RSS
247. zk., 2022ko abenduaren 28a, asteazkena
- Bestelako formatuak:
- PDF (210 KB - 12 orri.)
- EPUB (169 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Pribatuen iragarkiak
OSATEK A.B.
5715
IRAGARKIA, Osatek SAko zuzendari-gerentearen xedapenari buruzkoa. Xedapen horren bidez onartzen dira Osatekeko zentroetan destinoa duten administrazioko ofizialen kategorian lan-kontratuko langile finko izateko oposizio-lehiaketa bidezko hautaketa-prozesua arautuko duten oinarri espezifikoak.
Osatekeko zuzendari-gerentearen 2022ko azaroaren 28ko Xedapenaren bidez, Osatek, S.A.-n lan-kontratu finkoko langile izateko hautaketa-prozesuak arautuko dituzten oinarri orokorrak onartu dira. Hautaketa-prozesu horiek 2022ko eskaintza publikoan deitu ziren.
Hautaketa-prozesu bakoitza gauzatzeko, kategoria bakoitzeko destinoen deialdia arautuko duten oinarri espezifikoak argitaratu behar dira.
Horregatik, Enplegatu Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretuan, Osatek, S.A.-ren Estatutu Sozialak ezartzen dituen ekainaren 9ko 159/1992 Dekretuan eta aplikatzekoak diren gainerako xedapenetan ezarritakoarekin bat etorriz, zuzendari kudeatzaileak honako hau
XEDATZEN DU:
Lehenengoa.– Oinarri hauen xede diren hautaprobetarako deia egitea.
Bigarrena.– Osatek, S.A.-ko zentroetan destinoa duten administrazioko ofizialen kategorian lan-kontratuko langile finko izateko hautaketa-prozesua arautuko duten oinarri espezifikoak onartzea, I. eranskinean agertzen direnak.
Hirugarrena.– Eskainitako lanpostuen zerrenda onartzea. Xedapen honen II. eranskinean agertzen da zerrenda hori.
Laugarrena.– Xedapen honen III. eranskinean agertzen den merezimenduen baremoa onartzea.
Bosgarrena.– Deialdi honetan parte hartzeko eskaera aurkezteko epea 2023ko ekainaren 5etik 2023ko ekainaren 13ko 24:00ak arte ezartzea, zuzendari kudeatzailearen 2022ko azaroaren 28ko Xedapenaren 7. oinarrian aurreikusitakoaren arabera. Xedapen horren bidez, oinarri orokorrak onartzen dira.
Seigarrena.– Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera, xedapen honen aurka gora jotzeko errekurtsoa aurkeztu ahal izango zaio Osatek, S.A.-en Administrazio Kontseiluari, hilabeteko epean, ebazpena argitaratu eta hurrengo egunetik aurrera.
Bilbao, 2022ko azaroaren 30a.
Zuzendari-gerentea,
JOSU XABIER LLANO HERNAIZ.
I. ERANSKINA
OINARRI ESPEZIFIKOAK, OSATEK, S.A.-N ADMINISTRAZIOKO OFIZIALEN KATEGORIAN LAN-LEGEPEKO LANGILE FINKO IZATEKO HAUTAKETA-PROZESUA ARAUTZEN DUTENAK. LEHIAKETA-OPOSIZIOA
1.– DEIALDIKO DESTINOAK.
Deialdi honen xede izango dira Osatek, S.A.-ko zentroetan destinoa duten administrazioko ofizialen kategoriako destinoak, I. eranskinean bildutakoak.
2.– IZANGAIEK BETE BEHARREKO BALDINTZAK.
Hemen arautzen den prozesuan parte hartzeko, oinarri hauek EHAAn argitaratzen diren egunean izangaiek, oinarri orokorretan eskatutako betekizunez gain, honako hauek ere bete beharko dituzte:
a) Hezkuntza eta Zientzia Ministerioak emandako enpresa-adarretako Enpresa Zientzietako graduatu titulua izatea, oinarri orokorretako 5.c) idatz-zatian ezarritakoaren arabera.
3.– OPOSIZIO-LEHIAKETAREN GARAPENA.
3.1.– Oposizio-fasea.
Epaimahai kalifikatzaileari dagokio probaren edukia zehaztea eta kalifikatzea, eta hautaketa-prozesua behar bezala garatzeko beharrezkotzat jotzen dituen neurri guztiak hartuko ditu, prozesuaren gardentasuna eta objektibotasuna bermatuz.
