zientologia
iz. Estatu Batuetan 1950. urte inguruan L. Ron Hubbardek sorturiko higikundea. Hubbardek asmatutako psikoterapia modu batean, dianetika-n, oinarritzen zen. Sineste sistema oso egituratua du zientologiak: thetan-a arima, energia, da; unibertsoa mest gisa (materia, energia, espazioa, denbora) ulertzen da; Jainkoa gizon egin dela ere sinesten dute kideek, eta ezkutuko gurtza eta errituak dituzte. Zientologiaren eliza 1955ean sortu zen Estatu Batuetan, eta Britainia Handira eta beste herrialde askotara zabaldu zen gero. Kritika handiak izan ditu, bai alderdi zientifikoari eta erlijiozkoari dagokienez, bai kideei eskatzen zaien diruagatik. Hala, 1980 inguruan, Hubbard eta Eliza bera sarritan izan ziren epaituak, Hubbardek higikundea bere probetxurako erabili zuelakoan.
