskal Autonomia Erkidegoko Administrazio Publikoaren egoitza elektronikoko Nire Karpeta atalaren bidez (https://www.euskadi.eus/nirekarpeta), eta jakinaraziko zaio ezen, hala egiten ez badu, eskaeran atzera egin duela edo izapideak egiteko eskubidea galdu duela ulertuko dela; betiere, hartarako, aldez aurretik agindu bat emango da.

Bederatzigarrena.– Plazak behin betiko esleitzea.

1.– Gazteria eta Emantzipazio Zuzendaritzan 7.2 eta 7.3 artikuluetan ezarritako dokumentuak eta agiriak egonda, eskatutako plaza esleituko da. Interesdunari berariaz jakinarazteaz gain, Euskal Autonomia Erkidegoko Administrazio Publikoaren egoitza elektronikoko Nire Karpeta atalaren bidez (https://www.euskadi.eus/nirekarpeta plazen esleipena jakitera emango da Ongizate, Gazteria eta Erronka Demografikoaren sailburuaren ebazpenaren bidez, ebazpen hau Euskal Herriko Agintaritzaren Aldizkarian eta Euskal Autonomia Erkidegoko Administrazio Publikoaren iragarki-taula elektronikoan argitaratu (https://www.euskadi.eus/tablon-electronico-anuncios) eta hurrengo egunetik sei hileko gehienezko epean.

2.– Ebazpenak amaiera ematen dio administrazio-bideari, eta, beraren aurka, aukerako berraztertzeko errekurtsoa aurkez dakioke Ongizate, Gazteria eta Erronka Demografikoaren sailburuari, hilabeteko epean, ebazpena jakinarazi eta hurrengo egunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. eta 122. artikuluetan xedatutakoaren arabera; bestela, administrazioarekiko auzi-errekurtsoa aurkez daiteke, bi hilabeteko epean, ebazpena jakinarazi eta hurrengo egunetik aurrera.

3.– Plaza esleituta duten pertsonek auzolandegira ez joatea erabakitzen badute, Eusko Jaurlaritzaren Gazteria eta Emantzipazio Zuzendaritzari «Nire Karpeta»ren bidez jakinarazi beharko diote lehenbailehen.

Hamargarrena.– Deialdiaren izapidetzearen inguruko argitalpenak zer bitartekoren bidez egingo diren adieraztea.

Deialdi honen izapidetzearen inguruko argitalpenak https://www.gazteaukera.euskadi.eus atarian egingo dira, Euskal Autonomia Erkidegoko Administrazio Publikoaren iragarki-taula elektronikoan, baita Gazteria eta Emantzipazio Zuzendaritzaren iragarki-oholetan ere (Donostia-San Sebastian kalea 1, 01010 Vitoria-Gasteiz).

Hamaikagarrena.– Plazari uko egitea eta izena emateko kuota itzultzea.

1.– Parte-hartzaileak edozein unetan egin diezaioke uko plazari, gazteen boluntario-lana hasi aurretik. Horretarako, uko egiteko formularioa elektronikoki bete eta sinatu beharko du, eta espedienteari erantsi, «Nire karpeta» ren bidez (ikusi IV. eranskina).

2.– Gainera, kuota itzultzeko eskubidea badute, dagokion inprimakia bete, elektronikoki sinatu eta Nire karpetaren bidez espedientera erantsi beharko dute (ikusi V. eranskina).

3.– Euskal Autonomia Erkidegoko eta atzerriko auzolandegietan izena emateari dagokion prezio publikoa itzultzea artikulu honetan ezarritakoarekin bat eginez egingo da: irailaren 11ko 1/2007 Legegintzako Dekretuak onartutako Euskal Autonomia Erkidegoko Administrazioaren tasa eta prezio publikoei buruzko Legearen testu bateginaren 34.6 artikuluan ezarritakoaren arabera. Hau da, kasuan kasuko zenbatekoa itzuliko da, prezio publikoa ordaindu behar duen pertsonari egotzi ezin zaizkion arrazoiengatik, jarduera egiten ez denean edo zerbitzua ematen ez denean, deialdi honetan ezarritako gainerako baldintzak betetzen badira.

4.– Parte ez hartzeko arrazoia Administrazioari egotzi ezin zaionean, honako alderdi hauek egiaztatu beharko dira:

4.1.– Auzolandegian parte hartzea eragozten duen arrazoia hauetakoren bat izatea:

a) Gazteak auzolandegira joatea eragozten dion gaixotasun edo istripuren bat izatea.

b) Lehen edo bigarren mailako odolkidetasuna duen senide baten gaixotasun larria edo heriotza.

c) Behar bezala justifikatutako beste ezinbesteko kausa batzuk.