Epaimahaiak kanpoko aholkularitza-pertsona edo -erakundeek parte hartzea eskatu ahal izango du, hautaketa-prozesuaren fase guztietan, bai proba egiten, bai lehiaketa-fasean. Epaimahaikideei eskatzen zaien titulazio-baldintza bete beharko dute pertsona horiek.
Proban, idatziz erantzun beharko zaio, ezartzen den gehieneko epean, test motako galdera-sorta bati, IV. eranskinean jasotako programako gaiei buruzkoa.
Era berean, aipatutako eranskinean sartuz, proba prestatzeko bibliografia emango da.
3.2.– Lehiaketa-fasea.
Egiaztatutako merezimenduak III. eranskineko merezimenduen baremoaren arabera baloratuko dira, oinarri orokorretan ezarritako irizpideen arabera.
II. ERANSKINA
(Ikus .PDF)
III. ERANSKINA
ADMINISTRAZIOKO OFIZIAL KATEGORIAKO MEREZIMENDUEN BAREMOA
LAN-ESPERIENTZIA: gehienez 80 puntu.
a) Espezifikoa erakunde deitzailean: gehienez 72 puntu.
Izangaiek lortu nahi duten kategorian, Osatek, EM.n, onartuta duten zerbitzu-denbora eskabideak aurkezteko epearen azken egunera arte zenbatuko da, kotizatutako egunen arabera, puntu 1 lan egindako hilabete bakoitzeko. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa.
Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.
b) Orokorra administrazio publikoan: gehienez 8 puntu.
Hautagaiek lortu nahi duten kategorian aitortuta duten zerbitzu-denbora zenbatuko da, eskabideak aurkezteko epearen azken egunera arte, lan egindako hilabete bakoitzeko 0,1 puntu kotizatutako egunen arabera. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa.
Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.
Emandako zerbitzu-ziurtagiriek oinarri orokorren 9. puntuan ezarritako betekizunak jaso beharko dituzte.
Zenbaketa osoa egiteko, esperientzia-mota bakoitzerako (Osatek eta administrazio publikoa) eskatzen diren baldintzak betetzen dituzten lan-aldiak batuko dira.
EUSKARA: gehienez 10 puntu.
Euskararen ezagutza baremo honen arabera baloratuko da, derrigortasun-data igarota ez izateagatik:
(Ikus .PDF)
PRESTAKUNTZA ETA BESTE HIZKUNTZA BATZUK: 7,5 puntu, gehienez.
Sartzeko titulazioa ez den beste unibertsitate-titulu akademiko batzuk.
– puntu 1 titulazio bakoitzeko.
Ikastaroak; eskatutako destinoarekin zerikusia duten eta eskabideak aurkezteko azken egunera arte egin diren ikastaroetara joatea. Ikastaroaren iraupena adierazten ez duten ikastaroei gutxieneko puntuazioa emango zaie (0,1). Ordu kopurua baino egun kopurua agertzen ez den ikastaroetan, eguneko sei ordu zenbatuko dira.
Orduen eta puntuen arteko baliokidetasun-taula honako hau izango da:
(Ikus .PDF)
Ikastaroen ziurtagirietan kreditu-kopurua bakarrik agertzen denean, puntuazioa esleitzeko, baliokidetasun hau aplikatuko da:
– Kredituen Europako Sistemako (ECTS) kreditu 1:25 ordu.
– Etengabeko Prestakuntzako Batzordearen kreditu 1:10 ordu.
Ikastaroak kreditu-kopuru jakin bat ezartzen badu, Europako kreditu-sistemaren kreditu bakoitzeko 0,4 puntu emango dira, eta kreditua etengabeko prestakuntzako batzordearena bada, 0,2 puntu. Ziurtagiria bai ordu kopurua bai kreditu kopurua agertzen badira, kreditu kopurua gailenduko da.
Ikastaroak zenbat ordu irauten duen eta krediturik esleitzen ez den ziurtagirietan, kredituak aurreko paragrafoan zehaztutakoak ez bezalakoak direnean, edo kredituen ordukako beste baliokidetza bat ezartzen denean, epaimahaiak, aurkeztutako ziurtagiria eta ikastaroaren edukia kontuan hartuta, dagokion puntuazioa emango du, baina ezin izango du 0,50 puntutik beherako puntuaziorik eman.
Eduki bera duten ikastaroen aurkezpenean, ordu edo kreditu kopuru handiena zehazten duena bakarrik puntuatuko da.
