RSS
14. zk., 1999ko urtarrilaren 21a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Herri-Kontuen Euskal Epaitegia
293
65/1998 ERABAKIA, uztailaren 17koa, Herri-Kontuen Euskal Epaitegiaren lehendakariarena, Santurtziko Udalaren 1995eko Kontu Orokorraren gaineko Fiskalizazio Txostena argitara ematen duena.
Herri-Kontuen Euskal Epaitegiaren Osokoak 1998ko urtarrilaren 22an egindako bilkuran, Santurtziko Udalaren 1995eko Kontu Orokorraren gaineko Fiskalizazio Txostena oniritzi duelarik,
ERABAKI DUT:
Santurtziko Udalaren 1995eko Kontu Orokorraren gaineko Fiskalizazio Txostena argitara ematea, Erabaki honen eraskin gisara ageri dena.
Vitoria-Gasteiz, 1998ko uztailaren 17a.
HKEEren lehendakaria, RAFAEL ITURRIAGA NIEVA.
ERANSKINA
SANTURTZIKO UDALAREN LEGEZKOTASUNAREN 1995EKO KONTU OROKORRAREN GAINEKO FISKALIZAZIO TXOSTENA
Sarrera.
Herri Kontuen Euskal Epaitegiaren (TVCP / HKEE) otsailaren 5eko 1/1998 Legearen eta Udalbatzak onetsitako lan-programaren arabera, 1995eko ekitaldiari dagokion Santurtziko Udalaren Kontu Orokorraren fiskalizazioa egin da, hautatze-probaren bidez indarrean dagoen legeria betetzen den ebaluatzeko, fondo publikoetako kudeaketa-gaietan (1/1988 Legearen 9.4-a atala) aurrekontuen, kontabilitatearen, langileen, kontratazioaren, hirigintzaren eta dirulaguntzen alorretan.
Auzitegi honetako lanerako planaren arabera, alde batetik, ez da Udalaren Kontua fiskalizatu, aurkeztutako dokumentazio finantzarioa, aplikatzeko kontabilitate-printzipioen menpe jartzerakoan (1/1988 Legearen 9.4-c atala); bestetik, ez da ekonomiako eta eraginkortasuneko irizpideetan oinarritutako gastu publikoen gauzatzearen arrazionaltasuna fiskalizatu (1/1988 Legearen 9.4-b atala); eta azkenik, ez da fiskalizatu eman daitezkeen beste hainbat alderdiren legezko arautegira egokitzea ere.
Egindako berrikuspenen ondorioak txosten honen I eta II idazatietan adierazten dira. Atal hauek legezkotasuna betetzeari buruzko iritzia adierazten dute, udal-administrazioaren egoera finantzarioa baloratzen dute administrazioak berak aurkeztutako datuetatik abiatuz, erregulazio orokorra eta hirigintza-gaietan jarduketak deskribatzen dituzte, eta barne-kontroleko sistemaren hobekuntzarako zenbait gomendio ematen dituzte.
50.281 biztanleetako Udal honek bere kudeaketa zuzenean eta III.5 eta III.6 idazatietan zehazten diren Toki Erakunde Autonomiadunen (TEA), mankomunitateen eta patzuergoen bidez egiten du.
Iritziari buruzko sailean egiten diren atal argigarrien gaineko aipamenak Herri Kotuen Euskal Epaitegiaren Txostenaren argitaraldi osotuan kaleratu diren ondorioen eraskinetan barne-hartutako informazio gehigarriari dagozkio.
I.– Legea betetzeari buruzko iritzia.
Aukeratutako jarduketen azterketaren ondorioz ikus daiteke, eragin mugatuarekin, 1995eko ekitaldian zehar Santurtziko Udalaren jarduera ekonomikoa eta administratiboa legezko arautegira egokitzen dela gehienbat. Halere, ondoren aipatuko ditugunak bete gabe uztearen ondorioz, Auzitegi honek Salbuespenak dituen Iritzia eman behar du.
Salbuespenak:
– Aurrekontu eta Kontabilitate Arloa.
1995erako Santurtziko Udalaren aurrekontua 1995eko urriaren 20an onartu zen. Ondorioz, ezin izan zuen ekitaldiaren jarduera ekonomikoaren plangintza egiteko funtzioa bete, 2/1991 FAren 15.2 atala bete gabe utziz.
1995eko apirilaren 3an 1994ko ekitaldiaren likidazioa onartu zen, 92 milioi pezetako Altxortegi Soberakin negatiboarekin, eta gastu orokorretarako 167 milioi pezetako Soberakin negatiboarekin. 1995erako aurrekontuak (data horren ondoren onartua) ez ditu, aipatutako defizitagatik, gastuak edo zorpetzea baino diru-sarrera handiagoak, 2/1991 FAren 49.4 atala bete gabe utziz.
– Langile-arloa.
1995erako udal-langileen ordainsariak %3,5 gehi urteko 25.000 pezetako zenbateko lineal baterakorra igo ziren, foru eta toki administrazioen zerbitzura dauden langileen enplegu-baldintzen ebazpen arautzailean (EFAPEBAE) erabakitakoaren arabera, sektore publikoarentzako 1995erako Estatuaren Aurrekontu Orokorretako 41/1994 Legearen 18 atalak zehazten duen %3,5aren muga izan arren.
– Kontratazio-arloa.
Kontratu-mota bakoitzean ezarri daitezkeen lege-prozedurak egiaztatu ditugu, 20 espedienteetako lagin baten bidez. Espediente hauek 1.237 milioi pezetako esleipenei dagozkie. Bertan, ondorengo atal hauek utzi dira bete gabe (ikus A.6):
* 1995eko martxoan eta konkurrentziarik gabe, Udalak, 5 milioi pezetan laguntza teknikoko kontratua sinatu zuen letradu batekin, Hiri Antolaketako Plan Nagusia aztertzeko lanetan laguntzeko. Letradu honek, bitarteko funtzionari gisa, urte horretako otsailera arte Udaleko Hirigintzako Zuzendariaren funtzioak bete zituen. Sei hilabeteko epean, eta barne-funtzionari gisa jasotzen ari zen soldataren baliokidea zen kostuarekin, goian aipatutako kontratu hau konkurrentziarik gabe 1992an esleitutako beste baten oso antzekoa zen. Azken kontratu hau aldez aurretik borondatezko eszedentzian aitortu zen Udal Funtzionari bati esleitu zitzaion.
* 22 milioi pezetako espediente batean, enpresa lizitatzaileei ez zitzaien sailkapenik eskatu, APKLaren 20. atala bete gabe utziz.
* 175 milioi pezetan Toki Erakunde Autonomiadunek bideratutako espediente guztietan ez zen eskuhartzailearen espedientearen fiskalizazioa agertu, 2/1991 FAren 67. atala bete gabe utziz.
* 84 milioi pezetan 1995ean esleitutako hiru obra-espedientetan ez dago Zuinketaren Egiaztaketa Aktarik, APKLako 142. atala bete gabe utziz.
* Párroco Elías Plazaren urbanizazio-obrak esleitzeko espedientean, obrak egin ondoren onetsitako 6 eta 4 milioi pezetako obra osagarriak egin ziren. Gainera, obra hauen zati bat obra nagusia aurkeztu ondoren kontratatu zirenez banaturik kontratatu behar zen, RGCEren 153. atala bete gabe utziz.
– Hirigintza-arloa.