Ordainketa egin behar duen pertsonari egotz dakizkiokeen arrazoitzat joko dira honako hauek: 7. artikuluko 2. eta 3. ataletan eskatutako agiriak epez kanpo bidali izana edo agiriak bidali ez izana, lanpostu bat lortu izana, eskola-emaitza txarrak lortu izana edo auzolandegiaren data berean egingo den beste jarduera-programaren batean plaza eskuratu izana.

4.2.– Auzolandegia hasi aurretik, uko egiteko orria aurkeztu izana Nire karpetaren bidez (aginduko IV. eranskina), Gazteriako zuzendariari zuzenduta, beteta eta elektronikoki sinatuta.

Uko egiteko orria helbide honetan eskura daiteke: www.euskadi.eus/zerbitzuak/0125608.

4.3.– Kuota itzultzea eskatu nahi duen pertsonak honako agiri hauek ere aurkeztu beharko ditu Nire karpetaren bidez 2025eko irailaren 30a baino lehen:

a) Kuota itzultzeko eskaeraren orria (eranskinaren V. eranskina), beteta eta sinatuta.

b) Auzolandegian parte hartzea eragozten duen inguruabarraren justifikazio fede-emailea, hala badagokio, dagokion erakunde publikoak egindako ziurtagiriaren bidez.

c) Hirugarrenaren datuak kontsultatu ahal izango ditu organo instrukzio-egileak, informazio hori organo-instrukzio egilearen artxiboetan badago, salbu eta interesdunak uko egiten badu. Baimen hori ematen ez bada, hirugarrenaren (auzolandegian izena emandako pertsona) datuen alta-orria, behar bezala beteta eta elektronikoki sinatuta aurkeztu beharko da, helbide honetan eskuratu daitekeena: https://www.euskadi.eus/hirugarrenaren-datuen-aldaketa/web01-tramite/eu/

Kuota itzultzeko eskaera eta hirugarrenaren datuen alta-orria www.euskadi.eus/zerbitzuak/0125608 helbidean eskura daitezke eta Nire karpetara erantsi beharko dira.

5.– Gaztea auzolandegian parte hartzen hasi ondoren, kuota behar bezala justifikatutako ezinbesteko kasuetan baino ez da itzuliko. Kasu horietan, parte hartu ez den egunei dagokien zenbateko proportzionala itzuliko da. Egun horiek auzolandegiaren txandaren iraupenaren % 50 izan behar dira gutxienez.

6.– Kuota itzultzeko eskaerak Gazteria eta Emantzipazio zuzendariak ebatziko ditu, aurkezten diren egunetik bi hileko (2 hilabete) epean.

7.– Estatuko beste autonomia-erkidego batzuetako auzolandegietan izena emateko ordaindutako zenbatekoak itzultzeko, hala izanez gero, autonomia-erkidego horietan kuotak erregulatzeko arauetan ezarritakoa bete beharko da.

8.– Nazioarteko esparruetan, kuota ez da itzuliko, baldin eta, Gazteria eta Emantzipazio Zuzendaritzak adierazitako aplikazioan erregistratzeko eskatuta, erregistroa egiten ez bada, aurrez onartutako boluntariotza-esparruko partaidetza ezeztatuz.

Hamabigarrena.– Jarduera bertan behera uztea.

Gazteria eta Emantzipazio Zuzendaritzak Euskal Autonomia Erkidegoan egingo den auzolandegi bat bertan behera utz dezake, beharrezkotzat jotzen badu ikuspuntu teknikoan eta aukeran oinarrituta. Horretarako, Gazteria eta Emantzipazio zuzendariak aldez aurretik emandako aldeko ebazpena behar da.

