Euskal Herriko Agintaritzaren Aldizkaria

243. zk., 2009ko abenduaren 18a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakaritza

6645

EBAZPENA, 2009ko abenduaren 1ekoa, Emakunde-Emakumearen Euskal Erakundeko zuzendariarena; honen bitartez, Berdintasunaren aldeko 2009ko Emakunde Sarirako epaimahaiaren osaera jendaurrean jarri nahi da.

Berdintasunaren aldeko Emakunde Saria sortzen eta arautzen duen irailaren 12ko 166/2006 Dekretuaren 1.2 artikuluari jarraiki, sariketaren urteroko deialdia Emakunde-Emakumearen Euskal Erakundearen zuzendariak emandako Ebazpenaren bitartez egin behar da. Beraz, 2009ko abuztuaren 12ko Ebazpenaren bidez, Berdintasunaren aldeko 2009ko Emakunde Sariaren deialdia egin da. Sari horren helburua emakumeen eta gizonen berdintasunaren aldeko lanean nabarmendu diren pertsona fisikoen edo juridikoen (publikoak nahiz pribatuak) jarduera azpimarratzea eta aitortzea da. Hau da, hainbat ekintza, lan edo proiektu bultzatuz, emakumezkoen lana eta horien ahalduntzea aitortzeko alderdi garrantzitsuak hobetu dituzten pertsonak, edo beren ibilbidearen bitartez emakumearen garrantzia balioesteko eta duintzeko lanean nabarmen laguntzen duten pertsonak, edo Euskal Herrian sexuen arteko aukera- eta eskubide-berdintasuna sustatzeko lanean nabarmendu direnak.

Aurrez aipatutako Dekretuko 3. artikuluaren arabera, epaimahai bat osatuko da Saria nori eman proposatzeko, eta erabaki hori jendaurrean jarriko da, Emakunde-Emakumearen Euskal Erakundeko zuzendariaren Ebazpenez. Ebazpen hori, hain zuzen, Euskal Herriko Agintaritzaren Aldizkarian argitaratuko da, Saria ematearen Ebazpena argitaratu baino hilabete lehenago, gutxienez.

Ondorioz, eta Emakumeen eta Gizonen Berdintasunerako otsailaren 18ko 4/2005 Legeak 20.5 artikuluan ezarritakoa betetzeko ezintasuna justifikatu ondoren, honako hau

EBATZI DUT:

Lehenengoa.- Berdintasunaren aldeko 2009ko Emakunde Sariaren Epaimahaia nortzuek osatuko duten jendaurrean jartzea:

Francisco Javier López Álvarez jauna

María Silvestre Cabrera andrea

Arantxa Elizondo Lopetegi andrea

Maria Antonia Ozcariz Rubio andrea

Fernando Fantova Azcoaga jauna

Carlos Zapatero Berdonces jauna

Olga Isabel Rivera Hernáez andrea

Pedro Hernández González jauna

Ramón María Etxezarreta Aizpuru jauna

Eloína Mayo Cabero andrea

Koldo Mediavilla Amarika jauna

Iñaki Galdós Irazabal jauna

Izaskun Landaida Larizgoitia andrea

Onintza Lasa Arteaga andrea

Susana García Chueca andrea

Pilar Pérez Fuentes andrea

M.ª Isabel Castelló Goienetxea andrea

Rosa María Cortabarria Errasti andrea

M.ª Isabel De Ugarte Fernández andrea

Marieli Díaz de Mendibil Gómez de Segura andrea

Itziar Hernández Zubizarreta andrea

Begoña Muruaga Laca andrea

Ana Isabel Sanz Castillo andrea

Satur Abon Pérez andrea

Maitena Monroy Romero andrea

Bigarrena.- Ebazpen honen aurka berraztertzeko errekurtsoa aurkeztu ahal zaio Emakunde-Emakumearen Euskal Erakundeko zuzendariari, hilabeteko epean; edo, bestela, administrazioarekiko auzi-errekurtsoa Administrazioarekiko Auzietako Epaitegian, bi hilabeteko epean. Agindu hau Euskal Herriko Agintaritzaren Aldizkarian argitaratzen den egunaren biharamunean hasiko da errekurtsoak aurkezteko epea.

Vitoria-Gasteiz, 2009ko abenduaren 1a.

Emakunde-Emakumearen Euskal Erakundeko zuzendaria,

MARÍA SILVESTRE CABRERA.