voltametro
iz. Elektr. Elektrizitate korrontea elektrodo batean askatzen edo jalkitzen den gai kopuruaren arabera neurtzeko tresna. Elektrolisia eragiten duen edozein tresna voltametroa izan daiteke. Hiru voltametro mota nagusi dira: bolumen voltametroa, merkurio nitratozko boltametroa eta konposizio voltametroa. v Bolumen voltametroa. Elektrolitoa ur azidodunez osatua duena. Elektrizitate kopurua elektrodo batean askatzen den gasaren (oxigeno zein hidrogeno) bolumenaren arabera neurtzen da. v Merkurio nitratozko voltametroa. Elektrizitate kopurua merkurio nitratozko soluzio bateko elektrodo batean pilatzen den merkurioaren pisuaren arabera neurtzen dena. v Konposizio voltametroa. Elektrizitate kopurua elektrodo batean jalkitzen den elektrolitoaren konposizio kopuruaz neurtzen dena.
