Euskal Herriko Agintaritzaren Aldizkaria

247. zk., 2022ko abenduaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Pribatuen iragarkiak

OSATEK A.B.

5712

IRAGARKIA, Osatek SAko zuzendari-gerentearen xedapenari buruzkoa. Xedapen horren bidez onartzen dira Osateken zentroetan destinoa duten hizkuntza-normalizazioko teknikarien kategorian lan-kontratu finkoko langile izateko oposizio-lehiaketa bidezko hautaketa-prozesua arautuko duten oinarri espezifikoak.

Osatekeko zuzendari-gerentearen 2022ko azaroaren 28ko Xedapenaren bidez, Osatek, S.A.-n lan-kontratu finkoko langile izateko hautaketa-prozesuak arautuko dituzten oinarri orokorrak onartu dira. Hautaketa-prozesu horiek 2022ko eskaintza publikoan deitu ziren.

Hautaketa-prozesu bakoitza gauzatzeko, kategoria bakoitzeko destinoen deialdia arautuko duten oinarri espezifikoak argitaratu behar dira. Horregatik, Enplegatu Publikoaren Oinarrizko Estatutuaren Legearen testu bategina onartzen duen urriaren 30eko 5/2015 Legegintzako Errege Dekretuan, Osatek, S.A.-ren Estatutu Sozialak ezartzen dituen ekainaren 9ko 159/1992 Dekretuan eta aplikatzekoak diren gainerako xedapenetan ezarritakoarekin bat etorriz, Zuzendari kudeatzaileak honako hau

XEDATZEN DU:

Lehenengoa.– Oinarri hauen xede diren hautaprobetarako deia egitea.

Bigarrena.– Osatek, S.A.-ko zentroetan destinoa duten hizkuntza-normalizazioko teknikarien kategorian lan-kontratu finkoko langile izateko hautaketa-prozesua arautuko duten oinarri espezifikoak onartzea, I. eranskinean agertzen direnak.

Hirugarrena.– Eskainitako lanpostuen zerrenda onartzea. Xedapen honen II. eranskinean agertzen da zerrenda hori.

Laugarrena.– Xedapen honen III. eranskinean agertzen den merezimenduen baremoa onartzea.

Bosgarrena.– Deialdi honetan parte hartzeko eskabidea aurkezteko epea ezartzea, 2023ko ekainaren 19tik 2023ko ekainaren 27ko 24:00ak arte, oinarri orokorrak onartzen dituen Zuzendari kudeatzailearen 2022ko azaroaren 28ko Xedapenaren 7. oinarrian aurreikusitakoaren arabera.

Seigarrena.– Administrazio Publikoen Administrazio Prozedura Erkidearen urriaren 1eko 39/2015 Legean ezarritakoaren arabera, xedapen honen aurka gora jotzeko errekurtsoa aurkeztu ahal izango zaio Osatek, S.A.-ren Administrazio Kontseiluari, hilabeteko epean, ebazpena argitaratu eta hurrengo egunetik aurrera.

Bilbao, 2022ko azaroaren 30a.

Zuzendari-gerentea,

JOSU XABIER LLANO HERNAIZ.

I. ERANSKINA

OINARRI ESPEZIFIKOAK, OSATEK, S.A.-KO HIZKUNTZA-NORMALIZAZIOKO TEKNIKARIEN KATEGORIAN LAN-KONTRATUKO LANGILE FINKO IZATEKO HAUTAKETA-PROZESUA ARAUTZEN DUTENAK, OPOSIZIO-LEHIAKETA BIDEZ

1.– DEIALDIKO DESTINOAK.

Deialdi honen xede izango dira hizkuntza-normalizazioko teknikari kategoriako destinoak, destinoa Osatek, S.A.-ren zentroetan dutenak, I. eranskinean bildutakoak.

2.– IZANGAIEK BETE BEHARREKO BALDINTZAK.

Hemen arautzen den prozesuan parte hartzeko, oinarri hauek EHAAn argitaratzen diren egunean izangaiek, oinarri orokorretan eskatutako betekizunez gain, honako hauek ere bete beharko dituzte:

a) Hezkuntza eta Zientzia Ministerioak emandako Euskal Filologian eta/edo Soziologian lizentziatu titulua edo baliokidea izatea, oinarri orokorretako 5.c) idatz-zatian ezarritakoaren arabera.

b) 4. hizkuntza-eskakizuna izatea.

3.– OPOSIZIO LEHIAKETAREN GARAPENA.