Kasu horretan, bertan behera utzitako auzolandegian izena eman duten pertsonak beste auzolandegi batera bideratu ahal izango dituzte, aukera hori badago eta borondatez hori onesten badute. Horrela ez bada, izena emateko kuota itzultzeko eskubidea izango dute. Hala ere, pertsona horiek, 2025eko irailaren 30a baino lehen, agiri hauek aurkeztu beharko dituzte Nire karpetaren bidez:

a) Kuota itzultzeko eskaeraren orria (agindu honen V. eranskina), beteta eta elektronikoki sinatuta.

b) Hirugarrenaren datuak kontsultatu ahal izango ditu organo instrukzio-egileak, informazio hori organo-instrukzio egilearen artxiboetan badago, salbu eta interesdunak uko egiten badu. Baimen hori ematen ez bada, hirugarrenaren (auzolandegian izena emandako pertsona) datuen alta-orria, behar bezala beteta eta sinatuta aurkeztu beharko da, helbide honetan eskuratu daitekeena: https://www.euskadi.eus/eusko-jaurlaritza/-/hirugarrenaren-datuen-aldaketa/

Nire karpetan eskuragai daude kuota itzultzeko eskaera orria zein hirugarrenaren datuen alta-orria.

Hamahirugarrena.– Datu pertsonalen tratamendua.

Zure datu pertsonalak erabiliko dira, eta tratamendu-jarduera honi erantsiko zaizkio: Auzolandegiak eta Euskadiko Gazteak Lankidetzan programak.

Arduraduna: Gazteria eta Emantzipazio Zuzendaritza, Ongizate, Gazteria eta Erronka Demografikoaren saila.

Helburua: Auzolandegiak eta Euskadiko Gazteak Lankidetzan programetako eskatzaileen datuak kudeatzea.Gazteriaren webgunean eta sare sozialetan irudiak eta/edo bideoak zabaltzeko baimena eskatzen da.

Legitimazioa:

Interesdunaren adostasuna.

Tratamendua beharrezkoa da lege-betebeharrak betetzeko.

Tratamendua beharrezkoa da misio bat betetzeko, zeina egiten baita interes publikoaren izenean, edo tratamenduaren arduradunari esleitutako botere publikoak egikaritzeko.

Hartzaileak:

Gazteria arloan eskumenak dituzten beste Autonomia Erkidegoko organoak.

Gazteria-proiektuen titular diren lankidetza-erakundeak.

Eskubideak: Datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere (www.euskadi.eus/zerbitzuak/10842/).

Informazio osagarria: Gure web-orrian kontsulta dezakezu Datuen Babesari buruzko informazio gehigarri eta zehaztua:

www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra (www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf)

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. (www.boe.es/boe_euskera/dias/2018/12/06/pdfs/BOE-A-2018-16673-E.pdf)

II. ERANSKINA

AUZOLANDEGIAK 2025 PROGRAMAREN AURREINSKRIPZIO ESKAERA

Dokumentu hau ez da betegarria, eskaera telematikoki egingo da.

1.– Identifikatu.

Pertsona eskatzailearen datuak.

Honen izenean ari da: pertsona/entitate interesdun gisa espedientean/Ordezkaria.

Identifikazio-dokumentua (NAN edo AIZ), Zenbakia*, Izena*, Lehen abizena*, Bigarren abizena*, Sexua*

Komunikazio datuak.

Jakinarazpen eta komunikazioak hona bidaliko dira: Espedientea tramitatzen den bitartean Administrazioak bidalitako jakinarazpenak honi zuzenduko zaizkio:

Jakinarazpen eta komunikazioetarako kanala*:

Elektronikoa: Nire Karpeta guneko jakinarazpen eta komunikazioen atalera igorriko dira. Bertan sartzeko, identifikazio elektronikorako bitarteko bat beharrezkoa da. Kanal elektronikoaren gaineko oharra: Jakinarazpen elektronikora sartzen ez bazara, jakinarazitzat emango da Nire Karpetan eskuragarri jartzen denetik 10 egun naturaleko epean. Esandako epea betetzen denean, jakinarazpena ukatu egin duzula ulertuko da, eta horrela jasoko da espedientean. Izapidea egintzat emango da, eta administrazioak aurrera jarraituko du prozedurarekin.

Abisuak jasotzeko datuak: Nire Karpetan jakinarazpen edo komunikazioren bat jasotzerakoan abisu bat bidaliko dizugu posta elektronikora eta telefono mugikorrera. Posta elektronikoa*, Berretsi posta elektronikoa, Telefono mugikorra.

Komunikazio hizkuntza* Mezu elektroniko eta abisu-mezu bidezko jakinarazpen eta komunikazioak zuk aukeratutako hizkuntzan bidaliko dizkizugu: Euskara/Gaztelania.

Datuak erabiltzeko baimena:

Nire komunikazio eta abisuetarako datuak Eusko Jaurlaritzako sail eta erakundeekiko harremanetan erabiltzea nahi dut. Bai/Ez.

