RSS
202. zk., 2017ko urriaren 23a, astelehena
- Bestelako formatuak:
- PDF (208 KB - 1 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
XEDAPEN OROKORRAK
KONSTITUZIO AUZITEGIA
5066
EDIKTUA, 2336/2017 konstituzio-kontrakotasuneko errekurtsoaren ondoriozkoa. Gobernuko presidenteak sustatu du errekurtso hori, Euskal Autonomia Erkidegoko lege honen aurka: uztailaren 28ko 12/2016 Legea, Euskal Autonomia Erkidegoan 1978 eta 1999 bitartean izandako motibazio politikoko indarkeria-egoeran giza eskubideen urraketak jasan dituzten biktimei errekonozimendua eta erreparazioa ematekoa.
Konstituzio Auzitegiaren Osoko Bilkurak, aurtengo urriaren 3an emandako auto baten bidez, Gobernuko presidenteak sustatutako 2336-2017 konstituzio-kontrakotasuneko errekurtsoaren gainean honako hau erabaki du:
«1.– Euskal Autonomia Erkidegoko uztailaren 28ko 12/2016 Legearen artikulu hauek etenda mantentzea: 2.3; 2.4, tarteki honi dagokionez: «edo, subsidiarioki, eta horrelakorik ezean, zuzenbidean onargarri den edozein frogabide erabilita, aurretik prozedura judizialik izan gabe ere»; 4.2.c); 7.1; 14.1, tarteki honi dagokionez: «zeinak ofizioz burutuko baititu egoki irizten dizkien jarduketak, alegatutako gertakariak edo datuak egiaztatze aldera»; 14.2, c), d) eta e) letrak; 14.4; 14.8, eta seigarren xedapen gehigarria (12/2016 Legea, Euskal Autonomia Erkidegoan 1978 eta 1999 bitartean izandako motibazio politikoko indarkeria-egoeran giza eskubideen urraketak jasan dituzten biktimei errekonozimendua eta erreparazioa ematekoa).
2.– Lege horren 14. artikuluko 7. eta 9. atalen eta 15. artikuluaren etetea kentzea, 7. oinarri juridikoan xedatutakoari jarraituz.». Aipatutako konstituzio-kontrakotasun errekurtsoa onartzeak ekarri zuen artikulu horiek etetea (2017ko ekainaren 1eko Estatuko Aldizkari Ofiziala, 130. zk.).
Madril, 2017ko urriaren 3a.
Konstituzio Auzitegiko Osoko Bilkurako idazkaria,
HERMINIA PALENCIA GUERRA.