Lurzoruaren Erregimenari eta Hirigintza Antolakuntzari buruzko Legearen Testu Bateratua den 1/1992 Legegintzako Errege Dekretuaren zati garrantzitsu bat deuseztzat aitortu zuen, 1997ko martxoaren 20ko Konstituzio Auzitegiaren epaiak. Eta horrek eragin dezakeen zalantza juridikoaren ondorio gisa, auzitegi honek gai hau idazati honetatik atera eta zehatz batean sartzea erabaki du II.2.
II.– Barne-kontroleko sistemei eta kudeaketa-prozedurei buruzko iritziak.
II.1.– Kudeaketa-adierazleak eta finantza-egoera.
Etorkizuneko inbertsio-programak finantzatzeko gaitasunari loturiko udal baten finantza-egoera ondorengo aldagarri hauek baldintzatzen dute: aurrezki gordinak, aurrezki garbiak, altxortegi soberakinak eta zorpetzeak.
Ondorengo taula honek azken bost ekitaldietan Udalaren likidaziotik lortutako magnitude nagusien eboluzioa erakusten du:
Milioi-PTA
MAGNITUDEA 1992 1993 1994 1995 1996
Diru-sarrera arruntak (1. kapitulutik 5.era) 2.891 3.134 2.934 3.075 3.363
(-)Gastu arruntak (1, 2 eta 4 kapituluak) 2.581 2.834 2.631 2.708 2.991
(=)AURREZKI GORDINA 310 300 303 367 372
(-)Finantza-gastuak (3. kapitulua) 175 195 171 162 161
(=)EMAITZA ARRUNTA 135 105 132 205 211
(-)Maileguen amortizazioa (9. kap) 130 141 93 137 150
(=)AURREZKI GARBIA 5 (36) 39 68 61
Inbertsioak (6, 7 eta 8 kapituluak, garbiak) 20 (36) 213 253 97
Zorpetzea 1.596 1.729 1.742 1.830 1.776
Altxortegi Soberakina (**) (12) 35 (92) (103) 72
Gastu Orokorretarako soberakina (*) (123) (167) (336) (426)
(*) 1992an ez zen magnitude hau kalkulatzen.
(**) Metatutako superabiten/defiziten zenbatekoa.
Ondoren, finantza-egoeraren zenbait ratio edo deskribapen-adierazle aurkezten dira:
TALDEKO
ADIERAZLE OROKORRAK ZENBAKITZAILEA IZENDATZAILEA 1994 1995 (*)B/B
Biz. bakoitzeko diru-sarrera (PTA.) Onartutako eskubideak Biztanle-kopurua 64.846 69.570 95.961
Biz. bakoitzeko pres. fisk. (PTA.) 1, 2 eta 3 kap. ait. eskub. Biztanle-kopurua 24.238 28.858 39.502
Biz. bakoitzeko gast. (PTA.) Obligazio onartuak Biztanle-kopurua 65.322 68.217 92.404
Inbertsio-indizea (%) 6. eta 7. kap. oblig. onar. Obligazio onartuak 12 12 15
Dirulaguntzen menpe (%) 4. eta 7. kap. onar. eskub. Onartutako eskubideak 57 48 46
Aurrezki gordinaren indizea (%) Aurrezki gordina Diru-sarrera arruntak 10 12 18
Aurrezki garbiaren indizea (%) Aurrezki garbia Diru-sarrera arruntak 1 2 7
Likidezia(**) Kobratzeko zain + diruzain. Ordaintzeko zain 0,89 0,7 1,4
(*) 1995ean, 50.000 biztanle baino gehiagoko EAEko Udalek likidatutako zenbatekoen batezbestekoari dagokio
(**) Erabili gabeko maileguei dagozkien kobratzeko dagoen saldoa zenbakitzailetik kenduta.
TALDEKO
Z O R P E T Z E - A D I E R A Z L E AK ZENBAKITZAILEA IZENDATZAILEA 1992 1993 1994 1995 (*)B/B Zorpetzea (milioi PTA) Zorpetzea – 1.596 1.729 1.742 1.830 –
Zorpetzea / biztanle ( P T A ) Zorpetzea Biztanle-kop 31.630 34.266 34.524 36.395 54.081 Finantza-karga osoa (%) 3 eta 9 kap. Oblig. onar. Diru-sar. arruntak 11 11 9 10 12
Finantza-karga / bizt. (PTA) 3 eta 9 kap. Oblig. onar. Biztanle-kop 6.045 6.659 5.232 5.947 9.469
(*) 1995ean, 50.000 biztanle baino gehiagoko EAEko Udalek likidatutako zenbatekoen batezbestekoari dagokio.
Partaidetza handiena duten Erakunde Autonomoen eta Elkarte Publikoen zorpetzea kontuan hartuz gero, «biztanle bakoitzeko zorpetze» ratioa, 36.395 pezetatik 41.666 pezetara pasako litzateke. %14,5eko hazkuntza hau, batez ere, ekitaldiaren amaieran 212 milioi pezetara heldu zen «Zaharren Egoitza» deitutako Toki Erakunde Autonomiadunaren zorpetzearen ondorioz gertatu zen.
* Gastu arruntak (%3) baino gehiago hazi ziren diru-sarrera arruntak (%5), finantza-gastuen %5eko murrizketarekin batera, 1994arekiko aurrezki gordinaren eta aurrezki garbiaren hazkuntza eragin dute. Halere, aurrezki gordinaren hazkuntza hau ez da nahikoa izan inbertsio garbien hazkuntza handia (%19) finantzatzeko. Ondorioz, zorpetzea handitu behar izan zen, 1.742 milioi pezetatik 1.830 milioi pezetara pasaz (1994arekiko %5eko hazkuntza).
* Finantza-kargaren indizea, diru-sarrera arruntekiko %10ean mantendu arren, %25eko legezko mugaren azpitik, aurrezki garbiaren indize baxuak (%2,2 1995ean) etorkizunean zorpetzea ez du hazten utziko.
* 336 milioi pezetako gastu orokorretarako altxortegi-soberakin negatiboak okerrera egin du 1994az geroztik (167 milioi pezeta negatibo). Altxortegi soberakin hau etorkizunean inbertsioetako finantziazio-iturri gisa erabili ezin izateaz gain, etorkizuneko aurrekontuen kontura finantzatu beharko da. Egoera hau larritu egiten da, Udalak, 82 milioi pezeta negatiboko «Zaharren Egoitza» izeneko TEAren gastu orokorretarako altxortegi-soberakina finantzatu beharko duela kontuan hartuz gero.
Horren guztiaren ondorioz, etorkizunean, Udalaren inbertsio-gaitasuna, ohiz kanpoko baliabideak lortzeak eta gastu arrunta mantentzen lan egiteko aukerak baldintzatuko dute.
II.2.– Hirigintza.
Erreferentzia gisa balio zuen estatu-mailako araudiaren zatirik handiena baliogabetu ondoren, hirigintzako gaietan (132/1994) EAEko arautegi eskasak, esparru honen fiskalizazioa deskribapen-moduan egitea eragiten du 1995ean, Epaitegi Konstituzionalak orain baliorik gabe utzitako estatu-mailako araudia aplikatzeagatik legez kanpokoak izan zitezkeen egoerak bereziki azpimarratu gabe.
Ondoren, arautze orokorra eta 1995eko ekitaldian Udalaren hirigintzako jarduketa nagusiak adieraziko dira.
II.2.1.– Arautze orokorra.