Nire komunikazio eta abisuetarako datuak espediente hau kudeatzeko bakarrik erabiltzea nahi dut. Bai/Ez.

Datu pertsonalen tratamendua.

Zure datu pertsonalak erabiliko dira, eta tratamendu-jarduera honi erantsiko zaizkio: Auzolandegiak eta Euskadiko Gazteak Lankidetzan programak.

Arduraduna: Gazteria eta Emantzipazio Zuzendaritza, Ongizate, Gazteria eta Erronka Demografikoaren saila.

Helburua: Auzolandegiak eta Euskadiko Gazteak Lankidetzan programetako eskatzaileen datuak kudeatzea.Gazteriaren webgunean eta sare sozialetan irudiak eta/edo bideoak zabaltzeko baimena eskatzen da.

Legitimazioa:

Interesdunaren adostasuna.

Tratamendua beharrezkoa da lege-betebeharrak betetzeko.

Tratamendua beharrezkoa da misio bat betetzeko, zeina egiten baita interes publikoaren izenean, edo tratamenduaren arduradunari esleitutako botere publikoak egikaritzeko.

Hartzaileak:

Gazteria arloan eskumenak dituzten beste Autonomia Erkidegoko organoak.

Gazteria-proiektuen titular diren lankidetza-erakundeak.

Eskubideak: Datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere (www.euskadi.eus/zerbitzuak/10842/).

Informazio osagarria: Gure web-orrian kontsulta dezakezu Datuen Babesari buruzko informazio gehigarri eta zehaztua:

www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra (www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf)

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. (www.boe.es/boe_euskera/dias/2018/12/06/pdfs/BOE-A-2018-16673-E.pdf)

2.– Datuak bete.

Eskatzailearen beste datuak.

Jaiotza datuak: jaiotza data*

Kontaktu-datuak: Telefono finkoa zenbakia, Telefono mugikorra*, Posta elektronikoa*

Bizilekuaren datuak: Posta kodea*, Lurralde Historikoa*, Udalerria*, Herria*, Helbidea* Zk*, Sol., Letra.

Larrialdiaren kasuetarako kontaktu pertsona: Izena eta abizenak*, Pertsona eskatzailearekiko harremana*, Kontaktu-telefono 1*, Kontaktu-telefono 2.

Osasun fitxa.

Aniztasun funtzionala.

Ba al du aniztasun funtzionalik? Bai/Ez.

Baiezkoaren kasuan:

Aniztasun funtzional mota*, Ikastetxea, Elkartea.

Gaztearen senidea edo entitate arduraduna: Izena eta abizena/ Entitatea, Gaztearekin harremana, Telefono-zenbakia, E-maila.

Auzolandegiaren datuak:

Auzolandegia (aukeratu bat)*. Aniztasun funtzionala duten pertsonek Euskadin egiten diren estatu mailako Auzolandegiak baino ezin dituzte aukeratu.

Informazio fitxa.

Adierazpen arduratsuak.

Adin nagusikoen auzolandegietan. Delitu sexualek ez dutela kondenatu aitortzen du, jarduerek adingaberekiko kontaktua ekar dezatela begiesten duten proiektuen kasuan. Bai/Ez.

Betetzen ditu indarrean dagoen araudian ezarritako baldintzak. Bai/Ez.

Hemen jasotako datu guztiak egiazkoak direla eta osorik daudela, baita aurkezten dudan dokumentazioa ere, eta nire gain hartzen dut dagokion erantzukizuna (Administrazio Publikoen Administrazio Prozedura Erkidearen urriaren 1eko 39/2015 Legearen 28.7 artikulua). Bai/Ez.

Erantzukizunpeko adierazpen batean edo komunikazio batean jasotzen den datu edo informazioren bat zehaztasunik gabea edo faltsua bada edo aurkeztu ez bada, edo administrazio eskudunari ez bazaio aurkezten erantzukizunpeko adierazpena, edo deklaratzen dena betetzen dela egiaztatzeko eskatzen den dokumentazioa, edo komunikazioa, ezinezkoa izango da dena delako eskubidea baliatzen edo jardueran aritzen jarraitzea, egitate horren berri izaten den unetik bertatik aurrera, hargatik eragotzi gabe izan litezkeen erantzukizun penal, zibil edo administratiboak (Administrazio Publikoen Administrazio Prozedura Erkidearen urriaren 1eko 39/2015 Legearen 69.4 artikulua).

Baimenak.

