Euskal Herriko Agintaritzaren Aldizkaria

127. zk., 2022ko uztailaren 1a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

EUSKAL AUTONOMIA ERKIDEGOKO AUZITEGI NAGUSIA

3004

EDIKTUA, administrazioarekiko 329/2021 auzi-errekurtsoan emandako epai irmoa argitaratzeko dena, horren bidez baliogabetzen delako martxoaren 6ko 13/2021 Dekretua aldatzen duen lehendakariaren martxoaren 26ko 16/2021 Dekretuko hirugarren xedapena. 13/2021 Dekretua, martxoaren 6koa, lehendakariarena, zeinaren bidez prebentzio-neurri espezifikoak 2021ean testu bakar batean lehen aldiz bateratu eta eguneratuko diren, alarma-egoeraren deklarazioaren eremuan, egoera epidemiologikoaren bilakaeraren ondorioz.

Honen bidez jakinarazten da administrazioarekiko 329/2021 auzi-errekurtsoa sustatu dutela Bizkaiko Ostalaritza Elkarteak, Gipuzkoako Ostalaritza Elkarteak, SEA Arabako Enpresak sozietateak eta Gipuzkoako Sagardogileen Elkarteak, honen kontra:

16/2021 Dekretua, martxoaren 26koa, lehendakariarena, zeinaren bidez aldatzen baita honako dekretu hau: 13/2021 Dekretua, martxoaren 6koa, zeinaren bidez prebentzio-neurri espezifikoak 2021ean testu bakar batean lehen aldiz bateratu eta eguneratzen diren, alarma-egoeraren deklarazioaren eremuan, egoera epidemiologikoaren bilakaeraren ondorioz eta SARS-CoV-2k eragindako infekzioen hedapena geldiarazteko.

2022-03-09an epaia eman da. Epaia irmo bilakatu da, eta bere epaitza honako hau da hitzez hitz:

EPAITZA:

Ezetsi egiten dugu administrazioarekiko auzi-errekurtsoa ez onartzea, demandatuak eskatu bezala.

Baietsi egiten dugu XXXXX(e)k, XXXXX(a)ren izenean eta haren ordezkari gisa, jarri duen administrazioarekiko auzi-errekurtsoa martxoaren 6ko 13/2021 Dekretua aldatzen duen lehendakariaren martxoaren 26ko 16/2021 Dekretuko hirugarren xedapenaren aurka. 13/2021 Dekretua, martxoaren 6koa, zeinaren bidez prebentzio-neurri espezifikoak 2021ean testu bakar batean lehen aldiz bateratu eta eguneratzen diren, alarma-egoeraren deklarazioaren eremuan, egoera epidemiologikoaren bilakaeraren ondorioz eta SARS-CoV-2k eragindako infekzioen hedapena geldiarazteko. Hori dela bide:

1.– Baliogabetu egiten dugu errekurritu den Dekretuko hirugarren xedapen hori.

2.– Kostuak demandatuari ezartzen zaizkio berariaz.

Guztiek jakin dezaten, aditzera ematen da, Administrazioarekiko Auzien Jurisdikzioa arautzen duen Legeak (AAJL) 107. artikuluan xedatutakoa betez.

Bilbao, 2022ko maiatzaren 30a.

JUSTIZIA ADMINISTRAZIOAREN LETRADUA.

Azterketa dokumentala