RSS
46. zk., 2015eko martxoaren 9a, astelehena
- Bestelako formatuak:
- PDF (182 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BERGARAKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA
1132
EDIKTUA, ezkontzaz kanpoko seme-alabentzako neurrietarako 135/2014 prozeduraren ondoriozkoa.
JAKINARAZPEN-ZEDULA
Bergarako Lehen Auzialdiko 1 zenbakiko Epaitegian (Gipuzkoa), ezkontzaz kanpoko seme-alabentzako neurriei buruzko 135/2014 prozedura bideratu da, El Ezze Bint Bollak (El Izza Belle) eskatuta, Ahmed Salim Brahimen aurka. Prozedura horren gainean epaia eman da. Hona hemen idazpurua eta epaitza:
13/2015 EPAIA
Epailea: Maria Angela Rodriguez-Monsalve Navarro.
Lekua: Bergara (Gipuzkoa).
Eguna: bi mila eta hamabosteko otsailaren hamabia.
Alderdi demandatzailea: El Ezze Bint Bolla.
Abokatua: Jose Luis Cantero Morcillo.
Prokuradorea: Nerea Ariño Delgado.
Alderdi demandatua: Ahmed Salim Brahim.
Judizioaren gaia: ezkontzaz kanpoko seme-alabentzako neurriak.
EPAITZA
Partez baiesten dut Elizza Belleren ordezkaritza prozesalak aurkeztutako demanda, Ahmed Salim Brahimen aurkakoa. Horrenbestez, seme-alaben eta aitaren arteko harremana arautzeko neurri hauek hartzen ditut:
1.– Adingabekoen zaintza eta jagoletza amari esleitzen zaizkio. Bi gurasoei dagokie guraso-ahalaren titulartasuna eta erabilera.
2.– Aitari 75 euroko mantenu-pentsioa ezartzen zaio seme-alaba bakoitzeko, orotara, 150 euro, eta hilabete bakoitzeko lehen bost egunetan amak izendatzen duen kontuan ordaindu beharko du. Pentsio hori KPIaren arabera eguneratuko da. Aitak bere diru-sarrerak emendatuko balitu, izan jasotako laguntzen bidez zein lanean hasi delako, amari jakinarazi beharko dio, izan ere, laguntza edo soldata horiek 500 euro baino gehiakoak badira, seme-alaben aldeko mantenu-pentsioa 150 eurokoa izango da seme-alaba bakoitzeko.
3.– Aparteko gastuak (aitarekin adostuta egiten badira, betiere; desadostasunik badago, epaitegiek ebatziko dute) bi gurasoek ordainduko dituzte, erdibana. Jurisprudentzia ugaria aintzat hartuta, aparteko gastutzat hartuko dira soilik Gizarte Segurantzak bere gain hartzen ez dituen mediku- edo kirurgia-gastuak edo, estaliak izanik ere, adingabea zentro pribatu batera eramatea erabakitzen badute bi gurasoek, adingabearen aisialdiko jardueretan geratutakoak, edo jarduera osagarriak, goi-mailako ikasketak bezalako hezkuntza-gastuak.
4.– Bisita-araubidea:
– Adingabeek bi asteburutik bat igaroko dute euren aitarekin, baina gaua berarekin igaro gabe.
Aitak amaren etxean jasoko ditu adingabeak larunbatetan eta igandeetan, goizeko 10:00etan, eta bertara itzuliko ditu larunbatetan eta igandeetan, 20:00etan.
– Eguberrietako, aste santuko eta udako oporren erdiak igaroko ditu aitak seme-alabekin, eta gaua berarekin igaroko dute, betiere aitak egiaztatzen badu adingabeek gaua igarotzeko leku egoki bate baduela. Etxerik ez badu, oporren aldian eskola-garairako ezarritako sistema bera mantenduko da.
Prozedura honetan sortutako kostuei buruz ez da ezer adierazten.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den, eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (1872-0000 -39-013514). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Ahmed Salim Brahim demandatuari behar bezala jakinarazpena egiteko balio dezan ematen eta sinatzen dut ediktu hau, Bergaran (Gipuzkoa), bi mila eta hamabosteko otsailaren hamabian.
IDAZKARIA.
