Zu zeu izatera ausartu

Ezaugarriak

“Zu zeu izatera ausartu” programak laguntzazko hiru alderdi bateratzen ditu. Haiei esker, parte-hartzaileek hainbat gaitasun ikasi eta praktikan jar ditzakete:

• Haurrentzako hezkuntza-jarduerak.
• Guraso edo irakasleentzako estrategiak.
• Inguruneko egiturak.

Programak etorkizunean drogen kontsumo-arriskua eta bestelako jarduera kaltegarri batzuk murrizteko helburua du, komunikazio, gatazken ebazpen, auto-estimu eta familia-gaitasunen lehen eta bigarren mailako babes-faktoreak hobetzeko. Formazio-jarduerak eskaintzen dira erantzukizunaren eraginkortasuna, seme-alaben hazkuntza, komunikazioa eta trebetasun sozialak, arazoen ebazpena eta erabakiak hartzeko gaitasuna gurasoengan sustatzeko.

Programaren helburua familia-hazkuntzaren gaitasuna eta adingabeen babes-faktoreak hobetzea da, gurasoen gaitasunak eta haiek hazkuntzari dagokionez duten gogobetetasuna handitzeko. Programaren osagai bakoitza giza garapenaren ereduetan, teoria sozio-kognitiboan eta arazo moral eta sozialei buruzko arrazonamendu-teorian oinarritua dago.

Haurren adina

2 urte eta erdi eta 5 urte bitarteko seme-alabak dituzten familientzat.

Saioak

• 2 ordu eta erdiko 11 saio, gurasoentzako 4 indartze-saio.
• 2 ordu eta erdiko 11 saio, haurrentzako 4 indartze-saio.
• 2 ordu eta erdiko 11 saio, guraso nahiz haurrentzako 4 indartze-saio.

Materialen deskribapena

Eskuliburuak.

Emaitzak

Gurasoen emaitzak:

• Familia-komunikazioa eta autonomia-ohitura hobeak.
• Gogobetetasun askoz handiagoa laguntzazko sare sozialei eta hezkuntza-ahalmenari dagokienez.
• Hazkuntza positiboaren teknikak ugaltzea (komunikazio eraginkorreko gaitasunak eta “bakarraldi” teknikaren erabilera).
• Familien % 45etan aitak parte hartzen du.

Haurren emaitzak

Kontrol-taldearekin alderatuz, estatistikoki esanguratsua den alkohol eta tabakoaren kontsumoaren gutxitzea edo atzeratzea.

Harremanetan jartzeko

Jan Miller-Heyl, M.S.
Program Director Colorado State University 215 North Linden, Suite E Cortez
Colorado 81321
United States of America
Posta elektronikoa: jan.miller-heyl@colostate.edu
Web orria: www.coopext.colostate.edu/DTBY/index.html

Renee Podunovich
Program Coordinator 215 North Linden, Suite E
Posta elektronikoa: Renee.podunovich@colostate.edu
Web orria: www.coopext.colostate.edu/DTBY/index.html