Gazteria eta Emantzipazio Zuzendaritzari baimena ematen diozu zure datuak kontaktu-fitxategi batean sartzeko, zerbitzu eta programei buruz informazioa bidali ahal izan diezazun*. Bai/Ez.

Adin nagusikoen auzolandegietan. Eusko Jaurlaritzako Gazteria eta Emantzipazio Zuzendaritzari baimena ematen diozu zure posta elektronikoa eta telefonoa uzteko zure Auzolandegi berean parte hartzen duten pertsonei, bidaia elkarrekin antolatzeko, pertsona horiek hala eskatuko balute*. Bai/Ez.

Eusko Jaurlaritzaren Gazteria eta Emantzipazio Zuzendaritzari baimena ematen diozu irudi-eskubideak uzteko, erakundeak erabakitzen duen edozein komunikazio-bide (online eta offline) erabili ahal izateko. Bai/Ez.

Eusko Jaurlaritzaren Gazteria eta Emantzipazio Zuzendaritzari baimena ematen diozu zure datu pertsonalak komunitzatzeko, plaza baten esleipendun izan ondoren, boluntariotza-esparruetan parte hartzen duten enpresei edota Auzolandegia burutzen duzun autonomia-erkidegoari edo nazioarteko erakundeari. Bai/Ez.

Datu pertsonalen tratamendua.

Zure datu pertsonalak erabiliko dira, eta tratamendu-jarduera honi erantsiko zaizkio: Auzolandegiak eta Euskadiko Gazteak Lankidetzan programak.

Arduraduna: Gazteria eta Emantzipazio Zuzendaritza, Ongizate, Gazteria eta Erronka Demografikoaren saila.

Helburua: Auzolandegiak eta Euskadiko Gazteak Lankidetzan programetako eskatzaileen datuak kudeatzea.Gazteriaren webgunean eta sare sozialetan irudiak eta/edo bideoak zabaltzeko baimena eskatzen da.

Legitimazioa:

Interesdunaren adostasuna.

Tratamendua beharrezkoa da lege-betebeharrak betetzeko.

Tratamendua beharrezkoa da misio bat betetzeko, zeina egiten baita interes publikoaren izenean, edo tratamenduaren arduradunari esleitutako botere publikoak egikaritzeko.

Hartzaileak:

Gazteria arloan eskumenak dituzten beste Autonomia Erkidegoko organoak.

Gazteria-proiektuen titular diren lankidetza-erakundeak.

Eskubideak: Datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere (www.euskadi.eus/zerbitzuak/10842/).

Informazio osagarria: Gure web-orrian kontsulta dezakezu Datuen Babesari buruzko informazio gehigarri eta zehaztua:

www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra (www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf)

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. (www.boe.es/boe_euskera/dias/2018/12/06/pdfs/BOE-A-2018-16673-E.pdf)

3.– Dokumentuak erantsi.

Prozeduran eskatzen diren dokumentu motak ikus ditzakezu jarraian. Dokumenturen bat igotzeko, sakatu Erantsi. Mota bereko dokumentu gehiago eransteko, sakatu Gehitu.

Ofizioz konprobatzea. Aplikatu beharreko araudiaren arabera, prozedura honen organo instrukzio-organoak ofizioz egiaztatuko ditu administrazio eskudunean datu hauek: Nortasun-datuen kontsulta/egiaztapena (Poliziaren Zuzendaritza Nagusia-DGP). Interesdunak modu arrazoituan, aurka egiten dionean izan ezik. Erabili aurka egiteko eskubidea.

Baimenak. Zure baimena behar da instrukzio-organoak datu hauek egiaztatzeko. Aukeratu baimena emateko: Historiko-errolda (EAEko Udalak) (Bai/Ez), Bizileku-datuak (Estatistikako Institutu Nazionala – EIN). Baimenik ematen ez baduzu, prozeduran eskatutako dokumentu guztiak aurkeztu beharko dituzu.

Estatutako dokumentu motak.

Bizileku-datuak (Estatistikako Institutu Nazionala – EIN) (baimenik ez badago, beharrezkoa): erantsi/bilatu/entregatu.

Historiko-errolda (EAEko Udalak) (baimenik ez badago, beharrezkoa): erantsi/bilatu/entregatu.

Aitaren/amaren/tutorearen adostasuna edo baimena: erantsi/bilatu/entregatu.

Osasun fitxa.

Aniztasun funtzionala: informazio fitxa.

Hala badagokio, gehitu hemen beste edozein dokumentu.

4.– Sinatu eta bidali.