1995ean, EAEren berezko arautegiak hirigintza-gaietan alderdi zatikatuak aztertzen ditu; arautegi bateratzaile gisa, ekainaren 26ko 1/1992 Errege Dekretu Arautzailea hartzen du. Dekretu honen bidez, Lurzoruaren Erregimenari eta Hirigintza Antolamenduari buruzko Legearen Testu Bateratua onetsi da (1/1992 EDA), eta bereak egiten ditu, beste hainbaten artean, Administrazioa, partikularrek, urbanizazio- eta eraikuntza-lanak egiteko adierazitako epeak ez betetzeari aurre egiteko beharrezko tresnez hornitzeko helburua, higiezin-merkatua arautzean eragiteko lurzoruko ondare publikoak handitzeko helburua, eta lurzoru azalera urbanizagarriak babes ofizialeko etxebizitzak eraikitzera zuzentzeko helburua. (Ekainaren 30eko 17/1994 Legea, etxebizitza-arloan, eta planeamenduko eta hirigintza-kudeaketako tresnak tramitatzeko arloan premiazko neurriena. Bertan, udal-planeamenduari ondorengo baldintzak ezarri zaizkio: Administrazioak tasa ditzakeen etxebizitzak egitera zuzendutako lurzorua zehazki kalifikatzeko beharra; %20 hiri-lurzoruko exekuzio-unitateen bidez; eta programatutako lurzoru urbanizagarrian, eta urbanizatzeko gai denean %65).
Aztergai dugun alorrean eragina duten ondorengo gertakarien artean honako hauek azpimarra daitezke:
– Eusko Legebiltzarraren otsailaren 20ko 1/1997 Legeak, probintzia-hiriburu diren edo 50.000 biztanletik gora dituzten udalerriek udal-aurrekontuetan eta lurzoruaren udal-ondarerako destinoarekin egin behar duten zenbatekoen kontsignazioa arautzen du. (Diru-sarreren I eta II ataletan kontsignatutako guztiaren %5, udal-ondareko lurzorua eratzeko, zaintzeko eta hedatzeko erabiliko da, eta diru-sarreren I eta II ataletan kontsignatutako guztiaren %5, hiri-plangintzan aurreikusitako urbanizazioetan, hornidura publikoetan eta barne-erreformako lanetan erabiliko da).
– 1997ko martxoan, Konstituzio Auzitegiak (KA), martxoaren 20ko 61/1997 epaian, 1997ko apirilaren 25eko BOEn, 1/1992 Legegintzako Errege Dekretuaren zati handi bat deuseztzat aitortu du. KAk, estatuko legegileak egindako elkarte autonomo guztietako botere-organoak osatu aurretik, hiri-legegintzaren indargabetzea deuseztzat aitortu du eta baliorik gabe utzi du; izan ere, gai horretan jadanik ez du eskuduntzarik. Beraz, eta 1997ko martxoaren 20ko epaiaren argitalpenaren ondoren, legeria autonomikoa onesten ez den bitartean, ondorengo Dekretu hauek aplikatu beharko lirateke gehigarri gisa: apirilaren 9ko 1346/1976 Legegintzako Errege Dekretua, Lurzoruaren Erregimenari eta Hirigintza Antolamenduari eta euren arau osagarriei eta garapenekoei buruzko Legearen Testu Bateratua onesten duena; martxoaren 14ko 3/1980 LED, lurzoruaren sorrerari eta hirigintza-kudeaketaren arintasunari buruzkoa; urriaren 16ko 16/1981 LED, plan orokorren egokitzapenari buruzkoa; eta 1/1992 LED, deuseztzat eta konstituziokontrakoa ez aitortzearen atalean.
KAren epaiak ez ditu 1/1992 LEDan jasotako hirigintza-kudeaketako tresnak deuseztzat jo. Bertan adierazten du estatuak ez duela arau hauek beste hainbat Administrazio publikoei ezartzeko titulurik, hirigintza-arloan, Elkarte Autonomoek eskuduntza osoa dute eta.
1/1992 LEDaren zenbait agindu baliogabetzeak, toki-erakundeetan izan zitzakeen ondorioak (beste hainbaten artean, eskuragarria den hirigintzako aprobetxamenduarekin lotutakoa), KAren irizpidearen arabera baloratu beharko dira, 1994ko uztailaren 9ko BOEn, ekainaren 16ko 179/1994 epaian bezala. KA honen arabera, berraztergarriak ez diren egoera finkatu gisa hartu behar dira; ez bakarrik, ebazpen judizialen bidez behin betiko erabakitako egoerak, baizik eta, aurka egin gabeko gainerako guztiak ere, hau da, jadanik ordaindutako errekurtsoa aurkeztu gabeko kuotak, edo erreklamaziorik edo baliabide administratiboak edo judizialak ez dituzten sortutakoak eta oraindik ordaindu gabekoak.
– Eusko Legebiltzarreko apirilaren 25eko 3/1997 Legeak, hirigintzako ekintzaren ondorioz sortutako gainbalioetan Komunitatearen partaidetza erabakitzen duenak, 1/92 LEDaren baliogabetzeari aurre egin nahi dio, eta Eusko Legebiltzarreko ekainaren 30eko 17/1994 Legea berretsi, etxebizitzako, eta planeamenduko eta hirigintza-kudeaketako tresnak bideratzeko Neurri Urgenteena. Lurzoruaren eta Elkargo profesionalen alorretan neurri liberalizatzaileetako 3/1997 Legeak, partikularrak eskura dezakeen hiri-aprobetxamendua %85ean ezartzen du, apirilaren 14ko 1997/7 Legean adierazitako %90etik urrunduz.
II.2.2.– Udalaren hiri-jarduketak.
– Planeamendua.
1995eko maiatzaren 12an, 1/1992 Legegintzako Errege Dekretuaren arabera, Plan Orokor berria behin-behineko onartu zen; 1997ko irailaren 30ean behin betiko onartuz. Lurzoruaren Legeari eta Hiriaren Antolamenduari buruzko Testu Bateratua onartzen den 1346/1976 Errege Dekretuaren arabera egindako 1987an onartutako Plana zegoen indarrean 1995ean zehar. Beraz, ez zen azterketa-xede izan udal-inbertsioak Plan berriaren azterketa ekonomikoan eta finantzarian adierazitakora egokitzea.
– Aurrekontuetako Obligazioak.
1995eko ekitaldian, Udalak, ohiko aurrekontuan, Lurzoruaren Udal Ondarerako bere balioaren %5aren baliokidea esleitu behar zuen. Obligazio hau 1/1992 LEDean arautu zen (281 atala). Era berean, aurrekontuaren %5 hirigintza-planeamenduan aurreikusitako urbanizazioak, hornidura publikoak eta barne-erreformako lanak egiteko erabili behar zuen. Udalak ez zituen obligazio hauek bete.
– Erregistroak.
Hirigintza-arloko legeriak Udalak eratu gabeko zenbait erregistro eskatzen zituen: urbanizatu gabeko oinetxeak eta lurrak, hiri-aprobetxamenduko erregistroa eta gainerako udal-ondasunetatik banatutako lurzoruaren udal-ondarearen erregistroa (1/1992 LEDaren 197 eta 276, 227 eta ondorengoak, atala eta ondorengoak).
– Hirigintza-aprobetxamendua.
Hirigintza-aprobetxamendua lur urbanizagarrian eta bateratu gabeko hiri-lurrean likidatu zen, hau da, banaketa-esparru baten barne, eta banaketa-esparruaren aprobetxamendu-tipoaren %85era heldu zen. 1995ean zehar hirigintza-aprobetxamenduen besterentzearen ondoriozko diru-sarrerak ondorengo hauek dira:
Milioi-PTA
KONTZEPTUA ZENBATEKOA
Murrieta Etorbidean 17
40 etxebizitzen urbaniz.