3.1.– Oposizio-fasea.

Epaimahai kalifikatzaileari dagokio probaren edukia zehaztea eta kalifikatzea, eta hautaketa-prozesua behar bezala garatzeko beharrezkotzat jotzen dituen neurri guztiak hartuko ditu, prozesuaren gardentasuna eta objektibotasuna bermatuz.

Epaimahaiak kanpoko aholkularitza-pertsona edo -erakundeek parte hartzea eskatu ahal izango du, hautaketa-prozesuaren fase guztietan, bai proba egiten, bai lehiaketa-fasean. Epaimahaikideei eskatzen zaien titulazio-baldintza bete beharko dute pertsona horiek.

Proban, idatziz erantzun beharko da, ezartzen den gehieneko epean, test motako galdera-sorta bat, IV. eranskinean jasotako programako gaiei buruzkoa.

Era berean, aipatutako eranskinean sartuz, proba prestatzeko bibliografia emango da.

3.2.– Lehiaketa-fasea.

Egiaztatutako merezimenduak III. eranskineko merezimenduen baremoaren arabera baloratuko dira, oinarri orokorretan ezarritako irizpideen arabera.

II. ERANSKINA

(Ikus .PDF)

III. ERANSKINA

HIZKUNTZA-NORMALIZAZIOKO TEKNIKARI KATEGORIAKO MEREZIMENDUEN BAREMOA

LAN-ESPERIENTZIA: gehienez 80 puntu.

a) Espezifikoa erakunde deitzailean: gehienez 72 puntu.

Izangaiek lortu nahi duten kategorian, Osatek, EMn, onartuta duten zerbitzu-denbora eskabideak aurkezteko epearen azken egunera arte zenbatuko da, kotizatutako egunen arabera, puntu 1 lan egindako hilabete bakoitzeko. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa.

Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.

b) Orokorra administrazio publikoan: gehienez 8 puntu.

Hautagaiek lortu nahi duten kategorian aitortuta duten zerbitzu-denbora zenbatuko da, eskabideak aurkezteko epearen azken egunera arte, lan egindako hilabete bakoitzeko 0,1 puntu kotizatutako egunen arabera. Baztertu egingo dira hilabetetik beherako hondakinak. Ondorio horietarako, hilabetetzat hartuko da 30 egun naturaleko multzoa. Kotizatutako eguntzat hartuko dira Langileen Estatutuaren 46.3 artikuluan jasotako eszedentzia-egunak.

Emandako zerbitzu-ziurtagiriek oinarri orokorren 9. puntuan ezarritako betekizunak jaso beharko dituzte.

Zenbaketa osoa egiteko, esperientzia-mota bakoitzerako (Osatek eta administrazio publikoa) eskatzen diren baldintzak betetzen dituzten lan-aldiak batuko dira.

PRESTAKUNTZA ETA BESTE HIZKUNTZA BATZUK: 7,5 puntu, gehienez.

Sartzeko titulazioa ez den beste unibertsitate-titulu akademiko batzuk:

– puntu 1 titulazio bakoitzeko.

Ikastaroak: eskatutako destinoarekin zerikusia duten eta eskabideak aurkezteko azken egunera arte egin diren ikastaroetara joatea, eskatutako lanpostuaren kategoriarekin zerikusia duten ikastaro espezifikoetara joateagatik. Ikastaroaren iraupena adierazten ez duten ikastaroei gutxieneko puntuazioa emango zaie (0,1). Ordu-kopurua baino egun-kopurua agertzen ez den ikastaroetan, eguneko sei ordu zenbatuko dira.

Orduen eta puntuen arteko baliokidetasun-taula honako hau izango da:

(Ikus .PDF)

Ikastaroen ziurtagirietan kreditu-kopurua bakarrik agertzen denean, puntuazioa esleitzeko, baliokidetasun hau aplikatuko da:

– Kredituen Europako Sistemako (ECTS) kreditu 1: 25 ordu.

– Etengabeko Prestakuntzako Batzordearen kreditu 1: 10 ordu.

Ikastaroak kreditu-kopuru jakin bat ezartzen badu, Europako kreditu-sistemaren kreditu bakoitzeko 0,4 puntu emango dira, eta kreditua etengabeko prestakuntzako batzordearena bada, 0,2 puntu. Ziurtagiria bai ordu-kopurua bai kreditu-kopurua agertzen badira, kreditu-kopurua gailenduko da.