Hizkuntzak: Merezimendu gisa baloratuko da aurreikusitako epearen barruan behar bezala egiaztatutako hizkuntza-eskakizuna, Europako araudiaren arabera, honako puntuazio honekin:
(Ikus .PDF)
Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek emandako eta egiaztatutako ikastaroak baloratuko dira, bai eta edozein administrazio publikok sinatutako etengabeko prestakuntzako akordioen arabera eman eta egiaztatutako ikastaroak ere, betiere titulazio ofiziala lortzeko ikasketa-plan baten parte ez badira.
Ez dira baloratuko atal honetan zehaztu ez diren beste merezimendu batzuk.
EZAGUTZAREN HEDAPENA: 2,5 puntu, gehienez.
Eskatutako destino-kategoriarekin zerikusia duten komunikazioak, hitzaldiak eta abar argitaratzeagatik, jarraian adierazten den moduan:
Irakasle gonbidatu nazionala: puntu 1.
Nazioarteko irakasle gonbidatua: 2 puntu.
Komunikazioa edo posterra kongresu nazionalean (1. egilea): 0,5 puntu.
Komunikazioa edo posterra nazioarteko biltzarrean (1. egilea): puntu 1.
Argitalpen nazionala (1. egilea): 1,5 puntu.
Nazioarteko argitalpena (1. egilea): 3 puntu.
Argitalpen nazionala (beste egile batzuk): puntu 1.
Nazioarteko argitalpena (beste egile batzuk): 2 puntu.
IV. ERANSKINA
GAI-ZERRENDA
1.– Espainiako Konstituzioa. Politika sozial eta ekonomikoaren printzipio gidariak.
2.– Autonomia Estatutua. Atariko titulua. Estatuko oinarrizko legeria lege bidez garatzeko eta betearazteko eskumenak.
3.– Euskadiko Antolamendu Sanitarioaren Legea. Euskadiko osasun-sistemaren konfigurazioa. Printzipio informatzaileak eta printzipio programatikoak, antolaketa eta funtzionamendua. Herritarren eskubideak eta betebeharrak.
4.– Osatek, S.A. Sortzea. Atxikipena. Aplikatu beharreko araudia. Xedea. Eginkizunak. Kapital soziala.
5.– Osakidetza-Euskal osasun zerbitzuko zerbitzu-erakundeak: lege-aitorpena. Ahalmenak. Araubide organikoa eta funtzionala. Zerbitzu sanitarioetako erakundeen zerrenda.
6.– Historia klinikoa eta osasun-arloko paziente eta profesionalek dokumentazio klinikoaren arloan dituzten eskubide eta betebeharrak. Xedea. Aplikazio-eremua. Printzipio eta arau orokorrak. Sartzeko prozedura. Baimen informatua. Pazienteen betebeharrak.
7.– Osateken hitzarmen kolektiboa. Lanaldia. Ordainsaria.
8.– Pertsonen eskubideak eta betebeharrak Euskadiko osasun-sisteman. Xedea. Eremua. Printzipioak. Laguntza-harremanetako eskubideak. Pertsonen betebeharrak Euskadiko osasun-sistemaren antolaketari eta kudeaketari dagokienez. Pertsonen betebeharrak Euskadiko osasun-sistemako asistentzia-harremanetan.
9.– Datu pertsonalen babesa eta eskubide digitalen bermea: datuen zehaztasuna. Konfidentzialtasun-betebeharra. Ukituaren adostasunean oinarritutako tratamendua. Adingabeen baimena.
10.– Laneko segurtasuna eta osasuna. Xedea. Enpresaburuen eta langileen parte-hartzea. Lan-arriskuen aurrean babesa izateko eskubidea. Langileen betebeharrak arriskuen prebentzioaren arloan.
11.– Emakumeen eta Gizonen Berdintasunerako Legearen xedea. Printzipio orokorrak.
12.– Osakidetzako pazientearen segurtasun-estrategia 2020. Helburu orokorra eta espezifikoak. Linea korporatiboak. L1: Segurtasun-intzidenteak, helburua eta ekintzak kudeatzea. L2: Pazienteak zalantzarik gabe identifikatzea. Helburua eta ekintzak.
13.– Osateken Euskara Plana. Printzipioak. Helburua. Helburu nagusia. Urteko Kudeaketa Plana. Plan honetan parte hartzen duten langileak. Baliabideak.
14.– Herri Kontuen Euskal Epaitegia.
15.– Osasun Saila: egitura organikoa eta funtzionala.