UA. A.B.I. 2 eta 10aren birpartzelazioa. 13
«El Cotillo» izeneko lekuan 15 etxebizitza 9
EU. urbaniz. IX-A esparru homogeneoa. 9
Bullon kalean urbanizazioa 4
Besteak 2
GUZTIRA 54
Diru-sarrera hauetatik 27 milioi pezeta lurren desjabetzeak ordaintzeko erabili ziren batez ere, espazio libreak ordaintzeko aurreikusiz. Gainerakoak, lotutako diru-sarrerak adibidez, finantziazio-desbideraketaren barne zeuden.
1994an, 40 milioi pezetako hirigintza-aprobetxamenduko besterentzeak sortu ziren. Kopuru honetatik 17 milioi pezeta 1995ean kobratu eta erregistratu ziren, eta 23 milioi pezeta 1996an. Bestalde, 1997an sartutako 6 milioi pezeta abalatu ziren. Kopuru hau Iparraguirre kalean 20 etxebizitza eraikitzeko eskuratzea falta ziren hirigintza-eskubideen balorazioari zegokion. Etxebizitza horiek eraikitzeko lizentzia 1994an eman zen.
– Besterentzeak.
1995ean zehar 14 milioi pezetako inbertsioak besterendu ziren; azpimarragarriena, 12 milioi pezetan esleitutako enkante publiko bidez egindako etxebizitza baten salmenta izan zen. Diru-sarrera hau udal-bulegoak egiteko lokalak erosteko erabili zen.
– Urbanizazio eta lurzatiketa-proiektuak.
1995ean ondorengo proiektuak onartu ziren:
* Párroco Elias plazako urbanizazio-proiektua behin betiko onartu, 125 milioi pezetako aurrekontuarekin. Proiektu horretan, egiteko obra gisa, 93 milioi pezetako bat zegoen. 1995ean, obraren bigarren fasea esleitu zen, 86 milioi pezetako lizitazio-aurrekontuarekin.
* «El Árbol» izeneko industriako Plan partzialaren IV Sektoreko urbanizazioaren hasierako onarpena, exekuzio materialeko 247 milioi pezetako aurrekontuarekin, eta lankidetza-sistemaren bidez egingo zena. Txosten hau egiterakoan, eta hasierako proiektuan ikusitako okerrak zuzentzeko, urbanizazioaren behin betiko proiektua eta eguneratutako aurrekontua jasotzeko zain zegoen Udalak urbanizazio-obrak biltzen eta esleitzen hasteko.
* 1995eko otsailaren 10ean, Gobernu Batzordeak IX-A eremu homogeneoan (Cabieces) exekuzio-unitatearen birpartzelazio-espedientearen behin-behineko likidazio-kontuaren saldoak gauzatzea onartu zuen. Eremu honen birpartzelazio-proiektua 1994an onartu zen behin betiko. Likidazio hau 1995eko abenduaren 5ean Alkatetzaren Dekretuaren bidez aldatu zen, promotoreak egindako erreklamazioak zuzenak iritzi ondoren.
– Hirigintzako lizentziak.
1995eko ekitaldian, etxebizitzak, garajeak eta merkataritza-lokalak eraikitzeko bi lizentzia eman ziren, bai eta plan partzialean eskatutako azalera minimoa betetzen zuen hiri-lurzoru industrialeko zonan lurrak bereizteko lizentzia ere.
Bestalde, Cabieces-eko exekuzio-unitatean eraikitako etxebizitzetako eta merkataritza-lokalen eraikin batek, emandako obra-lizentzia baino eraikitako azalera handiagoa zuen. Gehiegizko azalera honetatik legezta zitekeen zati bati buruzko erabakia hartua zegoen, hari zegokion hirigintzako aprobetxamenduaren konpentsazioaren bidez. Erabaki hau, Udalbatzan onartu zen 1993an. Partikularrak inolaz ere ondare bihurtu ezin zuen, Planean aurreikusitakoa ez betetzearen ondorioz baimenik gabeko zatiari buruz, 1995eko iraileko Udalbatzak erabaki zuen eraikitako gehiegizko zatia 15 milioi pezetako bi lonjekin trukatzea.
– Beste hainbat jarduketa.
1993ko maiatzaren 11n, Eusko Jaurlaritzako Hirigintza, Etxebizitza eta Ingurugiroko Sailarekin, San Juan de Rompeolas izeneko Auzoan egoera txarreko etxebizitzen egoera konpontzeko hitzarmena sinatu zen, Cabieces-eko XC jarduketa-unitatean Eusko Jaurlaritzak eraikitako 28 etxebizitzetan bizilagunak sartuz. Auzo horretako bizilagunek euren etxebizitzak utzi nahi ez zituztenez hitzarmen hau 1995ean aldatu egin zen, etxebizitza horiek etxebizitza soziala eskatu zuten beste hainbat familiak bete ahal izateko. Hori guztia, Euskadiko Auzitegi Nagusiak 1994ko abenduaren batean emandako autoan, abenduaren 9ko Eusko Jaurlaritzaren 3221/1993 Dekretua eta 1994ko abuztuaren 23ko Santurtziko Udaleko Alkatetzaren Dekretua baliogabetu ondoren. Azken Dekretu hau, goiko Hitzarmenaren helburu zen, San Juan de Rompeolas Auzoko etxebizitzak erosteko bideratzen ari zen espedientean, ondasunak azkar okupatzearen eta besterendutako eskubideen aitorpenari buruzkoa zen. Txosten hau egiteko egunean, ez zen administrazioarekiko auzi-errekurtsoari buruzko ebazpenik eman.
II.3.– Beste hainbat iritzi eta gomendio.
1.– Aurrekontua eta kontabilitatea.
1.1.– Ez ziren gorde aurrekontua kontrolatzeko urtean zehar egindako exekuzio-egoerak eta aurrekontua onartu arte indarrean zegoan luzatutako aurrekontua.
Aurrekontuan ez ziren transferentzia arrunten eranskinak eta kapital-eranskinak sartu (2/1991 FAren 6. atala).
1.2.– 1995erako Santurtziko Udalaren Kontu Orokorra 1996ko abenduaren 9an onartu zen, 2/1991 FAren 63. atala bete gabe utziz. Artikulu honek hurrengo ekitaldiko uztailaren 31 ezarri zuen onarpenerako data muga gisa. Atzerapen hau zenbait erakunde autonomoetako kontuen kontuak berandu onartu zirelako gertatu zen.
Kudeaketa ekonomikoan eta finantzarioan sekuentzia logikoa mantentzeko, legeak zehaztutako epeak bete behar dira, Erakunde Autonomoei, euren kontuak onartzerakoan, epe horiek betetzea eskatuz.
1.3.– 1995eko Kontu Orokorrean ez ziren ondorengo txosten hauek sartu: zerbitzu publikoen kostua eta errendimendua justifikatzen zuen memoria; programatutako helburuak noraino bete ziren erakusten zuen memoria; bateratutako finantza-egoerak, jarraitutako bateratze-prozedura erakutsiz; eta kontabilitate orokorraren eta aurrekontuaren likidazioaren arteko loturaren eranskin informatiboa (martxoaren 21eko Toki Erakundeetako Aurrekontuaren 2/1991 FAren 62 atala, eta Toki Erakundeetako Kontabilitateko Instrukzioa onartzen duen abenduaren 1eko 124/1992 FDaren V Izenburua).