Ikastaroak zenbat ordu irauten duen eta krediturik esleitzen ez den ziurtagirietan, kredituak aurreko paragrafoan zehaztutakoak ez bezalakoak direnean, edo kredituen ordukako beste baliokidetza bat ezartzen denean, epaimahaiak, aurkeztutako ziurtagiria eta ikastaroaren edukia kontuan hartuta, dagokion puntuazioa emango du, baina ezin izango du 0,50 puntutik beherako puntuaziorik eman.

Eduki bera duten ikastaroen aurkezpenean, ordu edo kreditu-kopuru handiena zehazten duena bakarrik puntuatuko da.

Hizkuntzak: Merezimendu gisa baloratuko da aurreikusitako epean behar bezala egiaztatutako hizkuntza-eskakizuna, Europako araudiaren arabera, eta honako puntuazio honekin:

(Ikus .PDF)

Erakunde ofizialek, unibertsitateek, erakunde sanitarioek eta, hala badagokio, elkargo profesionalek eta elkarte zientifikoek emandako eta egiaztatutako ikastaroak baloratuko dira, bai eta edozein administrazio publikok sinatutako etengabeko prestakuntzako akordioen arabera eman eta egiaztatutako ikastaroak ere, betiere titulazio ofiziala lortzeko ikasketa-plan baten parte ez badira.

Ez dira baloratuko atal honetan zehaztu ez diren beste merezimendu batzuk.

EZAGUTZAREN HEDAPENA: 2,5 puntu, gehienez.

Eskatutako destino-kategoriarekin zerikusia duten komunikazioak, hitzaldiak eta abar argitaratzeagatik, jarraian adierazten den moduan:

Irakasle gonbidatu nazionala: puntu 1.

Nazioarteko irakasle gonbidatua: 2 puntu.

Komunikazioa edo posterra kongresu nazionalean (1. egilea): 0,5 puntu.

Komunikazioa edo posterra nazioarteko biltzarrean (1. egilea): puntu 1.

Argitalpen nazionala (1. egilea): 1,5 puntu.

Nazioarteko argitalpena (1. egilea): 3 puntu.

Argitalpen nazionala (beste egile batzuk): puntu 1.

Nazioarteko argitalpena (beste egile batzuk): 2 puntu.

IV. ERANSKINA

GAI-ZERRENDA

1.– Espainiako Konstituzioa. Politika sozial eta ekonomikoaren printzipio gidariak.

2.– Autonomia Estatutua. Atariko titulua. Estatuko oinarrizko legeria lege bidez garatzeko eta betearazteko eskumenak.

3.– Euskadiko Antolamendu Sanitarioaren Legea. Euskadiko osasun-sistemaren konfigurazioa. Printzipio informatzaileak eta printzipio programatikoak, antolaketa eta funtzionamendua. Herritarren eskubideak eta betebeharrak.

4.– Osatek, S.A. Sortzea. Atxikipena. Aplikatu beharreko araudia. Xedea. Eginkizunak. Kapital soziala.

5.– Osakidetza-Euskal osasun zerbitzuko zerbitzu-erakundeak: lege-aitorpena. Ahalmenak. Araubide organikoa eta funtzionala. Zerbitzu sanitarioetako erakundeen zerrenda.

6.– Historia klinikoa eta osasun-arloko paziente eta profesionalek dokumentazio klinikoaren arloan dituzten eskubide eta betebeharrak. Xedea. Aplikazio-eremua. Printzipio eta arau orokorrak. Sartzeko prozedura. Baimen informatua. Pazienteen betebeharrak.

7.– Osateken hitzarmen kolektiboa. Lanaldia. Ordainsaria.

8.– Pertsonen eskubideak eta betebeharrak Euskadiko osasun-sisteman. Xedea. Eremua. Printzipioak. Laguntza-harremanetako eskubideak. Pertsonen betebeharrak Euskadiko osasun-sistemaren antolaketari eta kudeaketari dagokienez. Pertsonen betebeharrak Euskadiko osasun-sistemako asistentzia-harremanetan.

9.– Datu pertsonalen babesa eta eskubide digitalen bermea: datuen zehaztasuna. Konfidentzialtasun-betebeharra. Ukituaren adostasunean oinarritutako tratamendua. Adingabeen baimena.

10.– Laneko segurtasuna eta osasuna. Xedea. Enpresaburuen eta langileen parte-hartzea. Lan-arriskuen aurrean babesa izateko eskubidea. Langileen betebeharrak arriskuen prebentzioaren arloan.

