Kultura eta Hizkuntza Politika Saila

Navagero, Andrea

Veneziako diplomatikoa (Venezia, 1483 - Blois, Loir-et-Cher, 1529). 1525-1528 urteetan Veneziako errepublikako enbaxadore izan zen Karlos V.a enperadorearen aurrean, Espainia Adrian VI.a aita santuak bultzaturiko aliantza katolikoan sartzeko ahaleginetan. Bere Il viaggio fatto in Spagna et in Francia (Espainian eta Frantzian barrena eginiko bidaia, 1563an argitara emana) liburuan, ohar interesgarriak eman zituen Espainiako, Nafarroako eta Frantziako erresumetan barrena eginiko bidaia hartan ezagututako herriei eta lurraldeei buruz, eta datu garrantzitsuak eskaini zituen Euskal Herriari buruz (Gasteizez, Gipuzkoaz eta Baionaz bereziki).