16.– 9/2017 Legea, azaroaren 8koa, Sektore Publikoko Kontratuena: Atariko titulua. Xedapen orokorrak.
17.– 9/2017 Legea, azaroaren 8koa, Sektore Publikoko Kontratuena: Lehenengo liburua. Sektore publikoko kontratazioaren konfigurazio orokorra eta kontratuen egiturazko elementuak.
18.– 9/2017 Legea, azaroaren 8koa, Sektore Publikoko Kontratuena: Hirugarren liburua: sektore publikoko beste enpresa batzuen kontratuak. Laugarren liburua. Kontratazioa kudeatzeko administrazio-antolamendua.
19.– 19/2013 Legea, abenduaren 9koa, gardentasunari, informazio publikoa eskuratzeko bideari eta gobernu onari buruzkoa. Xedea. Aplikazio-eremu subjektiboa. Publizitate aktiboa.
20.– Euskal Autonomia Erkidegoko Ogasun Nagusiaren printzipio arautzaileak. Erakunde-antolaketa. Eskumen-araubidea. Eskubideak eta betebeharrak.
21.– 1/1997 Legegintzako Dekretua, azaroaren 11koa, Euskadiko Ogasun Nagusiaren Antolarauei buruzko Legearen Testu Bategina onartzen duena: Euskadiko aurrekontu orokorrak eta horien legeak. Sozietate publikoak.
22.– 1/2011 Legegintzako Dekretua, maiatzaren 24koa, Euskadiko aurrekontu-araubidearen arloan indarrean diren lege-xedapenen testu bategina onartzen duena eta Euskal Autonomia Erkidegoko sektore publikoko fundazio eta partzuergoei aplikatu beharreko aurrekontu-araubidea arautzen duena. Xedapen orokorrak. Aurrekontuen edukia. Diru-sarreren eta gastuen egoera-orria.
23.– Kontabilitate orokorra. «Funtzioa» eta «helburua» kontzeptuak. Kontzeptu-esparrua. Erregistratzeko eta baloratzeko arauak. Urteko kontuak. Balantzea. Galdu-irabazien kontua. KBP osasun-laguntzako enpresetara egokitzea.
24.– Kontabilitateko egoera-orrien analisia. Kontabilitate-informazioa. Egoera-balantzea. Galdu-irabazien kontua. Analisirako kontabilitateko egoera-orriak prestatzea. Likideziaren analisia. Kaudimenaren azterketa. Emaitza aztertzea. Ratio ohikoenak.
25.– EAEko sektore publikoaren kontrol ekonomikoa eta kontu-ikuskaritza. Ikuskaritza eta kontrol ekonomikoa sektore publikoan. Barne- eta kanpo-auditoretza.
26.– Erosketak eta biltegien kudeaketa. Hornidura-katearen plangintzarako sarrera. Biltegiak. Stockak kontrolatzea eta kudeatzea. Hornidura-katea kudeatzeko teknikak.
27.– Euskadiko Kontratazio Publikoaren Plataforma.
BIBLIOGRAFÍA
1.– Espainiako Konstituzioa. (1978ko abenduaren 29ko BOE, 311. zk.). 43. artikulua.
2.– Euskal Herriko Autonomia Estatutua. 3/1979 Lege Organikoa, abenduaren 18koa. (BOE, 306. zk., 1979ko abenduaren 22koa). 6. eta 18. artikuluak.
3.– Euskadiko Antolamendu Sanitarioaren Legea. Ekainaren 26ko 8/1997 Legea (1997ko uztailaren 21eko EHAA, 138. zk.). 5., 6., 8., 10. eta 11. artikuluak.
4.– Ekainaren 9ko 159/1992 Dekretua (1992ko ekainaren 16ko EHAA, 114 zk.), Goi Mailako Osasun Teknologia SA sozietatea sortzea. 1., 2., 3., 4., 5., 6. eta 7. artikuluak.
5.– Azaroaren 11ko 255/1997 Dekretua (1997ko azaroaren 14ko EHAA, 219. zk.), uztailaren 3ko 100/2018 Dekretuaren 13., 14. eta 15. artikuluak eta eranskina (2018ko uztailaren 11ko EHAA, 133. zk.).
6.– 38/2012 Dekretua, martxoaren 13koa, historia klinikoari eta osasun-arloko paziente eta profesionalen eskubide eta obligazioei buruzkoa (2012ko martxoaren 29ko EHAA, 65. zk.). 1., 2., 11., 13., 25. eta 28. artikuluak.