Indarrean dagoen arautegia betetzea gomendatzen da, bai eta kudeaketa operatiboko kontrol minimoa eta horien guztien jarraipen egokia egiten utziko duten Helburuak, Ekintzak eta Adierazleak zuzen aukeratzea ere.
1.4.– 1995erako onartutako gastuen aurrekontuaren exekuzio osoa %83ra heldu zen, 6. atalburuko exekuzio baxua (%47) nabarmenduz, izan ere, inbertsioen zatirik handiena ekitaldiko azken hiruhilekoan bideratu baitziren, RGCEren 56.2 atalean adierazitakoa jarraitu gabe.
Obra-kontratuen esleipena, ekitaldiko lehenengo seihilekoan egin behar da; kasu horretan, espedienteen behar baino lehenagoko bideratzea erabiliz, prozedura azkartzeko eta obraren programazio ekonomiko zuzenerako.
1.5.– Gastuen fakturak eta ekitaldiaren amaieran jaso gabeko obra-egiaztagiriak, ondorengo ekitaldiko gastu gisa aitortu ziren.
Operazio hauek zuzen erregistratzeko, bere sortzapen-unearen arabera kontabilizatu behar dira, faktura noiz jasotzen den kontuan hartu gabe. 1.6.– Udalak, 1977an eurek egindako ondasunen inbentarioa
zeukan, merkatuaren prezioan baloratua eta urtero eguneratua ekitaldiko aldaketekin; aldaketa hauek, erositako prezioan baloratuz.
Ondasun guztien kostua eta amortizazio indibidualizatua lortu eta hobekuntza kapitalizagarriak sartu behar dira.
2.– Pertsonala.
2.1.– Lanpostu Zerrendak (LZ) aurrekontu-plantillarekiko koadrazio ezak zituen, LZan bikoiztutako 9 posturen eta LZan jadanik amortizatutako plantilako 2 posturen ondorioz.
Diferentzia hauek arautu egin behar dira.
2.2.– Denbora baterako langileak kontratatzerakoan INEM erakundera jotzen zen.
Publizitate-printzipioa betetzeko eta kontratazio-mota hauek arintzeko, aldizka eguneratutako lan-poltsa egin beharko litzateke.
2.3.– Udalak bertako langileen jarduera pribatuaren konpatibilitatearekiko ezarritako kontrol bakarra, Udalean alta ematerakoan inkonpatibilitate-kausan ez egotearen zinpeko aitorpena egitera mugatu zen.
Langileek aitorpen horiek aldizka eguneratu beharko lituzketela pentsatzen dugu.
2.4.– Liberatu gabeko korporazioko kideen (19) ordainsaria kopuru zehatza eta aldizkakoa zen, udalbatzetara edo batzordeetara bertaratzearekin zerikusia ez zuena. Gainera, zatiko arduraldia zuten lauri erabateko arduraldia zuen zinegotzi baten %50a ordaintzen zitzaien. Arautegi legalaren arabera (apirilaren 2ko Toki Jardunbidearen Oinarriak arautzen dituen 7/1985 Legearen 75 atala), ordainketa hauek erabateko arduraldia izanez gero bakarrik gerta daitezke; beraz, gainerako kasuetan, justifikatutako bertaratzeen araberako dieta-sistema bakarrik ezarri zitekeen.
Gure iritziz, funtzionarien ordainsarietan bezala, agintari politikoen ordainketak, indarrean dagoen arautegia jarraituz egin beharko lirateke.
2.5.– Udala, fondo publikoak ematen jarraitzen ari zitzaion Elkarkidetzari, funtzionarien sistema osagarrietarako pentsioen legezkotasuna zalantzan jarriz.
Kontuan hartu behar dira gai honetan gertatutako ebazpen judizialak eta txosten honen datan oraindik ebatzi gabeko errekurtsoak.
3.– Kontratazio-espedienteak.
3.1.– 29 milioi pezetan aztertutako lan-espedienteetako bitan, ez zegoen aurretiko zuinketako aktarik, APKLako 129. atala bete gabe utziz.
Dokumentu hau egiten hasi behar da; izan ere, aurretiko zuinketako akta proiektuaren bidegarritasun teknikoa ezagutzeko oinarrizkoa baita.
3.2.– 508 milioi pezetako lau espedientetan, ez zen exekuzio-epea bete, horretarako arrazoi justifikaturik eman gabe, eta zigorrik ezarri gabe.
Gauzatze-epea betetzea zerbitzu publikoak zuzen eskaintzeko nahitaezko elementua da, batez ere, epearen murrizketa esleipen-irizpidea izaten denean.
3.3.– 208 milioi pezetako zazpi espedientetan ez ziren aukeraketa-irizpideak aztertu.
Aukeraketa-irizpideak aztertu egin beharko lirateke, esleipendunaren objektibotasuna bermatzeko.
3.4.– 276 milioi pezetako sei espediente, inongo justifikaziorik gabe, larrialdi-prozedura bidez bideratu ziren. Horrela, akats hau antzeman zen hiru obra-espedientetan, esleipen-unearen eta obren hasieraren artean igarotako denbora bi hilabete baino gehiagokoa izan zen.
3.5.– Serantes Kultur Aretoan egindako ekitaldietan, ondorengo akatsak antzeman ziren:
* Kontratazio zuzenaren bidez 1992an 259 milioi pezetara heldutako eraikina birmoldatzeko obren 3. fasean, likidazioa behin-behineko harreraren aurretik onartu zen. Gainera, ez zen behin betiko harrera-akta egin, behin-behineko harrera-akta horretan zenbait huts antzematen ziren arren.
* 1995ean 60 milioi pezetan esleitutako zenbait argi- eta soinu-ekiporen horniketa-espedientean ez zen jasota geratu Baldintzak adierazi bezala baloratutako harrera-akta, eta ez zen Likidazioa egin.
3.6.– 1992an esleitutako eta 1994ra arte luzatutako «Komunitatearen Eskuhartze Plana» deitutakorako kontratuak 1995era arte iraun zuen, beharrezko luzapen-espedienterik gabe.
3.7.– «Zaharren Egoitza» deitutako Toki Erakunde Autonomiadunak kontratazio zuzenaren bidez 172 milioi pezetan 1993an esleitutako eta 1995ean amaitutako Zaharren Egoitzaren birmoldaketa-obren 2. fasean, berme-epea bukatu zen arren, ez zen behin betiko harrera egin, eta ez zen fidantza itzuli. Kontratista ez zetorren bat egindako likidazioarekin.
3.8.– 6 milioi pezetako informatikako ekipo-horniketako espedientea ez zen aurkeztu, galduta zegoelako.
Administrazio-espedienteak hobetzeko beharrezko ahaleginak egitea gomendatzen da, batez ere, espediente hauek osatzen dituzten dokumentuak bertan daudela egiaztatzerakoan eta dokumentu horiek zaintzerakoan.
3.9.– Azkenik gogoratu nahi dugu maiatzaren 18ko Administrazio Publikoen Kontratu 13/1995 Legearen 58. atalak adierazten duela egindako kontratuei buruzko dokumentazioa Herri Kontuen Euskal Erakundeari bidaltzeko beharra bete egin behar dela.
4.– Dirulaguntzak.
