Euskal Herriko Agintaritzaren Aldizkaria

234. zk., 2019ko abenduaren 10a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 1 ZENBAKIKO EPAITEGIA

5661

EDIKTUA, jabetza intelektualaren gainean bideratutako 398/2018 prozedura arruntaren ondoriozkoa.

Bilboko Merkataritzako 1 zenbakiko Epaitegia.

Judizioa: 398/2018 prozedura arrunta.

Demandatzailea: AIE (Artistas Intérpretes o ejecutantes Sociedad de Gestion de España), SGAE (Sociedad General de Autores y Editores) eta AGEDI (Asociacion de Gestion de Derechos Intelectuales) elkarteak.

Abokatua.

Prokuradorea: Nadia Martinez Garcia.

Demandatua: Urmazul S.L.

Gaia: jabetza intelektuala.

Judizio horretan, epaia eman da 2019-05-16an, eta epaia argitzeko autoa 2019-05-24an. Hona epaitza eta xedapen-zatia:

EPAITZA

Osorik baiesten dut SGAE, AIE eta AGEDI elkarteek ebazpen honen idazpuruan aipatutako gaiari buruz aurkeztutako demanda, eta demandatua kondenatzen dut demandatzaileek erreklamatutako diru-kopuruak ordaintzera, demandako eskaera-atalean jasotako kontzeptuen arabera (SGAEri, 23.171,12 euro; AGEDI eta AIEAri, 23.959,46 euro, 2012ko urtarriletik 2017ko abendura arteko epeari dagokionez), eta horri legezko interesak eta kostuak gehitu beharko zaizkio.

XEDAPEN-ZATIA

Prozedura honetan, halaber, 2019-05-16ko epaia osatzen da, eta epaitza honela idatzita geratzen da, behin betiko:

EPAITZA

Osorik baiesten dut SGAE, AIE eta AGEDI elkarteek ebazpen honen idazpuruan aipatutako gaiari buruz aurkeztutako demanda, eta demandatua kondenatzen dut:

1.– SGAEk administratzen duen obra-errepertorioa erabiltzeari uztera (berehala eten beharko da), harik eta baimen hori erabiltzeko dagokion baimena eskuratu arte; eta horretarako, lokaletik atera daitezkeen aparatuak atera egingo dira, eta besteak, berriz, zigilatu.

2.– Demandatzaileek erreklamatutako diru-kopuruak ordaintzera, demandako eskaera-atalean jasotako kontzeptuen arabera (SGAEri, 23.171,12 euro; AGEDI eta AIEri, 23.959,46 euro, 2012ko urtarriletik 2017ko abendura arteko epeari dagokionez), eta horri legezko interesak eta kostuak gehitu beharko zaizkio.

Urmazul SL demandatuaren egungo helbidea ezezaguna denez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, hogei egun balioduneko epean.

Interesdunak eskuragarri du jakinarazten den ebazpenaren testu osoa auzitegi honetako bulego judizialean.

Bilbao (Bizkaia), 2019ko urriaren 15a.

JUSTIZIA ADMINISTRAZIOAREN LETRADUA.

Azterketa dokumentala