Euskal Herriko Agintaritzaren Aldizkaria

175. zk., 2009ko irailaren 11, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Bizkaiko Probintzia Auzitegia

4993

EDIKTUA, zenbatekoa erreklamatzeko bideratutako 470/08 prozedura arruntaren ondoriozkoa.

Bizkaiko Probintzia Auzitegia - 5. Sekzioa.

Errekurtsoa: L2 470/08 apelazioa, prozedura arrunta.

Errekurtsogilea: Alejando Garcia De Vicuña Morales.

Abokatua: Sedano Garay, Santiago.

Prokuradorea: Yolanda Echevarria Gabiña.

Errekurritua: Jon Ander Larrea Yurrebaso eta Maria Nieves Santamaria Mikelez.

Gaia: diru-zenbatekoa erreklamatzea.

Aipatu errekurtsoan epaia eman da. Hauek dira xedapenak:

«Baietsi egiten dut erroilu honi dagokion 315/06 judizio arruntaren autoetan, 2008ko maiatzaren 8an, Getxoko Lehen Auzialdiko Epaitegiko magistratu andreak eman zuen epaiaren aurka Smith Apalategui prokuradore andreak, Alejandro García Vicuñaren izenean eta ordezkaritzan, jarritako apelazio-errekurtsoa -gora jotze honetan Echebarria Gabiña prokuradore andrea izan du ordezkari Alejandro García Vicuñak-. Ondorioz, ebazpen hura ezeztatu eta haren ordez beste bat eman beharrean naiz; hala, baietsi egiten dut Smith Apalategui prokuradore andreak, Alejandro García Vicuñaren izenean eta ordezkaritzan, Juan Andrés Larrea Yurrebasoren aurka -auzi-ihesean da- eta María Nieves Santamaría Mikelezen aurka -Martínez Sánchez prokuradore andrea du ordezkari- jarritako demanda eta ezetsi egiten dut Martínez Sánchez prokuradore andreak Alejandro García Vicuñaren aurka jarritako errekonbentzioa. Hori dela-eta, demandatuei kondena hau ezartzen zaie: auzi-jartzaileari modu solidarioan ordainduko dizkiote 18.871,71 euro, eta, gainera, hileko errentak -bakoitza 1.202,02 eurokoa- 2006ko ekainetik hasi eta epaia irmo izan bitartean sortzen direnak; aplikatu beharrekoa da PZL-ko 576. artikulua ebazpen honen datatik aurrera; auzialdiko kostuak alderdi demandatuari ezarriko zaizkio berariaz; errekonbentzioarenak, ordea, errekonbentzio-jartzaileari baino ez zaizko egokituko; eta ez da gora jotze honetan kosturik ezarriko.»

Jon Ander Larrea Yurrebaso demandatuaren egungo bizilekua ezezaguna denez eta Prozedura Zibilaren 1/2000 Legearen 497.2 artikuluan xedatutakoarekin bat, erabaki da aipatutako ebazpena Euskal Herriko Agintaritzaren Aldizkarian ediktu bidez jakinaraztea eta epaitegiko iragarki- oholean jartzea.

Jakinarazten den ebazpenaren testu osoa auzitegi honetako idazkaritzan dago, interesdunaren eskura.

Bilbao, 2009ko uztailaren 24a.

IDAZKARI JUDIZIALA.