4.1.– 11 milioi pezetara heldutako kultur dinamizaziorako dirulaguntzek ondorengo akats hauek zituzten:
– Onuradunei ez zitzaien zerga-betebeharrak eta Gizarte Segurantzako betebeharrak eguneratuak izatea exijitu.
– Baztertuak egon arren, kirol-jarduerei 3 milioi pezetako dirulaguntza eskaini zitzaien.
– Oinarri arautzaileek, dirulaguntzen zenbatekoak zehazteko, ez zuten aztertutako irizpide objektiborik.
– Kultur jardueretarako dirulaguntzak emateko Udalaren Arau Erregulatzailearen 7. atalean adierazitako dirulaguntza izan zezaketen gastuen %50aren muga hautsi egin zen.
Bestalde, atzerapen garrantzitsuak eman ziren onuradunen artean, obligazioak betetzeak justifikatzerakoan.
Dirulaguntza-mota bakoitzerako, alderdi hauek erregulatzea gomendatzen da, dirulaguntzaren helburuak betetzeko justifikazio-epea eta -modua barne.
5.– Besteak.
5.1.– Udalak ez zuen Funtzionamenduko Arautegi Organikoa eguneratu, azaroaren 28ko 2568/1986 Errege Dekretuak onartutako Toki Erakundeen Antolaketa, Funtzionamendu eta Araubide Arautegian adierazi bezala, eta 1995eko abenduaren 28ko udalbatzaren erabakian jasotako aginduaren aurka.
Udalaren legezko eskubidea erabiltzea gomendatzen da, barne-prozedurak hobetzeko.
5.2.– Elkarkidetzarekiko zorpetzeak merkatukoaren gainetik dagoen interes-tipoa zeukan.
Kredituen baldintzen birnegoziazioari arreta berezia eskaini behar zaio, merkatukoetara egokitzearren.
III.– Kontuak.
III.1.– 1995eko Ekitaldiko Aurrekontu-Likidazioa.
A. AURREKONTUAREN LIKIDAZIOA / 1995 EKITALDIA Milioi-PTA
AURREKONTUA
DIRU-SARRERAK HASIERAN ALDATUA B. BETIKO ESKUBIDEAK KOBRANTZ. ZORDUNAK EXEKUZ.
1.– Zerga zuzenak 750 – 750 738 626 112 (12)
2.– Zeharkako zergak 120 – 120 100 62 38 (20)
3.– Tasak eta beste hainbat diru-sarrera 587 122 709 613 566 47 (96)
4.– Transferentzia arruntak 1.608 61 1.669 1.606 1.527 79 (63)
5.– Ondarezko diru-sarrerak 25 – 25 19 15 4 (6)
6.– Inbertsioak besterentzea – 178 178 68 68 – (110)
7.– Kapital-dirulaguntzak – 252 252 78 72 6 (174)
8.– Finantza-aktiboen aldaketa – 41 41 24 24 – (17)
9.– Finantza-pasiboen aldaketa – 381 381 252 190 62 (129)
DIRU-SARRERAK GUZTIRA 3.090 1.035 4.125 3.498 3.150 348 (627)
AURREKONTUA
GASTUAK HASIERAN ALDATUA B. BETIKO ESKUBID. ORDAIN. HARTZEKOD. EXEKUZ.
1.– Langile-gastuak 1.363 (27) 1.336 1.319 1.223 96 17
2.– Erosketak eta zerbitzuak 1.100 179 1.279 1.112 729 383 167
3.– Finantza-gastuak 177 (2) 175 162 162 – 13
4.– Transferentzia arruntak 293 7 300 277 213 64 23
6.– Benetako inbertsioak 9 837 846 401 295 106 445
7.– Kapital-dirulaguntzak – – – – – – – 8.– Finantza-aktiboen aldaketa – 41 41 22 22 – 19
9.– Finantza-pasiboen aldaketa 148 – 148 137 137 – 11
GASTUAK GUZTIRA 3.090 1.035 4.125 3.430 2.781 649 695
DIF. DIRU-SARRERAK ETA GASTUAK – – – 68 369 (301) 68
B. AURREKONTU ITXIEN ALDAKETAK/1995EKO EKITALDIA Milio-PTA
HASIERAKO ESKUBIDEAK KOBRATZEAK ZORDUNAK
SALDOA OBLIGAZIOAK. ORDAINKETAK HARTZEKODUNAK BALIOGAB
Hasierakoa 166 166 166 – –
Zordunak 798 798 455 343 –
Hartzekodunak 712 701 656 45 11
AURREKONTU ITXIAK 11
C. HITZARTUTAKO EKITALDIKO AURREKONTUAREN EMAITZAK Milioi-PTA
Ekitaldiko aurrekontuaren emaitza 79
Altxortegi-soberakinekin finantzatutako obligazioak –
Finantziazio-desbideraketak (+,-) (68)
HITZARTUTAKO EKITALDIKO AURREKONTUAREN EMAITZA 11
D. ALTXORTEGI-SOBERAKINA Milioi-PTA
Altxortegi-soberakina (103)
Finantziazio-desbideraketak 233
GASTU OROKORRETARAKO ALTXORTEGI-SOBERAKINA (336)
E. ZORPETZEA Milioi-PTA
Zorpetzea 1.830
III.2.– Altxortegi-soberakina 1995.
Milioi-PTA
KONTZEPTUA ZENBATEKOA
KOBRATZEKO DAUDEN ZORDUNAK:
Diru-sarreretako aurrekontuetakoa, arrunta 348
Diru-sarreretako aurrekontuetakoa, itxiak 343
Aurrekontuetakoak ez diren beste hainbat operazioetakoak 37
(Kobratzeko zalantzazko saldoak) (142)
(Aplikatzeko dauden diru-sarrerak) (3)
ZORDUNAK GUZTIRA (A) 583
ORDAINTZEKO DAUDEN HARTZEKODUNAK:
Gastuen aurrekontukoa, arrunta 649
Gastuen aurrekontukoa, itxiak 45
Diru-sarrerak itzultzeagatik 1
Aurrekontuetakoak ez diren beste hainbat operazioetakoak 131
HARTZEKODUNAK GUZTIRA (B) 826
ALTXORTEGIKO FONDO LIKIDOAK (C) 140
ALTXORTEGI-SOBERAKINA (D=A-B+C) (103)
GASTUETARAKO SOBERAKINA KALTETUTAKO FINANTZIAZIOAREKIN (E) 233
GASTU OROKORRETARAKO SOBERAKINA (D-E) (336)
III.3.– Finantza-egoerak.
