Porto Alegre
Brasilgo hegoaldeko hiria eta portua, Rio Grande do Sul estatuko hiriburua, Dos Patos aintziraren iparraldeko muturrean, Jacui ibaiaren bokalean. 1.275.483 biztanle. Artzapezpiku egoitza. Unibertsitatea. Nazioarteko aireportua. Sao Pauloren ondoren, Brasilgo hegoaldeko merkataritza eta industria hiri (janari industria, ontziolak, ehungintza, metalurgia, kimika industria, plastikogintza, industria petrokimikoa, kautxua) nagusia da.