.............n.........ko..................................... ren......n.

(Sinadura)

GAZTERIA ETA EMANTZIPAZIO ZUZENDARIA

III. ERANSKINA

AUZOLANDEGIETAN IZENA EMATEA

Dokumentu hau ezin da bete, eskaera telematikoki egingo da.

Eskaera:

Espedientea; egoera; sarrera data; izen-abizenak; NAN edo AIZ (1); jaiotze-data; telefono finkoa; eskuko telefonoa; posta elektronikoa; zozketa-zenbakia.

Auzolandegia hautatu:

Auzolandegiaren izena; auzolandegi mota; modalitatea; hizkuntza; hasiera-data; amaiera-data; herrialdea.

Ordainketa:

Ordainketaren sortze-data; ordainketaren epemuga; ordainketaren data; ordainketaren egoera; zenbatekoa; kontu-zenbakia.

IV. ERANSKINA

AUZOLANDEGIKO PLAZARI UKO EGITEA

Dokumentu hau ezin da bete, eskaera telematikoki egingo da.

Datu pertsonalak:

Izen-abizenak; NAN edo AIZ (1); helbidea; posta-kodea; udalerria; probintzia; posta elektronikoa; telefonoa.

Ordezkariaren datuak:

Izen-abizenak; NAN edo AIZ (1); helbidea; posta-kodea; udalerria; probintzia; posta elektronikoa; telefonoa.

Uko egindako plazaren datuak:

Auzolandegiaren izena; txandaren data; plazaren kodea; tokia (autonomia-erkidegoa edo herrialdea).

(1) Prozedura honetako organo instrukzio-egileak nortasun-datuak (NAN, AIZ) eta egoitzari buruzko datuak konprobatuko ditu, interesduna horren aurka agertu ezean. Baimen hori ematen ez bada, NANaren fotokopia aurkeztu beharko da edo, hala badagokio, AIZarena. AIZik ez daukaten atzerritarren kasuan, pasaportearen kopia aurkeztu beharko da.

Espresuki AURKA EGITEN DIOT prozedura honetako organo instrukzio-egileak ofizioz konprobatzeari (39/2015 Legearen 28. art.) Bai /Ez.

Oharra: aurkakotasun espresua agertu baduzu, prozeduran eskatzen diren dokumentuak aurkeztu beharko dituzu.

Data eta sinadura.

Gazteria eta Emantzipazio zuzendaria.

Datuen babesari buruzko oinarrizko informazioa.

Zure datu pertsonalak erabiliko dira, eta tratamendu-jarduera honi erantsiko zaizkio: Auzolandegiak eta Euskadiko Gazteak Lankidetzan programak.

Arduraduna: Gazteria eta Emantzipazio Zuzendaritza, Ongizate, Gazteria eta Erronka Demografikoaren saila.

Helburua: Auzolandegiak eta Euskadiko Gazteak Lankidetzan programetako eskatzaileen datuak kudeatzea.Gazteriaren webgunean eta sare sozialetan irudiak eta/edo bideoak zabaltzeko baimena eskatzen da.

Legitimazioa:

Interesdunaren adostasuna.

Tratamendua beharrezkoa da lege-betebeharrak betetzeko.

Tratamendua beharrezkoa da misio bat betetzeko, zeina egiten baita interes publikoaren izenean, edo tratamenduaren arduradunari esleitutako botere publikoak egikaritzeko.

Hartzaileak:

Gazteria arloan eskumenak dituzten beste Autonomia Erkidegoko organoak.

Gazteria-proiektuen titular diren lankidetza-erakundeak.

Eskubideak: Datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere (www.euskadi.eus/zerbitzuak/10842/).

Informazio osagarria: Gure web-orrian kontsulta dezakezu Datuen Babesari buruzko informazio gehigarri eta zehaztua:

www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra (www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf)

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. (www.boe.es/boe_euskera/dias/2018/12/06/pdfs/BOE-A-2018-16673-E.pdf)

V. ERANSKINA

AUZOLANDEGIEN KUOTA ITZULTZEKO ESKAERA

Dokumentu hau ezin da bete, eskaera telematikoki egingo da.

Datu pertsonalak:

Izen-abizenak; NAN edo AIZ (1); helbidea; posta-kodea; udalerria; lurralde historikoa; posta elektronikoa; telefonoa.

Ordezkariaren datuak (adingabeen kasuan):

Izen-abizenak; NAN edo AIZ (1); helbidea; posta-kodea; udalerria; lurralde historikoa; posta elektronikoa; telefonoa.

