70. zk., 2018ko apirilaren 12a, osteguna
- Bestelako formatuak:
- PDF (188 KB - 1 orri.)
- EPUB (191 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
ARABAKO PROBINTZIA AUZITEGIA
1913
EDIKTUA, apelazioaren gainean burututako 27/2018 hitzezko judizioaren ondoriozkoa.
Arabako probintzia Auzitegia Lehenengo Sekzioa.
Errekurtsoa: Prozedura Zibilaren 1/2000 Legeari buruzko apelazioaren gainean burututako 27/2018 hitzezko judizioa.
Alderdi demandatua eta demandatua: AXA Seguros Generales SA eta Marinsa SC.
Gaia: hitzezko judizioa.
Aipatutako errekurtsoan, ebazpena eman da, eta haren epaitzak honela dio, hitzez hitz:
Baietsi egiten dut Seguros Lagun Aroren aurka, Aseguruen Konpentsazio Kontsortzioaren izenean Estatuaren abokatuaren ordezkoak aurkeztutako apelazio-errekurtsoa, hiri honetako Lehen Auzialdiko 4 zenbakiko Epaitegiak 2017ko urriaren 24an emandako epaiaren aurkakoa; errekurritutako ebazpena errebokatu egiten dut. Ebazpen horren ordez, beste ebazpen bat ematen dut zeinaren bidez, gainera, baietsi egiten baitugu partzuergo horrek Axa Seguros Generales SA aseguru-etxearen aurka jarritako demanda. Ondorioz, aseguru-etxe hori kondenatzen dugu partzuergoari Marinsa SCrekin batera eta modu solidarioan 4.550,12 euro ordaintzera, gehi, hala badagokio, legezko interesak, ordainketa egin zenetik epaia eman bitartekoak (% 25 gehituta) eta Prozedura Zibilaren Legearen 576. artikuluarenak, epaia eman zenetikoak.
Lehenengo auzialdiko kostuak demandatukideei ezarri dizkiegu, eta bigarren auzialdian sortutakoak aipatutako aseguru-etxeari.
Ebazpen honen aurka ezin da jarri inolako errekurtsorik.
Marinsa SC alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Vitoria-Gasteiz, 2018ko martxoaren 22a.
JUSTIZIA ADMINISTRAZIOAREN LETRADUA.