1995 eta 1994ko abenduaren 31ko EGOERA-BALANTZEA Milioi-PTA
AKTIBOA 1995 1994 PASIBOA 1995 1994
IBILGETUA: 5.030 4.639 BEREZKO FONDOAK: 2.726 2.592
Erabilera orokorreko ondarea 471 245 Ondarea 3.715 3.715
Inmateriala 1 (3) Aurreko ekitaldietako emaitzak 1 –
Materiala 4.558 4.397 Erabilera orokorreko ondarea (1.124) (1.124)
Emaitza positiboak 134 1
ZORDUNAK: 550 724 HARTZEKODUNAK: 2.706 2.761
Ekitaldi arrunta 348 506 Epe luzea 1.753 1.788
Ekitaldi itxiak 343 292 Epe motza 953 973
Zenbait 1 38
Hornidurak (142) (112) BANATU BEHARREKO DIRU-SAR: 308 172
FINANTZA-KONTUAK: 160 162
Bankukoak ez diren beste kontuak 20 (4)
Altxortegia 140 166
GUZTIRA AKTIBOA 5.740 5.525 GUZTIRA PASIBOA 5.740 5.525
1995 ETA 1994KO EKITALDIETAKO GALERA- ETA IRABAZI-KONTUA Milioi-PTA
ZORRA 1995 1994 HARTZEKOA 1995 1994
GASTUAK: 2.738 2.743 DIRU-SARRERAK: 3.066 2.919
Lansariak eta soldatak 1.019 1.028 Zerbitzu-eskaintzak 397 321
Gastu sozialak 303 349 Zerga zuzenak 737 569
Kanpoko zerbitzuak 1.109 1.004 Zeharkako zergak 100 122
Emandako dirulaguntzak 277 250 Diru-sarrera gehigarriak 226 220
Amortizazio-hornidurak – – Dirulaguntzak 1.606 1.687
Horniduren aldaketak 30 112
ESPLOTAZIO-MOZKINAK: 328 176 Interesen ondoriozko diru-sarrerak 8 14
Finantza-gastuak 162 171 FINANTZA-EMAITZAK: 154 157
OHIKO MOZKIN AKTIBOAK: 174 19
Aurreko ekitaldietako gastuak 59 26 Aurreko ekitaldietako diru-sarrerak 12 8
AURREKO EKITALDIETAKO GALERAK: 47 18
Ohizkanpoko mozkinak 7 –
OHIZKANPOKO MOZKINAK 7 –
EKITALDIKO EMAITZAK (MOZKINA) 134 1
III.4.– Finantza-pasiboak.
Ondorengo taulan adierazten dira, erakunde mailegari bakoitzaren arabera, 9. atalburuko diru-sarrerak eta gastuak, mailegu bakoitzean ordaintzeko geratzen den zati nagusia eta bere amortizazio-baldintzak.
Milioi-PTA
& # 9 ; E m a n d a k o % Amortizazio-baldintzak Saldoa Saldoa Erab.gabeko Bankua Zenbateko Interesa Gabealdi. Noiztik Noiz arte 95.1.1 Berr. Birfin. Amort. 95.12.31 sald.
Zaharren egoitza BBK 180 Mibor+1 175 –
Zaharren egoitza BBK 29 13,25 21 –
Zaharren egoitza BBK 17 Mibor+0,75 16 –
KUI BBK 100 Mibor+0,5 53 47
GUZTIRA 326 265 47
Zaharren Egoitzaren maileguak 1996an birnegoziatu ziren, Mibor+0,5ko interes-tipoarekin, eta ondoren, 1997an, Mibor+0,2an.
III.5.– Tokiko erakunde autonomoak.
Erakunde hauen magnitude garrantzitsuenak ondorengo hauek dira:
Milioi-PTA
AZKEN EKITALDIKO ALTXORTEGI G. OROKOR.
ERAKUNDEA AURREK. ZORPETZEA EMAITZA SOBERAKIN SOBERAKINA
Udal Euskaltegia 101 – (5) 4 4
Kirol Udal Institutua 350 53 2 3 3
N.ª Sra. de Begoña Zaharren Egoitza 252 212 (16) (74) (82)
GUZTIRA 703 265 (19) 67 (75)
III.6.– Elkarte partaidetzadunak.
Udala, beste hainbat erakunderekin batera, Mankomunitateetako eta Kontsortzioetako kide da. Erakunde hauen magnitude garrantzitsuenak ondorengo hauek dira:
Milioi-PTA
AZKEN EKITALDIKO ALTXORTEGI G. OROKOR.
ERAKUNDEA AURREK. ZORPETZEA EMAITZA SOBERAKIN SOBERAKINA
Bilbo Handiaren Ur Partzuergoa 8.650 7.906 1.098 4.891 4.063 <P>Ezkerraldeko Zaramen Mankomunitatea 354 – (12) 18 18
Taller Ranzari Mankomunitatea 241 – (38) (27) (27)
Bizkaiko Garraio Partzuergoa (*) 30.404 53.000 (24.766) (2.819) (2.842)
GUZTIRA 39.649 60.906 (23.718) 2.063 1.212
(*) Eusko Jaurlaritzak eta Bizkaiko Foru Aldundiak finantzatu dute.
HERRI KONTUEN EUSKAL EPAITEGIAK ADMINISTRAZIO HONI BIDALITAKO SANTURTZIKO UDALAREN 1995EKO
KONTU OROKORRAREN GAINEKO
FISKALIZAZIO TXOSTENA DELA ETA SANTURTZIKO UDALAK EGINDAKO ALEGAZIOAK
A.– Alegazioak, txosteneko ondorioen gainean.
II.– Barne-kontroleko sistemei eta kudeaketa-prozedurei buruzko iritziak.
3.– Kontratazio-espedienteak.
3.1.– 29 milioi pezetan aztertutako lan-espedienteetako bitan, ez zegoen aurretiko zuinketako aktarik, APKLako 129. atala bete gabe utziz.
Alegazioa:
* J. M. Barandiaran kolektorearen exekuzioa: zuinketako aktarik ez dago, espedientea presakotzat jo zelako, B.3 idazatian azaldutako arrazoiak direla medio. Espediente horretan aplikazio zuzena duen Estatuaren Kontratuei buruzko Legearen 26.3 atalean xedatzen denez, zuinketa eta obren hasiera behin kontratua onartuz gero has daitezke, nahiz eta dokumentu publikoa formalizatu ez.
3.2.– 508 milioi pezetako lau espedientetan, ez zen exekuzio-epea bete, horretarako arrazoi justifikaturik eman gabe, eta zigorrik ezarri gabe.
Alegazioa:
* Bullón Eremuko BEPB.
Kasu honetan epea zintzo bete da: Barne Erreformako Plan Berezia entregatzeko epea amaitu baino lehen gauzatu da kontratuaren exekuzioa. Alegia, kontratua 1995eko urriaren 26an izenpetu zen, eta bertan xedatu zenez, berorren exekuzioa gauzatzeko epea 6 hilabetekoa zen, administrazio-kontratua formalizatu zen egunaren biharamunetik kontatzen hasita. Bada, dokumentua 1995eko abenduaren 28an entregatu zen (dokumentu bukaerako 1. oharra).
3.3.– 208 milioi pezetako zazpi espedientetan ez ziren aukeraketa-irizpideak aztertu.
Alegazioa:
Aukeraketa-irizpideak haztatzea dela-eta, honako espedienteetan antzeman da akats hori:
* SKA argi- eta soinu-ekipoak.
* Bullón Eremuko BEPB.
* SKA armairu zerbitzuak eta beste batzuk.
* Udal eraikinen garbiketa.
* Lanerako prestakuntzako programa.
Espedientearen hasiera ebatzi zuten erabakiak egun hauetan eman ziren:
* SKA argi- eta soinu-ekipoak: Gobernu Batzordearen 1994ko irailaren 30eko ohiko bilkura.
* Bullón Eremuko BEPB: Gobernu Batzordearen 1995eko maiatzaren 26ko 19/95 ohiko bilkura.
* SKA armairu zerbitzuak eta beste batzuk: Gobernu Batzordearen 1995eko martxoaren 31ko 12/95 ohiko bilkura.
* Udal eraikinen garbiketa: 1496 zenbakiko A.D., 1994ko abuztuaren 19koa.
* Lanerako prestakuntzako programa: Gobernu Batzordearen 1994ko abenduaren 2ko bilkura.