Uko egindako plazaren datuak:

Auzolandegiaren izena; txandaren data; plazaren kodea; tokia (autonomia-erkidegoa edo herrialdea)

Kuota itzultzeko eskaera:

Auzolandegirako esleitutako plazaren ordainketa egin ondoren, eta plaza horri uko egin ondoren, dagokidan kuota itzultzeko eskatzen dut jarraian azaldutako arrazoiarengatik. Adieraz ezazu kasua gurutze batekin (deialdia arautzen duen aginduari jarraituz, kuota itzultzea justifikatzen duen egiaztagiria erantsi behar da):

Gazteari jarduerara joatea eragozten dion gaixotasuna. Kasu horretan, betetako eta sinatutako ziurtagiri ofizial bat erantsi beharko da, edo medikuaren txosten bat.

Lehen edo bigarren mailako odolkidetasuna duen senide baten gaixotasun larria edo heriotza. Kasu horretan, behar bezala betetako eta sinatutako ziurtagiri ofizial bat erantsi beharko da.

Behar bezala justifikatutako ezinbesteko beste kausa batzuk.

Auzolandegia bertan behera uztea.

Eusko Jaurlaritzaren Gazteria eta Emantzipazio Zuzendaritzari bidali behar dizkiozun agiriak:

– Kuota itzultzeko eskaera, behar bezala beteta eta sinatuta.

– Uko egiteko argudiatutako kausen ziurtagiriak edo egiaztagiriak.

– Aplikatu beharreko araudiaren arabera, prozedura honetako organo instrukzio-egileak hirugarrenaren (auzolandegian izena emandako pertsonaren) datuak konprobatuko ditu, informazio hori bere artxiboetan badago. Egiaztatze horri uko eginez gero, hirugarrenen datuen alta-orria aurkeztu beharko da, behar bezala beteta eta sinatuta.

Espresuki aurka egiten diot prozedura honetako organo instrukzio-egileak ofizioz datuak konprobatzeari (39/2015 Legearen 28. art.) Bai/Ez.

Oharra: aurkakotasun espresua agertu baduzu, Hirugarrenaren (auzolandegian izena emandako pertsonaren) datuen alta-orria, behar bezala beteta eta sinatuta aurkeztu beharko da.

Data eta sinadura.

Gazteria eta Emantzipazio zuzendaria.

Datuen babesari buruzko oinarrizko informazioa.

Zure datu pertsonalak erabiliko dira, eta tratamendu-jarduera honi erantsiko zaizkio: Auzolandegiak eta Euskadiko Gazteak Lankidetzan programak.

Arduraduna: Gazteria eta Emantzipazio Zuzendaritza, Ongizate, Gazteria eta Erronka Demografikoaren saila.

Helburua: Auzolandegiak eta Euskadiko Gazteak Lankidetzan programetako eskatzaileen datuak kudeatzea.Gazteriaren webgunean eta sare sozialetan irudiak eta/edo bideoak zabaltzeko baimena eskatzen da.

Legitimazioa:

Interesdunaren adostasuna.

Tratamendua beharrezkoa da lege-betebeharrak betetzeko.

Tratamendua beharrezkoa da misio bat betetzeko, zeina egiten baita interes publikoaren izenean, edo tratamenduaren arduradunari esleitutako botere publikoak egikaritzeko.

Hartzaileak:

Gazteria arloan eskumenak dituzten beste Autonomia Erkidegoko organoak.

Gazteria-proiektuen titular diren lankidetza-erakundeak.

Eskubideak: Datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere (www.euskadi.eus/zerbitzuak/10842/).

Informazio osagarria: Gure web-orrian kontsulta dezakezu Datuen Babesari buruzko informazio gehigarri eta zehaztua:

www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra (www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf)

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. (www.boe.es/boe_euskera/dias/2018/12/06/pdfs/BOE-A-2018-16673-E.pdf)

VI. ERANSKINA

ADINGABEEN ADOSTASUNA/BAIMENA

Aitaren/amaren/tutorearen edo ordezkariaren datuak.

Lehen abizena; Bigarren abizena; Izena; NAN/AIZ/pasaportea; telefono mugikorra.

Parte-hartzailearen datuak:

Lehen abizena; Bigarren abizena; Izena; NAN/AIZ/pasaportea; Jaiotze-data; Helbidea; PK; Herria; Lurralde historikoa; telefonoa; telefono mugikorra.

