Saluen
edo Salween. (Txin. Nu Txiang edo Lu Txiang; thai hizkuntzan Mae Nam Khong). Asiako erdialdeko eta hego-ekialdeko ibaia. 2.500 km. Ekialdeko Tibeteko mendietan du iturburua, 4.000 m-tik gora, eta Txinako Yun-naneko eskualdea igaro ondoren, Birmanian barneratzen da. Shan eta Kareeko goi-ordokiak gurutzatu ondoren Indiako Ozeanoan isurtzen du ura, Martaban-eko golkoaren iparraldean, Moulmein-eko hiritik hurbil. Ontziz ibil daiteke bokaletik 100 km barnealdera. Birmania eta Thailandiako estatuen arteko muga eratzen du parte batean.