Aipatu espediente guztiak Administrazio Publikoetako Kontratuei buruzko maiatzaren 18ko 13/95 Legea indarrean jarri aurretik hasi ziren. Beraz, zegokien araudia apirilaren 8ko 923/1965 Dekretua zen (Estatuaren Kontratuei buruzko Legearen Testu Artikulatua eta gainerako xedapen garatzaileak eta aplikagarriak onartzen dituena). Eta horren haritik, aipatu Legearen 36. atalean xedatzen denez, lehiaketako berariazko klausula administratiboen pleguan adierazi behar dira esleipena bideratuko duten irizpideak, hala nola, prezioa, exekuzio-epea, erabilera-kostua, errentagarritasuna, balio teknikoa eta antzeko beste batzuk; eta irizpide horietan oinarrituko da kontratazio-organoa esleipena ebazteko.
Esleitzeko irizpideak haztatzea maiatzaren 18ko 13/1995 Legeak ekarri duen emaria da, eta ez aurretikoa. Beraz, Administrazio honek zuzen jardun zuen, aipaturiko Legea indarrean jarri aurreko legeriari eusten baitzion.
3.4.– 276 milioi pezetako sei espediente, inongo justifikaziorik gabe, larrialdi-prozedura bidez bideratu ziren. Horrela, akats hau antzeman zen hiru obra-espedientetan, esleipen-unearen eta obren hasieraren artean igarotako denbora bi hilabete baino gehiagokoa izan zen.
Alegazioa:
* J. M. Barandiaran kolektorea.
Prozeduraren urjentzia eragin duen arrazoia, espedientean azaltzen den moduan, kontratua esleitzeko Bizkaiko Foru Aldundiak ezarritako 60 eguneko epea da. Urjentea, beraz, ez da obren exekuzioa, ezpabere kontratua epe horretantxe esleitzeko epea bera; osterantzean, kolektorea egiteko dirulaguntza (18.750.000 PTA) gal baitaiteke.
* Párroco Elías Plazako Urbanizazioa.
Prozeduraren urjentzia eragin duen arrazoia esleipen-erabakian datza, aurreneko faseko lanak amaitzear daude eta.
3.5.– Serantes Kultur Aretoan egindako ekitaldietan antzemandako akatsak.
* Serantes Kultur Aretoaren birmoldatzeko lanen hirugarren faseari dagokion espedientea dela eta, txostenak dioenez «likidazioa 1995eko urtarrilaren 27an onartu zen, hau da, 1995eko otsailaren 15ean behin-behineko harreraren aurretik...». Gainera, ez zen behin betiko harrera-akta egin, behin-behineko harrera-akta horretan zenbait huts antzematen ziren arren. Baina 1995eko urtarrilaren 27ko 3/95 bilkuran Gobernu Batzordeak benetan onartutakoa 20 zenbakiko zertifikazioa izan zen, halaxe frogatzen du-eta idazkari nagusiak emandako egiaztagiriak.
Txostenak ondoren dioenez «ez zen behin betiko harrera-akta egin, behin-behineko harrera-akta horretan zenbait huts antzematen ziren arren».
Akats horiek zuzendu direla aintzat hartu gabe, Estatuaren Kontratuei buruzko Legearen 55. atalak adierazten duen moduko harrera-aktarik egin ez izana kontratista desagertzeari zor zaio, ez baitakigu non dagoen ere.
4.– Dirulaguntzak.
Txostenean, dirulaguntzen atalean, arau-haustea aipatzen da, «lagundu daitezkeen gastuen %50eko mugarekin».
Antza denez, Toki Korporazioetako Zerbitzuen Araudiaren 26. ataleko 1. idazatiaren 4. arauaz ari da, zeinak hitzez-hitz hau baitio: «dirulaguntzak ez dira izango, inola ere, lagundu nahi diren jardueren kostuaren erditik gorakoak».
Gure aburuz —Administrazio Publikoetako Ministerioaren Araubide Juririkoaren Zuzendaritza Nagusiak egindako txosten batekin bat-, toki-korporazioek eman ditzaketen dirulaguntzen muga ezartzen duen 26. atal hori ez da oinarrizkoa, eta, beraz, indarrik ez dauka, 7/1985 Legea indargabetzen duen xedapenaren karietara, lege horretako 7. atalean ezarritakoa urratzen baita.
Arren eskatzen dugu, Herri Kontuen Euskal Epaitegiaren interpretazio juridikoa bestelakoa bada, horren berri eman diezagula, guk aztertu eta neurri egokiak hartzeko.
Epaitegiak salatzen dituen beste akatsei eta proposatzen dituen iradokizunei dagokienez, atseginez jakinarazi nahi dizuegu abian direla jadanik zuzenketak, eta halaxe eman genion aditzera Epaitegiko pertsonalari. Zehazki esateko, auzoetako jaiak antolatzeko 1997an onarturiko dirulaguntzen araudian jadanik Epaitegiaren gomendioak gauzatu ziren.
JOSÉ MIGUEL DARQUISTADE ALBIZUA SANTURTZIKO UDALAREN ALKATE OHIAK AURKEZTURIKO ALEGAZIOAK
A6. eranskina.– Kontratazioa. E. Akats espezifikoak.
Santurtziko Udalaren Hirigintza zuzendaria izandakoari sei hilabetez kontratua luzatzeko —hain zuzen HAPN berrikusteko lanen esleipena jaso duen arkitektoarekin elkarlanean lanak amaitzeko— 1995eko martxoan hartutako erabakia dela-eta Epaitegiak ematen dituen ondorioekin ados ez nagoenez gero, ondoren adieraziko ditut nire alegazioak.
1.– Barne Araubidea eta Giza Baliabideetako Alorreko zuzendariak 1995eko otsailaren hiruan txosten bat eman zuen non azaltzen zuen bere ustez udal-plantillan giza baliabide aski zegoela, Urrutia jaun letratua bertan egonik. Iritziak iritzi, harrezkero Urrutia jaunaren kargugabetzeak indartu egin zuen Udal Zerbitzu Publikoetako atalburuaren arrazoibidea, hau da, ez dagoela berezko baliabide nahikorik kontratuaren helburuei aurre egiteko.
2.– Atalburu horren 1995eko otsailaren 7ko txostenean eta Kontratazio Zerbitzuetako, Zerbitzu Orokorreetako eta Ondareko buruaren otsailaren 23ko txostenean jasotzen den bezala, aparteko gorabehera teknikoak zeuden lehia publikoa baztertzeko.
3.– Esleitutako kontratua ezin argiagoa izan zen, ondoren aipatzen diren lege-manuen aplikazioan: uztailaren 17ko 1465/85 Errege Dekretua; apirilaren 8ko 923/65 Dekretua, Estatuaren Kontratuetarako Legearen Testu Artikulatua onartzen duena; azaroaren 25eko 3410/75 Dekretua, Estatuaren Kontratuetarako Araudi Orokorra onartzen duena; apirilaren 2ko 7/85 Legea, Toki Araubidearen Oinarriak arautzen dituena; apirilaren 18ko 781/86 Erregeren Lege-Dekretuaren bidez onartutako Toki Araubidearen Alorreko Indarreko Lege-xedapenen Testu Bategina, eta aplikatzekoak diren eta bat datozen gainerako xedapenak.
4.– Aurrekoa gorabehera, sen onak eta interes publikoak bultzatu zuten gure jokamoldea.
1. OHARRA Santurtziko Udalak aipatzen duen agiria lanen aurrerapen bati dagokio, kontratuan aurreikusi bezala.
