salamandrido
adj Zool. Urodeloen ordenako izen bereko familiako anfibioez esaten da. Egituraz sugandilaren antzekoak dira, baina haiek baino sendoagoak dira. 32 cm inguru luze izaten dira. Hanka motz samarrak dituzte, lau behatzekoak aurrekoak eta bostekoak atzekoak. Begiak handiak eta betazaldunak dituzte; mihia, berriz, txikia dute. Salamandrido helduek ez dute zakatzik izaten, baina larbek bai. Bizitza lehorrean ematen dute, baina arrautzak errutera uretara joaten dira. Europan, Afrikako ipar-mendebalean, Asian eta Ipar Amerikan bizi dira. Salamandrido motarik ezagunena arrabioa da.