Adostasuna/Baimena:

(Bete, hala badagokio, adingabea 16 urtetik gorakoa eta 18 urtetik beherakoa bada).

ADOSTASUNA ADIERAZTEN DUT nire semeak/alabak/tutoretzapekoak/ordezkatuak izena emandako auzolandegian parte hartzeko, ezarritako baldintzetan. Bai/Ez.

(Bete, hala badagokio, adingabea 14 urtetik gorakoa eta 16 urtetik beherakoa bada).

BAIMENA EMATEN DIOT nire semeari/alabari/tutoretzapekoari/ordezkatuari ezarritako baldintzetan inskribatutako auzolandegian parte hartzeko, eta ulertzen dut jarduerak ez diola kalterik egingo haren garapen eta prestakuntza integralari.

Tokia, data eta adostasuna/baimena ematen duen pertsonaren sinadura.

VII. ERANSKINA

PARTE-HARTZAILEAREN OSASUN FITXA

Izena.

Abizenak.

Osasun txartelaren zenbakia.

Eskatzaileak tratamendu berezirik behar duen gaitz edo gaixotasunik ba al du (mentalak barne)? Erantzuna baiezkoa bada, erantsi jarraitu beharreko tratamendua azaltzen duen mediku-txostena (parte-hartzaileek medikuak aldez aurretik emandako botikak eraman beharko dituzte Auzolandegira).

Ba al du botika, jaki edo bestelako agenteen alergiarik edo intolerantziarik? Alergia nahiz intolerantziarik izanez gero, erantsi jarraibide zehatzak azaltzen dituen mediku-txostena.

Auzolandegiko jarduerak burutzerakoan zailtasunik emango dion gaixotasunik ba al du?

Protesiak erabiltzea eskatzen dion ikusmenean edo entzumenean arazoren bat du?

Bestelako datu interesgarriak edota iradokizunak (portaera arazoak...).

DATU PERTSONALEN BABESARI BURUZKO OINARRIKO INFORMAZIOA

Zure datu pertsonalak erabiliko dira, eta tratamendu-jarduera honi erantsiko zaizkio: Auzolandegiak eta Euskadiko Gazteak Lankidetzan programak.

Arduraduna: Gazteria eta Emantzipazio Zuzendaritza, Ongizate, Gazteria eta Erronka Demografikoaren Saila.

Helburua: Auzolandegiak eta Euskadiko Gazteak Lankidetzan programetako eskatzaileen datuak kudeatzea. Gazteriaren webgunean eta sare sozialetan irudiak eta/edo bideoak zabaltzeko baimena eskatzen da.

Legitimazioa:

Interesdunaren adostasuna.

Tratamendua beharrezkoa da lege-betebeharrak betetzeko.

Tratamendua beharrezkoa da misio bat betetzeko, zeina egiten baita interes publikoaren izenean, edo tratamenduaren arduradunari esleitutako botere publikoak egikaritzeko.

Hartzaileak:

Gazteria arloan eskumenak dituzten beste Autonomia Erkidegoko organoak.

Gazteria-proiektuen titular diren lankidetza-erakundeak.

Eskubideak: Datuak eskuratzeko, zuzentzeko eta ezabatzeko eskubidea duzu, baita informazio gehigarrian jasotzen diren bestelako eskubide batzuk ere (www.euskadi.eus/zerbitzuak/10842/).

Informazio osagarria: Gure web-orrian kontsulta dezakezu Datuen Babesari buruzko informazio gehigarri eta zehaztua:

www.euskadi.eus/informazio-klausulak/web01-sedepd/eu/gardentasuna/103700-capa2-eu.shtml

Araudia:

Datuen Babeserako Erregelamendu Orokorra (www.euskadi.eus/contenidos/informacion/normativa_dpd/eu_def/adjuntos/RGPD-2016_0679_eu.pdf)

3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. (www.boe.es/boe_euskera/dias/2018/12/06/pdfs/BOE-A-2018-16673-E.pdf)

OHAR GARRANTZITSUA: Gurasoen edo tutoreen, edo, adin nagusikoa izanez gero, eskatzailearen erantzukizuna da erakunde arduradunari eskatzaileak gaixotasunik ote duen jakinaraztea. Zera aitortzen dut: datu guztiak egiazkoak direla eta ez dudala daturik ezkutatu edo faltsutu. Hori dela eta, datuok eragin ditzaketen ondorioen erantzule izango naiz.

(Ikus .PDF)

Azterketa dokumentala