11.– Emakumeen eta Gizonen Berdintasunerako Legearen xedea. Printzipio orokorrak.

12.– Euskararen erabileraren oinarrizko normalizazioa.

13.– Euskal Autonomia Erkidegoko herri-administrazioetan euskararen erabilera normalizatzeko prozesua: xedapen orokorrak. Lanpostuetako hizkuntza-eskakizunak. Administrazio-unitateen sailkapena. Helburuen Eskala. Euskararen Erabilera Normalizatzeko Planak. Derrigortasun-datak zehaztea. Sindikatuen parte-hartzea. Hizkuntza-eskakizunak egiaztatzea eta kontuan hartzea hautaketa-prozesuetan eta lanpostuak betetzeko prozesuetan. Hizkuntza-eskakizunen erregistroa. Baliozkotzeak eta salbuespen-araubidea.

14.– Euskararen erabileraren normalizazioa Osakidetza-Euskal osasun zerbitzuan.

15.– Osakidetzan Euskararen Erabilera Normalizatzeko III. Plana 2022-2028.

16.– Herri-erakundeen hizkuntza-betebeharrak.

17.– Paziente eta erabiltzaileen hizkuntza-eskubideak.

18.– Hizkuntza-eskakizunen eta derrigortasun-daten kudeaketa.

19.– Euskararen ezagutza egiaztatzen duten tituluak eta ziurtagiriak baliozkotzea.

20.– Euskaraz egindako ikasketa ofizialak aitortzea eta euskara-maila hizkuntza-tituluen eta ziurtagirien bidez egiaztatzetik salbuestea.

21.– Zerbitzu elebidunen eskaintza aktiboa. Paziente eta erabiltzaileen hizkuntza-lehentasuna. Zerbitzu elebidunak identifikatzea. Asistentzia-eskaintza elebiduna.

22.– Etengabeko ebaluazioa: programa-kontratua eta hizkuntza-kudeaketako Bikain eredua.

23.– Euskararen erabilera sustatzea eta hizkuntza-ohiturak aldatzea. Ikerketa soziolinguistikoko proiektuak.

24.– Osatek, S.A.-ren Euskararen Erabilera Normalizatzeko I. Plana, 2018-2022.

25.– Osatek, S.A.-n hizkuntzak erabiltzeko irizpideak.

26.– Hizkuntza Politikarako Sailburuordetzaren plataformak hizkuntza-normalizazioko teknikarientzat.

27.– 2030 Agenda. 17+1 ereduko GJHak.

BIBLIOGRAFIA

1.– Espainiako Konstituzioa. (1978ko abenduaren 29ko BOE, 311. zk.). 43. artikulua.

2.– Euskal Herriko Autonomia Estatutua. 3/1979 Lege Organikoa, abenduaren 18koa. (BOE, 306. zk., 1979ko abenduaren 22koa). 6. eta 18. artikuluak.

3.– Euskadiko Antolamendu Sanitarioaren Legea. Ekainaren 26ko 8/1997 Legea (1997ko uztailaren 21eko EHAA, 138. zk.). 5., 6., 8., 10. eta 11. artikuluak.

4.– Ekainaren 9ko 159/1992 Dekretua (1992ko ekainaren 16ko EHAA, 114 zk.), Goi Mailako Osasun Teknologia SA sozietatea sortzea. 1., 2., 3., 4., 5., 6. eta 7. artikuluak.

5.– Azaroaren 11ko 255/1997 Dekretua (1997ko azaroaren 14ko EHAA, 219. zk.), uztailaren 3ko 100/2018 Dekretuaren 13., 14. eta 15. artikuluak eta eranskina (2018ko uztailaren 11ko EHAA, 133. zk.).

6.– 38/2012 Dekretua, martxoaren 13koa, historia klinikoari eta osasun-arloko paziente eta profesionalen eskubide eta obligazioei buruzkoa (2012ko martxoaren 29ko EHAA, 65. zk.). 1., 2., 11., 13., 25. eta 28. artikuluak.

7.– OSATEKen 2007-2009ko hitzarmen kolektiboa (2008ko abuztuaren 12ko EHAA, 152. zk.). 6. eta 8. artikuluak.

8.– Uztailaren 21eko 147/2015 Dekretuaren 1-21 artikuluak. (2015eko abuztuaren 4ko EHAA, 146. zk.).

9.– 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalak Bermatzeari buruzkoa (2018ko abenduaren 6ko BOE, 294. zk.). 4., 5., 6. eta 7. artikuluak.