7.– Osateken 2007-2009ko hitzarmen kolektiboa (2008ko abuztuaren 12ko EHAA, 152. zk.). 6. eta 8. artikuluak.
8.– Uztailaren 21eko 147/2015 Dekretuaren 1-21 artikuluak. (2015eko abuztuaren 4ko EHAA, 146. zk.).
9.– 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalak Bermatzeari buruzkoa (2018ko abenduaren 6ko BOE, 294. zk.). 4., 5., 6. eta 7. artikuluak.
10.– 31/1995 Legea, azaroaren 8koa, lan-arriskuen prebentzioari buruzkoa (azaroaren 10eko BOE, 269. zk.). 2., 12. eta 29. artikuluak.
11.– 1/2022 Legea, martxoaren 3koa, Emakumeen eta Gizonen Berdintasunerako Legearen bigarren aldaketarena (martxoaren 28ko BOE, 74. zk.). 1., 3. eta 43. artikuluak.
12.– Pazientearen Segurtasunerako Estrategia Osakidetzan 20 20. https://www.euskadi.eus/contenidos/informacion/cinfo_estrategia_seg_paciente/es_def/adjuntos/ESTRATEGIA2020_es.pdf
13.– Osatek SAren Euskararen Erabilera Normalizatzeko I. Plana, 2018-2022. Administrazio Kontseiluaren 2018ko abenduaren 3ko Erabakia.
14.– 1/1988 Legea, otsailaren 5ekoa, Herri Kontuen Euskal Epaitegia sortzeari buruzkoa. (martxoaren 3ko EHAA, 44. zk.).
15.– 1/1997 Legegintzako Dekretua, azaroaren 11koa, Euskadiko Ogasun Nagusiaren Antolarauei buruzko Legearen Testu Bategina onartzen duena. (EHAA, 11. zk., 1998ko urtarrilaren 19koa).
16.– 9/2017 Legea, azaroaren 8koa, Sektore Publikoko Kontratuena. (azaroaren 9ko BOE, 272. zk.).
17.– 19/2013 Legea, abenduaren 9koa, gardentasunari, informazio publikoa eskuratzeko bideari eta gobernu onari buruzkoa. (BOE, 295. zk., abenduaren 10ekoa).
18.– Enpresaren Ekonomiari buruzko ikastaroa. Sarrera. (Eduardo Pérez Gorostegui-Centro de Estudios Ramón Areces, S.A.).
19.– Aipatutako ETEen Kontabilitate Plan Orokorra eta KPO. (Jesús Omeñaca García. Edit. Deustu). Agindua, 1996ko abenduaren 23koa, Ekonomia eta Ogasun Ministerioarena, 2022ko apirilaren 6ko 69 (asteazkena) zenbakiko Euskal Herriko Agintaritzaren Aldizkaria 2022/1532 (17/15), Kontabilitate Plan Orokorra osasun-laguntzako enpresetara egokitzeko arauak onartzen dituena (1997ko urtarrilaren 6ko BOE).
20.– Kontabilitateko egoera-orrien analisia. Finantza-informazioa lantzea eta interpretatzea (Pascual Garrido Miralles, Raúl Íñiguez Sánchez. Edit. Piramidea).
21.– 2/2017 Legegintzako Dekretua, urriaren 19koa, Euskal Autonomia Erkidegoko Ekonomia Kontrolari eta Kontabilitateari buruzko Legearen testu bategina onartzen duena (EHAA, 216. zk., azaroaren 13koa).
22.– 464/1995 Dekretua, urriaren 31koa, Euskal Autonomia Erkidegoko Administrazio Publikoaren barneko ekonomiaren kontrola eta kontabilitatea garatzen dituena, eta haren ondorengo aldaketak (EHAA, 220. zk., azaroaren 17koa).
23.– Logistikaren kudeaketa enpresan. Hornikuntza-katea planifikatzea. Egilea: Juan Velasco Sánchez. Pirámide edizioak. 2013 (Atalak: 1.1 – 1.2 – 1.3 – 1.4 – 1.5 – 1.6 – 1.7 – 1.8 – 1.9 – 3.1 – 3.3 – 3.4 – 3.5 – 3.6 – 3.7 – 3.8 – 3.9 – 3.10 – 3.11 – 4.1 – 4.2 – 4.3 – 4.4 – 4.6 – 4.7 – 7.1 – 7.2 – 7.3).
24.– Euskadiko Kontratazio Publikoaren Plataformaren eskuliburuak.
