Euskal Herriko Agintaritzaren Aldizkaria

135. zk., 2006ko uztailaren 17a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Barakaldoko Lehen Auzialdiko 1 Zenbakiko Epaitegia

3697

EDIKTUA, ordaindu ez izanagatik desahuzioa egiteko 1150/05 hitzezko judizioaren ondoriozkoa.

Barakaldoko Lehen Auzialdiko 1 zenbakiko Epaitegia (Bizkaia).

Judizioa: desahuziorako hitzezko judizioa. 1150/05.

Demandatzailea: Felipe Mintegui Gondra.

Abokatua: Jon Rueda Madina.

Prokuradorea: Margarita Barreda Lizarralde.

Demandatua: Antonia Gaviro Manzano eta Francisco Javier Prieto Adamez.

Gaia: ez ordaintzeagatiko desahuzioa eta errentak erreklamatzea.

Aipatu judizioan, 2006-04-10ean epaia eman da, zeinaren epaitza ondoko hauxe baita:

EPAITZA

Antonia Gaviro Manzanoren eta Francisco Javier Prieto Adamezen aurka, Felipe Mintegui Gondrak aurkeztutako demanda onesten dudanez gero, parteak lotzen dituen errentamendu-kontratua suntsitutzat jotzen dut eta bidezkotzat deklaratzen dut maizterrak legezko epean kaleratzea. Prozeduran sortutako kostuak berariaz ezartzen dira.

Jakinaraz bekie ebazpen hau alderdiei, eta aditzera eman epaia ez dela irmoa eta horren aurka apelazio-errekurtsoa aurkez dezaketela Bizkaiko Probintzia Auzitegian, bost egun balioduneko epean, jakinarazpena egiten den egunetik hara.

Errekurtsoa aurkezteko idazkia onartzeko, ezinbestekoa izango da epemugatutako errentak eta kontratuaren arabera aldez aurretik ordaindu beharrekoak ordainduta dituela egiaztatzea (PZLb, 449.1 artikulua).

Nire epai honen bidez erabaki, agindu eta izenpetzen dut.

Antonia Gaviro Manzano eta Francisco Javier Prieto Adamez demandatuen gaur egungo helbideak ezezagunak direnez gero, Prozedura Zibilaren 1/2000 Legearen (PZLb) 497.2 artikuluan xedatutakoarekin bat etorriaz, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Ebazpen horren aurka apelazioko errekurtsoa jar dezake demandatu auzi-iheslariak, Bizkaiko Probintzia Auzitegian.

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau argitaratu eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta ebazpenaren zein erabaki inpugnatzen den (PZLb, 457.2 artikulua).

Jakinarazten den ebazpenaren testu osoa epaitegi honetako idazkaritzan dago, interesdunaren eskura.

Barakaldo (Bizkaia), 2006ko ekainaren 2a.

IDAZKARI JUDIZIALA.