Wehiling, Arno
Brasildar historialaria (Rio de Janeiro, 1947). Historiaren teoria eta metodologiako katedraduna Rio de Janeiroko Unibertsitate Federalean eta Gama Filho Unibertsitatean, eta zuzenbidaren historiako katedraduna Rio de Janeiroko Unibertsitatean. Brasilgo Institutu Historiko eta Geografikoko lehendakaria da, eta Brasil, Espainia, Portugal, Argentina eta Uruguaiko zenbait instituzio akademikotako kide. Historiaren eta historiografiaren epistemologiari, Brasil kolonialari eta Brasilgo zuzenbidearen historiari buruzko ikerkuntza eta saiakerak idatzi ditu liburu eta argitalpen berezietan. Lanik aipagarrienak: Os níveis da objetividade histórica (1974, Objektibotasun historikoaren mailak), Administração portuguesa no Brasil, 1777-1808 (1986, Portugaldar administrazioa Brasilen 1777-1808 urteetan), A invenção da história: estudos sobre o historicismo (1994), Formação do Brasil Colonial (1994, Brasil kolonialaren sorrera).
