Euskal Herriko Agintaritzaren Aldizkaria

97. zk., 2017ko maiatzaren 24a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LAN ETA JUSTIZIA SAILA

2560

EBAZPENA, 2017ko maiatzaren 15ekoa, Lan eta Gizarte Segurantza Zuzendaritzarena, laneko arriskuen prebentzioaren arloan arau-hauste oso astuna egiteagatik ezarritako zehapena argitaratzea agintzen duena. Espedientea: 12.0064.20.01.01.02 (17/2363/12). Arau-hauste akta: I202012000002363.

Josper, S.L. enpresari irekitako espedientea ikusi da (IFK: B20915773; helbidea: Itsasargiko pasealekua 8, 20110 Pasaia - Gipuzkoa) eta kontuan hartu da Gipuzkoako Laneko eta Gizarte Segurantzako Ikuskatzailetzak 2012ko otsailaren 15ean emandako I202012000002363 arau-hauste akta.

AURREKARIAK

Lehenengoa.– Laneko eta Gizarte Segurantzako zuzendariaren 2016ko azaroaren 25eko Ebazpenaren bidez, Josper, S.L. enpresari hirurogeita hamar mila (70.000,00) euroko zehapena jarri zitzaion laneko arriskuen prebentzioaren arloan arau-hauste oso astuna egiteagatik. Arau-hauste hori Lan-arloko Arau-hausteei eta Zehapenei buruzko Legearen testu bategina onartzen duen abuztuaren 4ko 5/2000 Legegintzako Errege Dekretuaren 13.10 artikuluan tipifikatuta dago: Gauzatzen ari diren lan-baldintzei aplikagarriak zaizkien lan-arriskuen prebentziorako araudiko prebentzio-neurriak ez hartzea, horietatik langileen segurtasunean eta osasunean berehalako arrisku larria eragin daitekeenean.

Bigarrena.– Ebazpen hori irmoa da 2017ko martxoaren 7tik.

ZUZENBIDEKO OINARRIAK

Honako hauetan ezarritakoaren arabera dauka Lan eta Gizarte Segurantza Zuzendaritza honek espedienteaz arduratzeko eskumena: 84/2017 Dekretua, apirilaren 11koa (2017-04-21eko EHAA), 928/1998 Errege Dekretua, maiatzaren 14koa (1998-06-03ko BOE) eta laneko arriskuen prebentzioaren arloan oso arau-hauste larriak egiteagatik ezarritako zigorrak argitaratzeari eta zigortutako enpresen erregistroa sortzeari buruzko azaroaren 21eko 244/2012 Dekretuaren 2., 3. eta 4. artikuluak (2012-12-04ko EHAA).

Aipatutako lege-arauak eta oro har aplikatu beharrekoak ikusirik, Lan eta Gizarte Segurantza Zuzendaritzak, emandako eskumenak erabiliz, honako hau

EBAZTEN DU:

Lehenengoa.– Jarritako zehapen horri buruzko datuak Euskal Herriko Agintaritzaren Aldizkarian argitaratzeko agintzea. Hona hemen datuak:

– Sozietatearen izena: Josper, S.L.

– Zer sektoretan diharduen: egoitza-eraikinen eraikuntza.

– Identifikazio fiskaleko kodea: B20915773.

– Sozietatearen helbidea: Itsasargiko pasealekua 8, 20110 Pasaia (Gipuzkoa).

– Eragindako lantokia: San Luis Lasalle ikastetxea, Guardaplata bidea 16, Donostia (Gipuzkoa).

– Egindako arau-haustea: LAZLTBren 13.10 art.: Gauzatzen ari diren lan-baldintzei aplikagarriak zaizkien lan-arriskuen prebentziorako araudiko prebentzio-neurriak ez hartzea, horietatik langileen segurtasunean eta osasunean berehalako arrisku larria eragin daitekeenean.

– Zehapen ekonomikoaren zenbatekoa: hirurogeita hamar mila (70.000) euro.

– Arau-hauste aktaren data: 2012ko otsailaren 15a.

– Zehapen-ebazpenaren data: 2016ko azaroaren 25a.

– Zehapena irmo egin zen eguna. 2017ko martxoaren 7a.

Bigarrena.– Argitaratzen diren datu horiek laneko arriskuen prebentzioaren arloan oso arau-hauste larriak egiteagatik ezarritako zehapenen erregistroan inskribatzea –Lan eta Gizarte Segurantza Zuzendaritza honi atxikitakoan–, lehen aipatutako azaroaren 21eko 244/2012 Dekretuaren 4. artikuluan xedatutakoarekin bat etorriz.

Ezarritako zigorrari dagozkion erregistroko datuak bost urteren buruan ezeztatuko dira, zehapena Euskal Herriko Agintaritzaren Aldizkarian argitaratu eta hurrengo egunetik kontatzen hasita.

Vitoria-Gasteiz, 2017ko maiatzaren 15a.

Laneko eta Gizarte Segurantzako zuzendaria,

MARÍA ELENA PÉREZ BARREDO.

Azterketa dokumentala