10.– 31/1995 Legea, azaroaren 8koa, lan-arriskuen prebentzioari buruzkoa (azaroaren 10eko BOE, 269. zk.). 2., 12. eta 29. artikuluak.

11.– 1/2022 Legea, martxoaren 3koa, Emakumeen eta Gizonen Berdintasunerako Legearen bigarren aldaketarena (martxoaren 28ko BOE, 74. zk.). 1., 3. eta 43. artikuluak.

12.– Pazientearen Segurtasunerako Estrategia Osakidetzan 20 20. https://www.euskadi.eus/contenidos/informacion/cinfo_estrategia_seg_paciente/es_def/adjuntos/ESTRATEGIA2020_es.pdf

12.– 10/1982 Legea, oinarrizkoa, euskararen erabilera normalizatzekoa.

13.– 86/1997 Dekretua, Euskal Autonomia Erkidegoko herri-administrazioetan euskararen erabilera normalizatzeko prozesua arautuko duena.

14.– 67/2003 Dekretua, Osakidetza-Euskal osasun zerbitzuan euskararen erabilera normalizatzeko dena.

15.– Osakidetzan Euskararen Erabilera Normalizatzeko III. Plana 2022-2028.

16.– Kudeaketa aurreratura eta hizkuntzen kudeaketa integraziorako gida (Euskalit eta Eusko Jaurlaritza 2021).

17.– 123/2008 Dekretua, uztailaren 1ekoa, kontsumitzaileen eta erabiltzaileen hizkuntza-eskubideei buruzkoa.

18.– 150/2008 Dekretua, uztailaren 29koa, Elebide-Hizkuntza Eskubideak Bermatzeko Zerbitzua sortu eta kontsulten, iradokizunen eta kexen araubidea ezartzen duena.

19.– Euskadiko Antolamendu Sanitarioaren Legea. Ekainaren 26ko 8/1997 Legea (1997ko uztailaren 21eko EHAA, 138. zk.). Osakidetza-Euskal osasun zerbitzuan Euskararen Erabilera Normalizatzeko III. Planaren 16. eta 19. artikuluak eta 14.5.2 apartatua.

20.– 297/2010 Dekretua, azaroaren 9koa, euskararen jakite-maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzi Marko Bateratuko mailekin parekatzeko dena. 69. zk., 2022ko apirilaren 6koa, asteazkena Euskal Herriko Agintaritzaren Aldizkaria 2022/1537 (16/13).

21.– 47/2012 Dekretua, apirilaren 3koa, euskaraz egindako ikasketa ofizialak aintzat hartzeko eta euskara-maila hizkuntza-tituluen eta ziurtagirien bidez egiaztatzetik salbuesteko dena.

22.– 187/2017 Dekretua, uztailaren 4koa, Euskararen jakite-maila egiaztatzen duten tituluak eta ziurtagiriak baliokidetu, eta Hizkuntzen Europako Erreferentzi Marko Bateratuko mailekin parekatzeko dekretua aldatzen duena.

23.– Montes, A et al (2021). Osasuna eta euskara: bidegurutzean. BAT soziolinguistika aldizkaria. 118 zenbakia, 115-125.

24.– 162/2017 Dekretua, maiatzaren 30ekoa, Bikain – Euskararen Kalitate Ziurtagiria arautzen duena.

25.– Eusko Jaurlaritza. (2022). Bikain. Euskararen erabilera, presentzia eta kudeaketa. erreferentzia-gida. https://www.euskadi.eus/contenidos/informacion/dokumentuak_bikain/eu_def/Erreferentzia-Gida-2022.pdf

26.– Aldahitz. (soziolinguistika.eus).

28.– Osatek, S.A.– ren Euskararen Erabilera Normalizatzeko I. Plana, 2018-2022 https://www.osakidetza.euskadi.eus/servicios-osatek/-/uso-del-euskera-en-osatek/

29.– OSATEKen hizkuntza ofizialak erabiltzeko irizpideak. https://www.osakidetza.euskadi.eus/servicios-osatek/-/uso-del-euskera-en-osatek/

30.– Eusko Jaurlaritzaren HPSren Xedera eta Ariagara plataformak, Zer dira, zertarako dira.

31.– 2030 Agenda, garapen iraunkorrerako helburuak, 17+1 helburua (osasungintza eta hizkuntza gutxituak): hizkuntza eta kultura aniztasunaren bermea. 2018. UNESCO katedra.

(Ikus .PDF)

Azterketa dokumentala